Дар Исфара ба оилаҳои шаҳидони муноқишаҳои марзӣ замини наздиҳавлигӣ дода шуд

Август 27, 2021 08:12

ДУШАНБЕ, 27.08.2021 /АМИТ «Ховар»/. Аз ҷониби раиси шаҳри Исфара Баҳоваддин Баҳодурзода ба 10 оилаи шаҳидони муноқишаҳои наздисарҳадии 28-29 апрел рухдода аз шаҳри Исфара қитъаҳои наздиҳавлигӣ дода шуданд, хабар медиҳад хадамоти матбуоти
Раиси вилояти Суғд.

Тадбири мазкур дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  рӯйи кор омада, ба дастгирии оилаҳои шаҳидони муноқишаҳо равона гардидааст. Қитъаи замини наздиҳавлигӣ ба 8 оила аз Ҷамоати деҳоти Чоркӯҳ, 1 оила аз Ҷамоати деҳоти Ворух ва 1 оила аз Ҷамоати деҳоти Сурх дода шуда, инчунин варзишгари номӣ Муҳаммадхӯҷа Ёқубов ва 2 оилаи камбизоат низ бо қитъаҳои замини наздиҳавлигӣ аз шаҳри Исфара таъмин карда шуданд.

Бояд гуфт, ки вазъи оилаҳои дар муноқишаҳои наздисарҳадӣ зарардидаву шаҳидгардида, раванди таҳсили фарзандони онҳо пайваста зери назари Мақомоти иҷроияи ҳокимияти давлатии шаҳри Исфара, хосса раиси шаҳр Баҳоваддин Баҳодурзода қарор дорад.

-Мо, — мегӯяд яке аз ҷабрдидагони оилаҳо дар муноқишаҳои наздисарҳадӣ Раҳматҷон Ниёзов, — аз Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, раиси вилоят Раҷаббой Аҳмадзода ва раиси шаҳри Исфара Баҳоваддин Баҳодурзода миннатдор ҳастем. Зеро дар лаҳзаҳои вазнин дар паҳлуи мо буданд ва кумак намуданд. Бо иқдоми бевоситаи шаҳрдорӣ аз шаҳри Исфара замини наздиҳавлигӣ доданд. Ин далели он аст, ки Ҳукумати кишвар ғамхори мардум аст. Мадад расонидан  ба оилаҳои шаҳидгаштаи муноқишаҳои марзӣ, кумаки молию пулӣ ба онҳо, дар муддати кӯтоҳ бунёди хонаҳои замонавӣ барои оилаҳои зарардида дар деҳаҳои Сомониён ва Хоҷаи Аъло, бо саҳми соҳибкорону нафарони ватандӯст тадбирандешӣ дар ҳалли мушкилоти аҳолии наздимарзӣ аз ҷумлаи амалҳоест, ки Мақомоти иҷроияи ҳокимияти давлатии шаҳр шиори доимии худ қарор додааст.

-Додани қитъаи замини наздиҳавлигӣ ин охири кор нест, — мегӯянд масъулини мақомоти иҷроияи ҳокимияти давлатии шаҳри Исфара. – Дар назар аст, ки минбаъд низ бо ҷалби захираҳои дохилӣ, қувваи соҳибкорону ватанпарастон ба оилаҳои ҷабрдидаи муноқишаҳо кумак расонида шавад. Таҳсили фарзандони ин оилаҳо бевосита зери назари роҳбарияти шаҳр аст. Зимни суҳбат бо аҳли оилаи фавтидагон Раиси шаҳри Исфара Баҳоваддин Баҳодурзода иброз намуд, ки қаҳрамониҳои фарзандони шуҷои Ватан ҳеҷ гоҳ фаромӯш нахоҳад шуд.

Акс аз Хадамоти матбуоти Раиси вилояти Суғд

Август 27, 2021 08:12

Хабарҳои дигари ин бахш

То 2 май дар баъзе ноҳияҳои Тоҷикистон баландшавии ҳолати ифлосшавии ҳавои атмосфера дар назар аст
Имрӯз дар Тоҷикистон ҳаво то 35 дараҷа гарм мешавад
ИСТИФОДАИ САМАРАНОКИ ЗАМИН. Сокинони шаҳри Бохтар дар замини наздиҳавлигияшон гармхона ташкил намуданд
Ба соҳибкори муваффақи тоҷик аз ҷониби Президенти Қазоқистон Медали ҷашнӣ ва Ифтихорномаи фахрӣ супорида шуд
Дар Хатлон нахустин бозиҳои мусобиқаи кӯдаконаи футбол баргузор шуданд
НАҚЛИЁТИ «САБЗ». Ба Тоҷикистон 6047 мошини барқӣ ворид карда шудааст
Кӯчати мағзи устухон дар ҳолати саратони хун ва бемориҳои гематологӣ дар шабакаи клиникаҳои «Acıbadem»
Имрӯз дар шаҳри Душанбе ҳаво то 31 дараҷа гарм мешавад
Барои барқарор намудани чарогоҳҳои водии Рашт 20 намуди тухмиҳои бутта ва дарахтон парвариш карда мешаванд
Дар Ҳисор маҳфил – озмуни «Тоҷикистони ман!» оғоз гардид
Имсол дар Хатлон қариб 500 ҳазор тонна пиёз ҷамъоварӣ карда мешавад
Дар шаҳраки Обшорони ноҳияи Мастчоҳ татбиқи лоиҳаи обрасонӣ оғоз ёфт