Дар оғози соли нави таҳсил ба ятимону маъюбони Шаҳринав либосҳои мактабӣ тақдим гардиданд
ШАҲРИНАВ, 01.09.2021 /АМИТ «Ховар»/. Бо ибтикори мақомоти иҷроияи ҳокимияти давлатии ноҳияи Шаҳринав ва дастгирии соҳибкорони маҳаллӣ дар оғози соли нави таҳсил ба 58 нафар хонандагони ятиму маъюб либосҳои ягонаи мактабӣ тақдим шуданд.
Мудири шуъбаи маорифи ноҳияи Шаҳринав ба хабарнигори минтавқавии АМИТ «Ховар» иброз дошт, ки дастгирии ятимону ниёзмандон яке аз самтҳои асосии сиёсати хирадмандонаи Пешвои миллат муҳтарам Эмомалӣ Раҳмон буда, он кас барои дастгирии ин қишри ҷомеа ҳамеша ба мансабдорону соҳибкорон ва шахсони саховатпеша дастуру супоришҳои мушаххас медиҳанд. Дар ин асос мақомоти иҷроияи ҳокимияти давлатии ноҳияи Шаҳринав бо саховатмандону эҳсонкорон ҳамкории зич ба роҳ монда, ниёзмандонро пайваста дастгирӣ менамояд.
Ба иттилои масъулини шуъбаи маорифи ноҳия, дар доираи ҷашни 30-солагии Истиқлоли давлатӣ дар ҷамоатҳои шаҳраку деҳоти ноҳия 15 бинои иловагии таълимӣ иборат аз 196 синфхонаи таълимӣ ба истифода дода шудаанд, ки вобаста ба ин бунёдкорӣ мушкилоти нарасидани ҷойи нишаст бартараф гардидааст.
Ҳамаи биноҳои сохташуда бо кабинетҳои фаннӣ таъмин буда, онҳо бо таҷҳизоти замонавӣ муҷаҳҳаз гардонида шудаанд. Ҳамчунин барои рушди соҳаи варзиш 5 майдончаи варзишӣ мавриди баҳрабардорӣ қарор гирифтанд.
Аксҳо аз Мақомоти иҷроияи ҳокимияти давлатии ноҳияи Шаҳринав
Шерализода ва Катрин дар Никосия масъалаҳои марбут ба экологияро баррасӣ намуданд
«ДИГАРГУНШАВИИ САЙЁРА». Ҳайати Тоҷикистон дар Конфронси 9-уми вазирони муҳити зист дар Никосия иштирок дорад
Ҳайати Тоҷикистон дар Конфронси минтақавии иттифоқҳои касабаи Осиёи Марказӣ иштирок дорад
Дар Хадамоти гумрук татбиқи лоиҳаи низоми «АСИКУДА» ба таври расмӣ оғоз ёфт
ЯРМАРКАИ БАЙНАЛМИЛАЛИИ «SLOW FOOD». Захираҳои табиӣ ва экологии Тоҷикистон дар он муаррифӣ ва тарғиб шуданд
ОБУ ҲАВО: Имрӯз дар ноҳияҳои алоҳидаи Тоҷикистон борони кӯтоҳмуддат меборад
АЗ ҚАБУЛИ ҚОНУН «ДАР БОРАИ ЗАБОНИ ДАВЛАТӢ» 13 СОЛ ПУР ШУД. Дар Тоҷикистон Рӯзи забони давлатӣ таҷлил гардид
Олимҷон Муҳаммадҷонзода : Таъсиси нахустин маҷаллаи «Забон ва истилоҳот» дар рушду густариши забони давлатӣ саҳм мегузорад
«ЗАБОНИ МИЛЛАТ-ҲАСТИИ МИЛЛАТ». Дар Агентии хизмати давлатӣ ҷамъомади тантанавӣ баргузор гардид
ОБУ ҲАВО: Имрӯз дар Тоҷикистон ҳаво рӯзона то 30 дараҷа гарм мешавад
ОБУ ҲАВО: Имрӯз дарТоҷикистон ҳавои тағйирёбанда дар назар аст
30-СОЛАГИИ ИҶЛОСИЯИ XVI ШӮРОИ ОЛӢ. ҲХДТ таҳти унвони «30 соли созандагӣ бо Пешвои муаззами миллат» Конференсияи ҷумҳуриявии илмӣ-назариявӣ доир менамояд
