Вазирони корҳои хориҷии Тоҷикистон ва Олмон вазъ дар Афғонистон ва таъмини амнияти минтақавиро баррасӣ намуданд
ДУШАНБЕ, 23.08.2021 /АМИТ «Ховар»/. 21 августи соли 2021 Вазири корҳои хориҷии Ҷумҳурии Тоҷикистон Сироҷиддин Муҳриддин бо Вазири федеролии корҳои хориҷии Ҷумҳурии Федеративии Олмон Ҳайко Маас гуфтугӯи телефонӣ анҷом дод. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни суҳбат ҷонибҳо масъалаҳои ҳамкории дуҷониба дар соҳаҳои сиёсӣ, амниятӣ, гуманитарӣ, шарокат дар чаҳорчӯби созмонҳои байналмилалӣ ва минтақавиро баррасӣ карда, ҳавасмандии худро барои рушди минбаъдаи он иброз доштанд. Ҳамсуҳбатон махсусан таъкид карданд, ки ба зарурати таҳкими сарҳад ва иқтидори мақомоти қудратӣ ва ҳифзи ҳуқуқ таваҷҷуҳи бештар дода шавад.
Вазирон ҳамчунин дар робита ба вазъ дар Афғонистон ва таъмини амнияти минтақавӣ мубодилаи афкор намуданд. Бо дарназардошти авзои ноором ва мураккаби ҳарбию сиёсӣ дар кишвари ҳамсоя ва марзи муштараки кишварҳои Осиёи Марказӣ бо Афғонистон ҷонибҳо аҳамияти таҳкиму тавсеаи ҳамкориро барои андешидани тадбирҳои муассир алайҳи хатарҳои амниятӣ, аз ҷумла терроризм, тундгароӣ, ифротгароӣ ва қочоқи маводи мухаддир зикр намуданд.
Вазирони корҳои хориҷӣ оид ба тақвияти робитаҳои гуногунҷабҳа, тамосҳои доимӣ ва густариши муносибатҳо бо истифода аз абзорҳои Иттиҳоди Аврупо ва дигар қолабҳои ҳамкории байналмилаливу минтақавӣ гуфтугӯ карданд.
АКС аз ВКХ ҶТ
Роҳбарони агентиҳои давлатии иттилоотии кишварҳои ИДМ дар Санкт-Петербург рушди ҳамкориро баррасӣ намуданд
Дар Душанбе Конфронси байналмилалӣ «Осиёи Марказӣ – меҳвари СҲШ: 25 соли ҳамкорӣ ба хотири рушди муштарак» доир гардид
Дар Корея аз иқдомҳои Тоҷикистон дар самти мубориза бо биёбоншавӣ ва хушкӣ ёдовар шуданд
Дар Душанбе машваратҳои сиёсӣ байни вазоратҳои корҳои хориҷии Тоҷикистон ва Венесуэла баргузор шуд
Байни давлатҳои Осиёи Марказӣ ва Чин Паймони ҳамсоягии абадӣ, дустӣ ва ҳамкорӣ ба имзо расид
Шараф Шерализода дар иҷлосияи 59-уми Шурои ҳуқуқи инсони СММ иштирок намуд
Сарвазири Тоҷикистон бо директори минтақавии Бонки ҷаҳонӣ дар Осиёи Марказӣ мулоқот намуд
Дар вилояти Чунчонбукдои Корея густариши ҳамкорӣ ва муаррифии имкониятҳои Тоҷикистон баррасӣ гардид
Ҳайати Тоҷикистон дар ҷаласаи 73-юми Конфронси оморчиёни аврупоии Комиссияи иқтисодии СММ барои Аврупо иштирок намуд
Сафири Тоҷикистон бо директори генералии Мақомоти фарҳанг ва сайёҳии Аморати Абу Забӣ мулоқот намуд
Дар ҷаласаи солонаи Шурои иҷроияи ЮНИСЕФ масъалаҳои муҳими стратегӣ баррасӣ гардид
Сафири Тоҷикистон бо Раиси Шурои идории Институти байналмилалии дипломатияи фарҳангӣ Аморот мулоқот намуд
