Дар Ҷамоати деҳоти Чоркӯҳ маркази хизматрасонӣ, нуқтаи ёрии таъҷилӣ ва синфхонаҳои иловагӣ бунёд шуданд
ДУШАНБЕ, 30.09.2021 /АМИТ «Ховар»/. Дар Ҷамоати деҳоти Чоркӯҳи шаҳри Исфара маркази хизматрасонӣ, нуқтаи ёрии таъҷилӣ ва синфхонаҳои иловагӣ ба истифода дода шуданд, хабар медиҳад АМИТ «Ховар» бо истинод ба мақомоти иҷроияи ҳокимияти давлатии вилояти Суғд.
Дар маросими мазкур Раиси вилояти Суғд Раҷаббой Аҳмадзода иштирок намуда, нахуст дар маркази ҷамоат маркази хизматрасонии соҳибкор Нуриддин Азизовро ба истифода дод. Дар ин марказ, ки дорои ошхона, чойхона барои калонсолон ва дорухона буда, бо харҷи беш аз 1 миллион сомонӣ сохта шудааст, то 40 нафар бо ҷойи кор таъмин мегарданд. Иншооти мазкур дар доираи нақшаи чорабиниҳои Солҳои рушди деҳот, сайёҳӣ ва ҳунарҳои мардумӣ бунёд гашта, ба аҳолӣ ва меҳмонони ҷамоат хизмат мерасонад.
Раиси вилоят ба фаъолияти соҳибкор баҳои баланд дода, ташкили чунин марказҳои хизматрасонии муосирро дар ҳамаи ҷамоатҳои деҳот зарур арзёбӣ кард.
Сипас, дар маҳаллаи Сари бозори ҷамоат нуқтаи ёрии таъҷилӣ ифтитоҳ шуд. Бинои мазкур аз ҷониби соҳибкор Хуршед Ҳоҷиев ба маблағи 300 ҳазор сомонӣ сохта шудааст, ки ба аҳолӣ хизмат мерасонад. Ба нуқтаи ёрии таъҷилӣ ҳамзамон аз тарафи соҳибкор Комилҷон Мансуров як мошини ёрии таъҷилӣ ба маблағи 150 ҳазор сомонӣ туҳфа карда шуд.
Раиси вилоят иқдоми соҳибкоронро ситоиш карда, таъкид дошт, ки саҳми чунин саховатмандон дар рушди деҳот назаррас аст ва ин амали онҳо намунаи ибрат аст. Инчунин гуфта шуд, ки аз ҷониби мақомоти иҷроияи ҳокимияти давлатии вилоят дар оянда ба ҷамоат ду адад нақлиёти ёрии тиббӣ расонида мешавад.
Раҷаббой Аҳмадзода инчунин дар ифтитоҳи синфхонаҳои иловагии муассисаи таҳсилоти миёнаи умумии рақами 70 ширкат варзида, бо хонандагони мактаб суҳбат кард. Раиси вилоят аз толибилмон даъват намуд, ки бо баҳои аъло таҳсил карда, дар оянда чун мутахассисони кордон ба воя расанд.
Синфхонаҳои иловагӣ дар партави дастуру ҳидоятҳои Пешвои миллат муҳтарам Эмомалӣ Раҳмон бо харҷи 250 ҳазор сомонӣ аз тарафи соҳибкорони маҳаллӣ сохта шудаанд.
АКСҲО: МИҲД-и в. Суғд
Ҷаласаи 8-уми Комиссияи муштараки Тоҷикистон ва Покистон оид ба ҳамкории тиҷоратӣ, иқтисодӣ ва илмӣ-техникӣ доир мегардад
Дар Тотористон бо соҳибкорони Тоҷикистон вохӯрӣ доир гардид
Хатҳои интиқоли барқ дар Кӯҳистони Мастчоҳ бояд навсозӣ карда шаванд
Дар Минтақаи озоди иқтисодии «Данғара» таъсиси корхонаҳои нав бо сармоягузорони эронӣ баррасӣ гардид
Дар Деҳлӣ ҳамкории Тоҷикистон ва Ҳиндустон дар соҳаи саноат ва технологияҳои муосир баррасӣ шуд
Дар Тоҷикистон саҳми бахши хусусӣ дар истеҳсоли молҳо ба 80 фоиз расид
Созишномаи шарикии давлат ва бахши хусусӣ оид ба амалишавии рушди низоми почтаи Тоҷикистон ба имзо расид
ИЛОҶИ ВОҚЕА-ПЕШ АЗ ВУҚУЪ. Дар Тоҷикистон майдони тухмгузории малах муайян карда шуд
Дар шаҳри Турсунзода беш аз 6 ҳазор бех ниҳол шинонида шуд
Дар рӯзҳои Ҷашни байналмилалии Наврӯз қатораи байналмилалии сайёҳии «Jibek Joly» («Роҳи Абрешим») ба Душанбе мерасад
35-СОЛАГИИ ИСТИҚЛОЛИ ДАВЛАТӢ. Дар ноҳияи Вахш корхонаи истеҳсоли маҳсулоти полиэтиленӣ ба фаъолият оғоз намуд
Роҳбарони роҳи оҳани Тоҷикистон ва Қазоқистон оид ба рушди долонҳои нақлиётӣ ба мувофиқа расиданд
