Юсуф Раҳмон: Баррасии саривақтию холисонаи муроҷиатҳои шахсони воқеӣ ва ҳуқуқӣ таҳти назорати доимӣ қарор дорад
ДУШАНБЕ, 13.07.2021 /АМИТ «Ховар»/. Дар шашмоҳаи аввали соли равон тариқи Интернет — қабулгоҳи Прокуратураи генералӣ 100 муроҷиати шахсони воқеӣ ва ҳуқуқӣ қабул ва чораҷӯӣ гардид. Баррасии саривақтию пурра ва холисонаи муроҷиатҳои шахсони воқеӣ ва ҳуқуқӣ, барқарорсозии ҳуқуқу манфиатҳои поймолшудаи онҳо таҳти назорати доимии роҳбарияти мақомот қарор гирифта, аз ҷониби Прокурори генералӣ ва муовинони ӯ 576 нафар шаҳрвандон ба қабули шахсӣ пазируфта шуданд.
Дар ин бора Прокурори генералии Ҷумҳурии Тоҷикистон, генерал-полковники адлия Юсуф Раҳмон имрӯз зимни нишасти матбуотӣ иттилоъ дод.
Ҳамчунин мавсуф оид ба фаъолияти мақомоти прокуратураи Ҷумҳурии Тоҷикистон дар шашмоҳаи якуми соли 2021 иброз дошт, ки назорати риояи дақиқ ва иҷрои якхелаи қонунҳо оид ба ҳифзи Истиқлоли давлатӣ, мустақилият ва соҳибихтиёрии кишвар, сохти конститутсионӣ, асосҳои сохтори демократии ҳокимияти давлатӣ, ҳуқуқу озодиҳои инсон ва шаҳрванд, сиҳатии аҳолӣ, риояи қонунгузорӣ аз ҷониби вазорату идораҳо, мақомоти ҳокимияти давлатӣ дар маҳалҳо, худидоракунии шаҳрак ва деҳот, муассисаҳою ташкилот, ҳамоҳангсозии фаъолияти мақомоти ҳифзи ҳуқуқ дар мубориза бар зидди ҷинояткорӣ, алалхусус терроризм, экстремизм, коррупсия аз самтҳои афзалиятноки мақомот маҳсуб меёбанд.
«Ба мақомот 23460 муроҷиати хаттии шахсони воқеӣ ва ҳукуқӣ ворид гардида, аз натиҷаи баррасии онҳо ҳуқуқу манфиатҳои 1684 нафар шаҳрвандон барқарор карда шуданд. Дар маҷмӯъ, мақомоти прокуратура вобаста ба назорати иҷрои қонунҳо 3904 санҷиш гузаронид, ки аз натиҷаи онҳо 51765 санадҳои эътиноии прокурорӣ қабул намуда, ба маблағи 477 млн. сомонӣ зарари аз қонунвайронкуниҳо расида барқарор карда шуд. Ин нисбат ба ҳамин давраи соли 2020 120 млн. сомонӣ зиёд мебошад. Инчунин 2322 cap чорво дар асл барқарор карда, бештар аз 8928 гектар қитъаи замин ба ҳолати аввала баргардонида шуда, 2299 парвандаи ҷиноятӣ оғоз гардид, ки аз онҳо 638 ададашон дар бораи кирдорҳои коррупсионӣ ва иқтисодии дорои характери коррупсионӣ мебошанд»,- гуфт Юсуф Раҳмон.
Дар шаҳри Кӯлоб бо иштироки гурӯҳҳои корӣ ҷаласа баргузор шуд
Прокуратураи генералӣ: «Худ ва наздиконатонро аз ҳамлаҳои хакерӣ эмин нигоҳ доред!»
Дар шаҳри Москва бо афсарону курсантони тоҷик вохӯрӣ доир шуд
Ҷаласаи кумитаи роҳбарикунандаи Барномаи Раёсати СММ оид ба маводи нашъаовар ва ҷинояткорӣ дар Осиёи Марказӣ доир шуд
Нақшаи даъвати тирамоҳии шаҳрвандон ба сафи Қувваҳои мусаллаҳи Тоҷикистон пурра иҷро гардид
Ҷаласаи мушовараи Вазорати корҳои дохилии Тоҷикистон ва Русия баргузор гардид
Дар Вазорати корҳои дохилии Тоҷикистон бахшида ба Рӯзи Президент ҳамоиши идона доир гардид
САВГАНДИ ҲАРБӢ. Дар қисмҳои ҳарбии Кумитаи ҳолатҳои фавқулода ва мудофиаи гражданӣ маросими қасамёдкунӣ доир шуд
Котиби Шурои амнияти Ҷумҳурии Тоҷикистон бо Сафири Ҳиндустон мулоқот намуд
Ҳамкории мақомоти корҳои дохилии шаҳри Душанбе бо Департаменти ҷамъиятии бехатарии шаҳри Нанкини Чин густариш меёбад
Тоҷикистон ва Чин робитаҳои дуҷонибаро дар самти омода намудани кадрҳои баландихтисос таҳким мебахшанд
Дар Туркманистон масъалаи бешаҳрвандӣ ва бақайдгирии таваллуди кӯдак дар давлатҳои Осиёи Марказӣ баррасӣ шуд
