Имрӯз дар Тоҷикистон мавсими нави театрӣ оғоз мешавад
ДУШАНБЕ, 25.09.2021 /АМИТ «Ховар»/. Имрӯз дар театрҳои Тоҷикистон мавсими нави театрӣ бо намоишҳои тоза ва ҷолиб оғоз мегардад. Мавсими нави театрӣ аз солҳои қаблӣ бо вижагиҳои худ, интихоби мавзӯъ, сатҳи касбият, шакли пешниҳоду нақшофарии ҳунарпешагон, сабку услуби коргардонҳо, саҳнаофариву мусиқӣ фарқ мекунад. Зимни мавсими нав ҳунарпешаҳои касбии мамлакат намоишҳои пурмазмунро аз эҷодиёти нависандагони машҳури тоҷик ва хориҷӣ омода намуда, ба саҳна мегузоранд, иттилоъ доданд аз маркази матбуоти Вазорати фарҳанги Ҷумҳурии Тоҷикистон ба АМИТ «Ховар».
Театри академии драмавии ба номи Абулқосим Лоҳутӣ мавсими нави 92-юми театрии худро бо намоиши «Шикори шер»-и С. Усмонов аз рӯи асари адиби Миср Зайдон Ҷирчи оғоз менамояд.
Театри давлатии драмавии русии ба номи Вл. Маяковский маросими оғози мавсими нави 84-уми театрии хешро бо спектакли «Ханума» ифтитоҳ мебахшад.
Сардори Раёсати санъати Вазорати фарҳанги Ҷумҳурии Тоҷикистон Мирзоолим Саидов дар суҳбат бо хабарнигори АМИТ «Ховар» иброз дошт, ки «мавсими нави театрҳо то моҳҳои июл-августи соли 2022 идома меёбад. Дар репертуари театрҳо соли равон намоиши асарҳои нави саҳнавӣ бахшида ба 30-солагии Истиқлолияти давлатии Тоҷикистон пешбинӣ гардидааст ва мо ихлосмандону ҳаводорони театрро ба маросими мазкур барои тамошои ин намоишҳо даъват менамоем».
Ҳамчунин зикр шуд, ки ҳунармандони тоҷик дар мавсими нави театрӣ нақшаҳои зиёд доранду спектаклҳои навро ҳам барои тамошобинони хурдсол ва ҳам калонсолон дар жанрҳои гуногун ба саҳна хоҳанд гузошт.
Бояд гуфт, ки дар маросими оғози мавсими нави театрӣ масъулини Вазорати фарҳанг ва намояндагони касбу кори гуногун, ҳунармандони шинохтаи ҷумҳурӣ, намояндагони воситаҳои ахбори омма, зиёиён ва ҳаводорони санъати театрӣ иштирок менамоянд.
АКС аз бойгонии АМИТ «Ховар»
Аз ҳудуди Хуттали Қадим теъдоди зиёди мероси нумезматикии мансуб ба давраи Ҳахоманишиҳою Сосониён дарёфт гардид
НИШАСТИ МАТБУОТӢ. Дар Тоҷикистон 10 ёдгории таърихию фарҳангӣ бозёфт гардид
НИШАСТИ МАТБУОТӢ. Дар телевизионҳои Чин 6 филми мустанади Тоҷикистон намоиш дода мешавад
НИШАСТИ МАТБУОТӢ. Вазорати фарҳанг 5 номинатсияи навро барои дохилнамоӣ ба Феҳристи мероси ҷаҳонии ЮНЕСКО пешниҳод намудааст
Имрӯз дар Вазорати фарҳанг, Кумитаи телевизион ва радио, Агентии хизмати давлатӣ, Агентии ҳифзи мероси таърихию фарҳангӣ ва Академияи идоракунии давлатӣ нишасти матбуотӣ баргузор мешавад
То замони муосир барои шарҳи «Шоҳнома»-и Фирдавсӣ бештар аз 10 фарҳанг ба қалам омадааст
Дар Душанбе таҳти унвони «Ҷойгоҳи Хатлон дар тамаддуни умумибашарӣ» ҳамоиши илмӣ доир карда шуд
«ТОҶИКИСТОН-ВАТАНИ АЗИЗИ МАН». 132 довталаби пойтахт ба даври ҷумҳуриявии озмун роҳхат гирифт
ХУТТАЛИ ҚАДИМ. Пазируфта шудани он ба рӯйхати Мероси ҷаҳонӣ далели нақши муҳими ин маконҳо дар таърихи минтақа аст
Ҳамкорӣ байни муассисаҳои илмӣ-таҳқиқотии Тоҷикистон ва Ҷопон густариш меёбад
ШОҲНОМАПАЖӮҲӢ ДАР ЗАМОНИ СОҲИБИСТИҚЛОЛИИ ТОҶИКИСТОН. Ҳадафи ниҳоии Фирдавсӣ аз иншои асараш инсонсозӣ бо ҳувияти миллӣ будааст
