Бо ҷалби мутахассисони Созмони ҷаҳонии гумрук машғулияти омӯзишӣ гузаронида шуд
ДУШАНБЕ, 06.10.2021 /АМИТ «Ховар»/. 5 октябр барои кормандони мақомоти гумруки Тоҷикистон бо мақсади баланд бардоштани иқтидори касбӣ, мукаммал намудани донишу малакаи касбӣ, бархурдор гардидан аз таҷрибаи муосир бо ҷалби мутахассисони варзидаи Созмони ҷаҳонии гумрук машғулияти омӯзишӣ гузаронида шуд.
Тавре аз Хадамоти гумруки назди Ҳукумати ҷумҳурӣ ба АМИТ «Ховар» иттилоъ доданд, машғулияти омӯзишӣ дар доираи ҳамкории судманд бо Созмони ҷаҳонии гумрук ва дастгирии шарикони рушд, аз ҷумла, Барномаи Назорати Содирот ва Амнияти Сарҳадот (Export Control and Related Border Security (EXBS) ташкил гардида,
ҳадафи он пешгирӣ ва ошкор намудани муомилоти фаромарзии моддаҳои кимиёвӣ, биологӣ, радиоактивӣ ва ҳастаӣ мебошад. Дар машғулияти омӯзишӣ кормандони Донишкадаи такмили ихтисоси Хадамоти гумрук, раёсатҳои минтақавии гумрукӣ дар шаҳрҳои Душанбе, Турсунзода, дар вилояти Хатлон ва дастгоҳи марказии Хадамоти гумрук иштирок намуданд.
Назорати стратегии тиҷорат (STC) ҷомеаро аз хариди фаромарзии силоҳҳои стратегӣ ва молҳое, ки барои таҳия ё таҳвили онҳо истифода мешаванд, муҳофизат менамояд. Бо доштани чунин салоҳият ва масъулият дар назорати фаромарзии одамон ва интиқоли молу воситаҳои нақлиёт мақомоти гумрук дар иҷрои STC нақши муҳим мебозад.
Мақомоти гумруки Тоҷикистон барои роҳ надодан ба қонуншиканиҳо, бо мақсади ҳифзи амнияти миллии Ҷумҳурии Тоҷикистон ва ҷилавгирӣ аз муомилоти ғайриқонунии фаромарзии моддаҳои кимиёвӣ, биологӣ, радиоактивӣ, ҳастаӣ (CBRN) ва молҳои таъйиноташон дуҳадафа дар доираи салоҳияти худ тадбирҳои зарурӣ меандешад.
Аксҳо аз Хадамоти гумруки назди Ҳукумати ҶТ
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
Имрӯз дар шаҳри Душанбе ҳаво то 39 дараҷа гарм мешавад
Дар Бохтар бахшида ба Рӯзи Ваҳдати миллӣ ҳамоиши сиёсӣ-фарҳангӣ баргузор гардид
Дар назди Муассисаи таҳсилоти миёнаи умумии рақами 2-и шаҳри Норак бинои иловагӣ сохта мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Беш аз ду километр роҳи деҳаи Ниликони ноҳияи Рӯдакӣ мумфарш гардид
Дар ҷаласаи 45-уми Шурои идоракунандагони GCF масъалаҳои стратегии марбут ба татбиқи Созишномаи Париж баррасӣ мешаванд
Хизматрасонӣ 24/7: чӣ тавр оператори мобилӣ бо муштариён муошират менамояд
Имрӯз дар водиҳои Тоҷикистон ҳаво то 40 дараҷа гарм мешавад
ҚУРБИ АСЪОР: 1 рубли русӣ аз 0.1190 то 0.1245 сомонӣ муқаррар шудааст
