Тоҷикистон бо 111 давлат табодули мол намуда, 95 номгӯй молу маҳсулот ворид намудааст

Июль 31, 2021 09:22

ДУШАНБЕ, 31.07.2021 /АМИТ «Ховар»/. Тоҷикистон имсол бо 111 кишвари ҷаҳон  мубодилаи мол анҷом додааст. Дар ин давра аз Тоҷикистон ба кишварҳои хориҷӣ ба маблағи  161,6 миллион  доллар маъданҳо ва консентратҳо, 74,3 миллион доллар нахи пахта, 72,6 миллион  доллар  алюминий, 27,0 миллион  доллар семент,  24,8 миллион доллар ресмони пахтагӣ ва 12,2 миллион доллар маҳсулоти меваю сабзавот содирот гардидааст.

Дар ин бора Сардори Хадамоти гумруки назди Ҳукумати Ҷумҳурии  Тоҷикистон  Хуршед Каримзода 30 июл дар нишасти матбуотӣ дар Душанбе ба намояндагони воситаҳои ахбори омма иттилоъ дод.

Хуршед Каримзода изҳор дошт, ки аз ҳаҷми умумии содирот 23,0 фоиз  ё 240,1 миллион доллар ба кишварҳои хориҷи наздик ва 77,0 фоиз ё 808,4 миллион доллар ба кишварҳои хориҷи дур рост меояд. Ҳаҷми асосии содироти мол бо давлатҳои Швейтсария- 50,9 фоиз, Қазоқистон- 15,4 фоиз, Туркия- 11,1 фоиз, Чин- 4,5 фоиз, Узбекистон- 4,3 фоиз,   Белгия- 3,5 фоиз ва Афғонистон- 3,2 фоизро ташкил медиҳад.

Дар шашмоҳаи якуми соли 2021 нисбат ба ҳамин давраи соли  гузашта  содироти мол ба Италия ба маблағи 1,5 миллион доллар, Қирғизистон- 0,6 миллион доллар, Латвия- 2,6 миллион доллар ва Ветнам- 1,4 миллион доллар коҳиш ёфта, ин нишондиҳанда бо кишварҳои Қазоқистон ба андозаи 76,2 миллион доллар, Чин- 30,3 миллион доллар, Белгия- 23,3 миллион доллар, Туркия- 12,3 миллион доллар, Узбекистон- 16,7 миллион  доллар, Русия-  11,0 миллион доллар, Амороти Муттаҳидаи Арабӣ- 5,4 миллион  доллар ва
Покистон- 2,0 миллион  доллар афзоиш ёфтааст.

Дар ин давра ба  Тоҷикистон аз хориҷи кишвар 95 номгӯй молу маҳсулот, аз қабили маҳсулоти нафтӣ  ба маблағи 145,7 миллион  доллар, гандум- 108,2 миллион доллар, гази моеъ- 103,8 миллион доллар, воситаҳои нақлиёти сабукрав- 66,7 миллион доллар, оксиди алюминий (глинозем)- 35,7 миллион доллар, равғани растанӣ-  52,9 миллион  доллар, чӯбу тахта- 33,2 миллион  доллар, шакар- 41,4 миллион   доллар, нуриҳои минералӣ- 29,0 миллион   доллар ва меваю сабзавот- 23,9 миллион  доллар ворид карда шудаанд.

Аз ҳаҷми умумии воридот 60,0 фоиз ё 1 122,4 миллион доллар ба кишварҳои хориҷи наздик ва 40,0 фоиз ё 747,8 миллион доллар ба кишварҳои хориҷи дур марбут аст. Воридоти асосии мол аз рӯи нишондиҳандаҳои фоизӣ ба давлатҳои Русия- 26,5 фоиз, Қазоқистон- 21,3 фоиз, Чин- 17,2 фоиз, Узбекистон- 9,2 фоиз, Туркия- 3,7 фоиз, Олмон- 3,1фоиз, Ҳиндустон- 3,5 фоиз, Ҷопон- 2,2 фоиз, Ҷумҳурии Коре-я 1,2 фоиз , Амрико- 1,2 фоиз , Эрон- 1,4 фоиз ва Беларус- 1,0 фоиз рост меояд.

Имсол нисбат ба ҳамин давраи соли гузашта воридоти мол аз кишварҳои Беларус ба андозаи 1,3 миллион  доллар, Қирғизистон- 3,9 миллион  доллар, Украина- 1,2 миллион  доллар, Қатар- 1,0 миллион   доллар ва Амрико- 11,8 миллион   доллар коҳиш ѐфта, ин нишондиҳанда аз кишварҳои Узбекистон ба андозаи 59,4 миллион доллар, Ҳиндустон- 52,3 миллион доллар, Олмон- 23,6  миллион доллар, Қазоқистон- 22,3 миллион  доллар, Русия- 19,0 миллион доллар, Швейтсария- 11,8 миллион  доллар, Эрон- 8,3 миллион   доллар, Италия- 4,4 миллион доллар, Австрия- 4,1 миллион доллар, Белгия- 5,9 миллион  доллар, Чин- 105,7 миллион  доллар, Ҷопон-  21,4 миллион  доллар, Покистон- 4,3 миллион   доллар, Шветсия- 4,2 миллион  доллар ва Туркия- 15,0 миллион  доллар афзоиш ёфтааст.

Дар натиҷаи аз ҷониби Ҳукумати Ҷумҳурии Тоҷикистон амалӣ гардидани тадбирҳо ҷиҳати саноатикунонии соҳаҳои истеҳсолӣ ва дастгирии молистеҳсолкунандагони ватанӣ, истеҳсоли як қатор молҳо дар дохили ҷумҳурӣ рушд карда, воридоти ин навъи молҳо аз хориҷи кишвар давра ба давра коҳиш ёфта истодааст.

 

 АКС: АМИТ «Ховар»

Июль 31, 2021 09:22

Хабарҳои дигари ин бахш

Кумитаи андоз: Нақшаи андозҳо ва дигар пардохтҳои ҳатмӣ 101,4 % таъмин гардид
Тӯли шаш моҳ неруи барқ нисбат ба соли 2020 камтар истеҳсол шудааст
Бонки миллии Тоҷикистон дархости «Тоҷиксармоягузор»-ро қонеъ накард
Вазири молияи Ҷумҳурии Тоҷикистон бо Вазири молия ва иқтисоди Туркманистон мулоқот намуд
Дар Душанбе Ҳисоботи арзёбии Барномаи қолабии СММ ҷиҳати кумак барои рушди Тоҷикистон муаррифӣ шуд
Тоҷикистон дар миқёси ИДМ зинаи баландтаринро касб намуд
Икром Субҳонзода: «Вақте парвозҳои муназзам барқарор мешаванд, нархи ҳавопаймоҳо метавонад коҳиш ёбад»
Сулаймон Султонзода: 500 тафтишу санҷиш 235,8 млн сомонӣ зарари молиявиро ошкор намуд
Дар Душанбе ҷаласаи дуюми роҳбарони вазорату идораҳои ҳифзи муҳити зисти кишварҳои узви СҲШ оғоз гардид
Миёни МОИ «Кӯлоб» ва «Тирмиз» санади ҳамкорӣ ба имзо расонида шуд
Фурудгоҳҳои байналмилалии Тоҷикистон имсол ба зиёда аз ним миллион мусофир хизмат расонидаанд
ПЕШИ РОҲИ ГАРМШАВИИ ҲАВОРО БОЯД ГИРИФТ! Кишварҳои Осиёи Марказӣ дар Душанбе масоили тағйирёбии иқлимро баррасӣ намуданд

Маводҳои таҳлилӣ