Дар деҳаи Басмандаи ноҳияи Деваштич бинои иловагии таълимӣ ба истифода дода шуд
ДУШАНБЕ, 19.09.2021 /АМИТ «Ховар»/. Дар деҳаи Басмандаи Ҷамоати деҳоти Ваҳдати ноҳияи Деваштич бинои иловагии муассисаи таҳсилоти миёнаи умумии рақами 42 мавриди истифода қарор гирифт, хабар медиҳад АМИТ “Ховар” бо истинод ба Хадамоти матбуоти Раиси вилояти Суғд.
Бинои иловагии мактаб, ки сохтмони он дар доираи омодагиҳо ба ҷашни 30-солагии Истиқлолияти давлатии Ҷумҳурии Тоҷикистон оғоз шуда буд, ба тариқи ҳашар ва дастгирии соҳибкорону саховатмандон бунёд гардид.
Бинои мазкур аз 8 синфхонаи иловагӣ ва маҷлисгоҳ иборат буда, барои 200 хонанда пешбинӣ шудааст. Маблағи умумии корҳои сохтмонӣ 1 миллиону 600 ҳазор сомониро ташкил медиҳад.
Аҳли деҳа ва шахсони саҳоватпеша, аз қабили Ҳайитбой Юсуфов, Акрам Акрамов, Бобоҷон Бобоев, Мирҳомид Комилов, Акрам Ҳалимов дар бунёди ин бино саҳми арзанда гузоштанд. Дар бунёди синфхонаи иловагӣ инчунин омӯзгорони муассисаи таълимӣ фаъолияти назаррас нишон доданд.
АКС: Хадамоти матбуоти Раиси вилояти Суғд
Ҷилди панҷуми китоби «Таърихи халқи тоҷик» рунамоӣ гардид
«ТОҶИКИСТОН-ВАТАНИ АЗИЗИ МАН». Дар ҳашт сол шумораи иштирокчиёни озмун ба беш аз 33 ҳазор нафар расидааст
Доир ба таъриху фарҳанги Кӯшониён конфронси ҷумҳуриявӣ баргузор шуд
Маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» оғоз гардид
«КОРВОНИ КИТОБ-2026». Беш аз 6 ҳазор нусха китоб ба шаҳру ноҳияҳои минтақаи Кӯлоб ройгон тақдим мегардад
Дар мавзуи «Шинохти Мавлоно дар ҷаҳони муосир» ҳамоиши илмӣ доир шуд
Густариши ҳамкории фарҳангии Тоҷикистону Озарбойҷон баррасӣ гардид
Ҳайати Тоҷикистон дар Форуми 7-уми байналмилалии «Муколамаи байнифарҳангӣ» дар Боку иштирок намуд
«ГАНҶИНАИ ТАЪРИХ ВА ФАРҲАНГИ ТОҶИКОН». Таҳти ин унвон дар Тоҷикистон озмуни ҷумҳуриявӣ оғоз мегардад
Дар Тоҷикистон Фестивали VIII байналмилалии театрҳои лӯхтак «Чодари хаёл» ҷамъбаст гардид
Оид ба омӯзиши Панҷакенти қадим конференсияи илмӣ баргузор мешавад
Дар Хоруғ муассисаҳои соҳаи фарҳанг навсозӣ мешаванд
