Дар Анқара ба муносибати Рӯзи забони тоҷикӣ таҳти унвони «Забон — пайвандгари миллатҳо» ҳамоиш баргузор шуд

Октябрь 8, 2021 12:50

ДУШАНБЕ, 08.10.2021 /АМИТ «Ховар»/. 7 октябр бо ибтикори Сафорати Ҷумҳурии Тоҷикистон дар Ҷумҳурии Туркия ба муносибати Рӯзи забони тоҷикӣ дар Институти афкори стратегии шаҳри Анқара (Stratejik Düşünce Enstitüsü) дар мавзӯи «Забон — пайвандгари миллатҳо» конфронс доир гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Дар конфронс коршиносони Институти афкори стратегӣ, профессорон, ходимони илмӣ ва донишҷӯёни донишгоҳҳои Анқара, Ҳаҷетеппа, Ҳоҷи Байрам Валӣ иштирок ва суханронӣ намуданд. Ҳамзамон узви вобастаи Академияи миллии илмҳои Тоҷикистон Сайфиддин Назарзода ва Мирзо Ҳасани Султон дар кори конфронс маҷозӣ сухан гуфтанд.

Конфронси мазкурро Сафири Фавқулода ва Мухтори Ҷумҳурии Тоҷикистон дар Ҷумҳурии Туркия Ашрафҷон Гулов бо суханони ифтитоҳӣ оғоз бахшида, дар бораи таърихи забони тоҷикӣ, эҷодиёти оламшумули мутафаккирони барҷастаи тоҷик, мавқеи забони тоҷикӣ дар арсаи байналмилалӣ ва хидматҳои шоёни Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мавқеи расмӣ гирифтан ва инкишофи забони тоҷикӣ ба ҳозирин маълумот дод.

Профессори Донишгоҳи Анқара хонум Ҳуля Касапоғлу роҷеъ ба саҳми мутафаккирони барҷастаи форсу тоҷик, аз қабили Фирдавсӣ, Рӯдакӣ, Мавлоною Ҷомӣ дар тарбияи ахлоқии ҷомеаи ҷаҳонӣ нақл карда, аз эҷодиёти эшон порчаҳои шеърӣ бо забони тоҷикӣ қироат намуд.

Конфронси мазкур бо суханрониҳои доктори Донишгоҳи Анқара Умут Башар, ходимони Академияи миллии илмҳои Ҷумҳурии Тоҷикистон Сайфиддин Назарзода ва Мирзо Ҳасани Султон идома ёфта, донишҷӯён ва ходимони илмии хориҷӣ, ки ба омӯзиши забони форсӣ машғул мебошанд, бо олимони ширкаткунанда оид ба паҳлуҳои мухталифи забони тоҷикӣ суҳбат намуданд.

Дар ҳамоиш китобҳои безаволи Президенти Ҷумҳурии Тоҷикистон муҳтарам Эмомалӣ Раҳмон, аз ҷумла «Тоҷикон дар оинаи таърих» ба намоиши ҳозирин гузошта шуданд.

АКСҲО аз ВКХ ҶТ

Октябрь 8, 2021 12:50

Хабарҳои дигари ин бахш

Вакилони гурҷӣ бо кормандони ҷавони низоми хизмати дипломатии Тоҷикистон мулоқот намуданд
Шараф Шерализода бо муовини котиби давлатии Котиботи давлатии Швейтсария оид ба молияи байналмилалӣ мулоқот намуд
Намояндаи Тоҷикистон дар чорабинӣ оид ба маблағгузории миллӣ барои расидан ба Ҳадафҳои Рушди Устувор иштирок намуд
Ҷонибек Ҳикмат дар чорабинӣ бахшида ба Рӯзи байналмилалии «ҷаҳони бе партов» иштирок намуд
Дар қароргоҳи Созмони Милали Муттаҳид бахшида ба таҷлили ҷашни Наврӯзи байналмилалӣ ҳамоиши тантанавӣ доир гашт
Деннис Фрэнсис саҳми Тоҷикистонро дар пешбарии масъалаҳои марбут ба об баланд арзёбӣ намуд
Дар Ню-Йорк аҳаммияти фаъолияти Раванди оби Душанбе баррасӣ гардид
Дар шаҳри Остона ҷашни байналмилалии Наврӯз таҷлил гардид
Вазири корҳои хориҷии Тоҷикистон дар Конфронс ба муносибати Рӯзи ҷаҳонии об иштирок намуд
Тоҷикистон ва Туркия муносибатҳои дуҷонибаро дар самтҳои сиёсӣ, иқтисодӣ ва сармоягузорӣ баррасӣ намуданд
Дар шаҳри Москва Наврӯзи байналмилалиро таҷлил намуданд
Ҷашни байналмилалии Наврӯзро дар Ашқобод бошукуҳ таҷлил намуданд