Ал-Ҷазира: Дар натиҷаи таркиш дар масҷиди Кобул 12 нафар кушта шуд
ДУШАНБЕ, 04.10.2021 /АМИТ «Ховар»/. Бар асари таркише, ки рӯзи якшанбеи 3 октябр дар наздикии масҷиди Идгоҳи Кобул рух дод, қариб 12 нафар кушта ва 32 нафар маҷрӯҳ шуданд. Таркиш дар маросими видоъ бо модари Забеҳуллоҳ Муҷоҳид, намояндаи «Толибон»-и тундгаро*, ки ҳокимиятро ба дасти худ гирифтаанд, рух дод. Тавре ТАСС хабар медиҳад, дар ин бора шабакаи телевизионии Қатар Ал -Ҷазира бо такя ба манбаи худ дар хадамоти амниятии Афғонистон хабар дод.
Тавре муайян шуда истодааст, ҳадафи ҳамла раҳбарони толибон ва шахсони мансабдоре, ки дар кабинети вазирони Афғонистон муваққатӣ таъйин гардидаанд, аз ҷумла намояндагони Вазорати дифоъ буданд.
«Таркиш зимни анбӯҳи зиёди одамон рух дод, ки дар натиҷа аз байни мардуми осоиштаи Кобул низ кушташудагон ва захмиён ҳастанд»,- навиштааст қаблан Муҷоҳид дар Твиттер.
Дар навбати худ, сухангӯи вазорати корҳои дохилии Афғонистон Саид Хостӣ хабар дод, ки дар таркиш ду нафар кушта шудаанд. «Дар натиҷаи таркиш дар даромадгоҳи масҷид ду нафар кушта ва чаҳор нафар ҷароҳатҳои гуногуни вазнини ҷисмонӣ бардоштанд», — иқтибос овардаааст ӯро оҷонсии маҳаллии Aamaj News.
Бино ба маълумоти Ал -Ҷазира, кормандони хадамоти амнияти «Толибон» се нафарро, ки ба тайёр ва содир намудани ҳамлаи террористӣ гумонбаранд, боздошт кардаанд.
_________________________
*Толибон- ҳаракати радикалие, ки дар Тоҷикистон ва дигар кишварҳо мамнӯъ аст
ДАР АКС: мошинҳо дар кӯчаи назди масҷиди Идгоҳ, Кобул, Афғонистон. Акс: © Stringer / ТАСС
Дар Душанбе ҷаласаи панҷуми Гурӯҳи кории байниидоравӣ оид ба бехатарии партовгоҳҳои саноатӣ баргузор шуд
Дар Прокуратураи генералии Ҷумҳурии Тоҷикистон ҷаласаи навбатии шурои ҳамоҳангсозӣ баргузор гардид
ОГОҲӢ! Аз 4 то 6 ноябр дар баъзе минтақаҳои Тоҷикистон омадани сел пешгӯӣ мешавад
Дар вилояти Хатлон нақшаи даъвати тирамоҳӣ 100 фоиз иҷро гардид
Нақшаи даъвати тирамоҳӣ ба сафи Қувваҳои Мусаллаҳи Ҷумҳурии Тоҷикистон зиёда аз 97 фоиз иҷро шуд
«Барномаи миллии бехатарии авиатсияи граждании Ҷумҳурии Тоҷикистон барои солҳои 2026-2030» қабул гардид
ДАЪВАТИ ТИРАМОҲӢ. Нақшаи даъват ба хизмати ҳарбӣ дар ноҳияи Зафаробод пеш аз муҳлат иҷро гардид
Бо мақсади пешгирии садамаҳои нақлиётӣ бо иштироки мошинҳои боркаш Гурӯҳи кории байниидоравӣ таъсис дода шуд
ИМРӮЗ-РӮЗИ КОРМАНДОНИ МАҚОМОТИ СУДӢ. Дар Суди Олӣ Конфронси Созмони судяҳои Ҷумҳурии Тоҷикистон баргузор гардид
Оид ба такмили қонунгузорӣ дар самти муқовимат ба савдои одамон конференсия доир шуд
Дар шаҳри Ваҳдат ва ноҳияи Файзобод нақшаи даъвати ҷавонон ба хизмати ҳарбӣ пурра иҷро гардид
Дар шаҳри Панҷакент нақшаи даъвати тирамоҳии ҷавонон ба хизмати ҳарбӣ иҷро шуд
