Санъат Раҳим: Барои риоя накардани қоидаҳои бехатарии саноатӣ 177 нафар ба ҷавобгарии маъмурӣ кашида шуданд
ДУШАНБЕ, 13.07.2021 /АМИТ «Ховар»/. Аз ҷониби нозироти Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон имсол 19 ҳодисаи нохуши истеҳсолӣ ба қайд гирифта шудаанд, ки дар натиҷа 11 нафар ҳалок ва 37 нафар ҷароҳатҳои гуногуни ҷисмонӣ бардоштанд. Дар ин хусус Сардори Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон Санъат Раҳим имрӯз дар Душанбе ба хабарнигорон иттилоъ дод. Мавсуф афзуд, ки дар ҳамаи ҳодисаҳои нохуш тафтиши техникӣ гузаронида шудааст.
Сардори Хадамот омилҳои асосии сар задани ҳодисаҳои нохуши истеҳсолиро риоя нагардидани истифодаи дурусти таҷҳизот ва техникаи истеҳсолӣ, паст будани сатҳи касбияти мутахассисон, беназоратӣ ва хунукназарии масъулину роҳбарон арзёбӣ намуд. Зикр шуд, ки аз ҷониби Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон нисбат ба шахсони масъули корхонаҳо барои риоя накардани қоидаҳои бехатарии саноатӣ 177 нафар ба ҷавобгарии маъмурӣ кашида шуда, ба маблағи 535980 сомонӣ ҷарима баста шудаанд.
Инчунин Санъат Раҳим зикр намуд, ки дар Хадамот 2289 корхона ва 10096 иншооти зериназоратӣ ба қайд гирфита шудаанд. Имсол аз ҷониби 8 нозироти давлатии марказӣ ва 3 нозироти комплексии назорати бехатарии саноатӣ дар вилоятҳои Хатлон, Суғду Бадахшон 125 назорати техникӣ гузаронида шуданд, ки аз инҳо 112 назорати нақшавӣ ва 13 назорати ғайринақшавӣ мебошанд.
Инчунин барои ба талаботи санадҳои меъёрию ҳуқуқии бехатарии саноатӣ ҷавобгӯ набудани фаъолият, наандешидани тадбирҳои зарурӣ оид ба пешгирӣ ва сар задании ҳодисаҳои нохуш дар объектҳои истеҳсолии хатарнок ба 16 иншоот нишондод оид ба боздошти кор пешниҳод гардид.
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
