Президенти мамлакат Эмомалӣ Раҳмон майдончаи варзиширо дар Шуғнон мавриди баҳрабардорӣ қарор доданд

Сентябрь 28, 2021 14:00

ДУШАНБЕ, 28.09.2021 /АМИТ «Ховар»/. 28 сентябр Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Шуғнон нахуст дар маркази ноҳия-Шаҳраки Ваҳдат майдончаи муосири варзиширо мавриди баҳрабардорӣ қарор доданд.

Майдончаи варзишӣ барои бозии футболи хурд пешбинӣ гардида, ба истиқболи ҷашни фархундаи сисолагии Истиқлоли давлатии Ҷумҳурии Тоҷикистон аз ҷониби Федератсияи футболи мамлакат ҳамчун туҳфаи идона ба ҷавонону наврасони ин ноҳияи дурдаст тақдим гардид.

Иттилоъ дода шуд, ки майдончаи мазкур тибқи дархости сокинони маркази ноҳия бо беҳтарин шароиту имкониятҳои тамрин ва бозии футбол бунёд гардидааст. Барои машқ ё бозии шабона ҳам дар майдонча шароит муҳайё мебошад.

Пешвои миллат муҳтарам Эмомалӣ Раҳмон ба сифати корҳои сохтмонӣ дар ин иншооти муосири варзишӣ баҳои баланд дода, бо чанде аз варзишгарони ноҳия, ки ба истиқболи Роҳбари ҷавонпарвари худ омада буданд, суҳбати гарму самимӣ оростанд. Бо таваҷҷуҳ ба ин ки варзиш дар ҷаҳони муосир яке аз василаҳои муҳимтарини муаррифии миллату давлат ба ҳисоб меравад, Президенти мамлакат аз ҷавонон даъват ба амал оварданд, ки бештар ба варзиш машғул шаванд ва тарзи ҳаёти солимро шуғли доимии худ интихоб намоянд.

Ҷавонони ноҳияи Шуғнон бо арзи сипосу эҳтиром ва қадршиносӣ аз таваҷҷуҳи доимии Сарвари давлат ба таҳсилу омӯзиш, фаъолияти меҳнатӣ ва умуман ҳаёти рӯзмарраи онҳо, қавл доданд, ки ҳидоятҳои Пешвои миллатро сармашқи кору зиндагӣ қарор медиҳанд ва номбардори Ватану миллат хоҳанд шуд.

Президенти Ҷумҳурии Тоҷикистон муҳтарам Эмомалӣ Раҳмон ҳамчунин ба варзишгарон туҳфаҳои хотиравӣ ва чанд адад тӯби футбол тақдим карда, ба фаъолияти ин майдончаи варзишӣ оғоз бахшиданд.

Бояд зикр намуд, ки чун дигар бахшҳои муҳими иқтисоди миллӣ, дастоварду комёбиҳои соҳаи варзиши ноҳияи Шуғнон низ ба замони соҳибистиқлолӣ рост меояд. Тибқи маълумоти масъулони бахши кор бо ҷавонон ва варзиш, айни ҳол дар ҳудуди ноҳияи Шуғнон як мактаби махсус ва 48 майдончаи хурди варзишӣ фаъолият мекунад.

Чун дигар минтақаҳои ҷумҳурӣ, бештар аз 50 фоизи аҳолии ин ноҳияро ҷавонону наврасон ташкил медиҳанд ва табиист, ки таваҷҷуҳ ба соҳаи варзиш дар ноҳия хеле зиёд аст. Ифтитоҳи чунин як майдончаи замонавии варзишӣ, ки дар ин минтақаи дурдаст назир надорад, шавқу ҳаваси наслҳои ҷавони ноҳияро ба тарзи ҳаёти солим боз ҳам бештар хоҳад кард.
Ифтитоҳи майдончаи варзишӣ дар Шуғнон 28.09.2021

Сентябрь 28, 2021 14:00

Хабарҳои дигари ин бахш

Ҳифзи истиқлолу озодии давлат ва миллат аз рушди илму маориф вобастагӣ дорад
Дар Тоҷикистон ба соҳаи сохтмон зиёда аз 16 миллиард сомонӣ сармоягузорӣ равона карда шудааст
Президенти Ҷумҳурии Тоҷикистон Эмомалӣ Раҳмон дар мубоҳисаҳои иҷлоси 80-уми Маҷмаи Умумии СММ иштирок намуданд
Суханронии Президенти Ҷумҳурии Тоҷикистон, Пешвои миллат Эмомалӣ Раҳмон дар мубоҳисаҳои иҷлоси 80-уми Маҷмаи Умумии СММ
Президенти Ҷумҳурии Тоҷикистон Эмомалӣ Раҳмон бо Директори идории Бонки ҷаҳонӣ Анна Бйерде мулоқот намуданд
Дар шаҳру ноҳияҳои Вилояти Мухтори Кӯҳистони Бадахшон ҳамоиши «Шукуҳи Истиқлол» баргузор гардид
Президенти Ҷумҳурии Тоҷикистон Эмомалӣ Раҳмон бо Дабири кулли Созмони Милали Муттаҳид Антониу Гутерриш мулоқот намуданд
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Португалия Марселу Ребелу де Соуза мулоқот намуданд
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Сотсиалистии Ветнам Лионг Кионг мулоқот намуданд
Дар Женева 34-солагии Истиқлолияти давлатии Ҷумҳурии Тоҷикистонро ҷашн гирифтанд
35-СОЛАГИИ ИСТИҚЛОЛИ ДАВЛАТӢ. Барои кормандони соҳаи ҳифзи муҳити зист 4 бинои маъмурӣ ба истифода дода мешавад
Дар деҳаи Обидараи Даҳанаи шаҳри Ваҳдат бинои нави муассисаи таълимӣ ба истифода дода шуд