Ҳайати Бонки ҷаҳонӣ бо татбиқи лоиҳаи «Беҳтар намудани хизматрасонии тиббӣ» дар вилояти Суғд шинос шуд
ДУШАНБЕ, 20.10.2021 /АМИТ «Ховар»/. Ҳайати Бонки ҷаҳонӣ бо роҳбарии хонум Миря Чанна Шеблом, ки дар Ҷумҳурии Тоҷикистон қарор дорад, барои аз наздик шинос шудан бо ҷараёни амалишавии лоиҳаи “Беҳтар намудани хизматрасонии тиббӣ” ба вилояти Суғд сафари корӣ анҷом дод, иттилоъ доданд ба АМИТ “Ховар” аз Вазорати тандурустӣ ва ҳифзи иҷтимоии аҳолии мамлакат.
Зимни сафар ҳайати намояндагони Бонки ҷаҳонӣ бо шароити фаъолияти муассисаҳои кумаки аввалини тиббию санитарии ноҳияи Зафаробод- яке аз ноҳияҳои таҷрибавии Лоиҳа дар вилояти Суғд шинос шуданд.
Ноҳияи Зафаробод аз соли 2021 ба рӯйхати ноҳияҳои таҷрибавӣ дохил шуда, аз рӯи механизми маблағгузорӣ дар асоси натиҷаи фаъолият (МАНФ) ба кор шурӯъ кард.
Намояндагони Бонки ҷаҳонӣ ва масъулони лоиҳаи “Беҳтар намудани хизматрасонии тиббӣ” иброз доштанд, ки айни ҳол таъмиру таҷдиди 4 маркази саломатӣ ва таъмини ин марказҳо бо таҷҳизоти тиббиву мебели махсус дар назар аст.
Гурӯҳи корӣ ҳамчунин бо фаъолияти муассисаҳои кумаки аввалини тиббию санитарии ноҳияҳои Спитамен ва Ҷаббор Расулов аз наздик шинос шуд. Боздид аз марказҳои саломатии Куруш дар ноҳияи Спитамен бори дигар собит сохт, ки муассисаҳое, ки чанд сол қабл бо дастгирии Бонки ҷаҳонӣ бунёд гардида буданд, то имрӯз мавриди истифода қарор доранд.
Ворид намудани ҳамгироии механизми маблағгузории сарикасӣ дар заминаи маблағгузорӣ дар асоси натиҷаи фаъолият (МАНФ) яке аз нақшаҳои асосии Лоиҳа ва Бонки ҷаҳонӣ буда, қарор аст он ба ноҳияи Спитамен ба таври таҷрибавӣ ворид карда шавад. Ин масъала миёни масъулони соҳа, намояндагони раёсатҳои молия ва тандурустии вилояти Суғд, роҳбарони лоиҳаи “Беҳтар намудани хизматрасонии тиббӣ” ва номояндагони Бонки ҷаҳонӣ мавриди баррасӣ қарор гирифт.
Дар маркази саломатии Ғулакандоз истифодаи самараноки иловапулиҳо, аз ин ҳисоб таъмири бино ва ҳуҷраҳои корӣ, хариди таҷҳизоти зарурии тиббӣ соҳиби баҳои баланди меҳмонон гардид.
Марказҳои саломатии Париж, Комунна ва Меҳробод дар ноҳияи Ҷаббор Расулов намунаи муассисаҳои навеанд, ки аз ҷониби Лоиҳаи “Беҳтар намудани хизматрасонии тиббӣ” бо дастгирии молиявии Бонки ҷаҳонӣ ба истифода дода шудаанд. Ин муассисаҳо дорои тамоми шароити корӣ ва имконияти хуби хизматрасонӣ ба аҳолӣ мебошанд. Сохтмони марказҳои саломатӣ ва бо таҷҳизоти зарурӣ таъмин гардидани онҳо имкон додааст, ки кормандони тиб сари вақт ва бо сифати баланд ба аҳолӣ хизмат расонанд ва барои пешгирии бемориҳо, таъмини саривақтии иммунизатсия ва ташхису табобат мусоидат кунанд.
АКС аз Вазорати тандурустӣ ва ҳифзи иҷтимоии аҳолии ҶТ
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
