Дар Душанбе Анҷумани VI омӯзгорон ва кормандони маорифи кишварҳои узви ИДМ баргузор мешавад

Октябрь 26, 2021 14:02

ДУШАНБЕ, 26.10.2021. /АМИТ «Ховар»/. 28-29 октябр дар Китобхонаи миллии Тоҷикистон Анҷумани VI омӯзгорон ва кормандони маорифи кишварҳои узви Иттиҳоди Давлатҳои Мустақил таҳти унвони «Фазои таълимии Иттиҳоди Давлатҳои Мустақил- манбаи стратегии рушди устувор» ва нахустин Фестивали маҳорати педагогии омӯзгорон ва кормандони маорифи кишварҳои узви ИДМ баргузор мегардад, ки дар он омӯзгорон ва кормандони соҳаи маорифи Русия, Беларус, Арманистон, Тоҷикистон, Қазоқистон, Қирғизистон ва Узбекистон иштирок мекунанд, иттилоъ доданд аз маркази матбуоти Вазорати маориф ва илми Ҷумҳурии Тоҷикистон ба АМИТ «Ховар».

Анҷуман аз рӯйи 5 номина баргузор гардида, дар он муайян кардани роҳҳои муассири таъмини таълими дастрас ва босифат дар ҳама сатҳҳо ва рақамикунонӣ дар соҳаи маориф, вазъ ва дурнамои рушди илми педагогика дар кишварҳои ИДМ, муносибатҳои инноватсионӣ дар татбиқи стандартҳои касбии омӯзгор ва ташкили корҳои таълимӣ дар ташкилоти таълимии кишварҳои ИДМ, фаъолсозӣ ва рушди шарикӣ миёни ташкилоти таълимии кишварҳои узви ИДМ бо мақсади таҳкими ҳамкории байналмилалии башардӯстона дар фазои ИДМ, ҳамкорӣ дар паҳн ва ҳифзи забони русӣ ҳамчун воситаи муҳимтарини ҳамгироии кишварҳои узви ИДМ баррасӣ мегардад.

Фестивали маҳорати педагогии омӯзгорон ва кормандони маорифи кишварҳои узви ИДМ баъд аз маросими муқаддимавӣ аз рӯйи номинаҳои «Муаллим», «Мураббӣ» ва «Равоншиносӣ» ба кори худ идома медиҳад. Дар фарҷом ба иштирокчиёни Фестивал диплом супорида мешавад.

Ёдовар мешавем, ки Анҷумани омӯзгорон ва кормандони маорифи кишварҳои узви Иттиҳоди Давлатҳои Мустақил дар ду сол як маротиба доир шуда, ба фароҳам овардани шароит барои рушди равандҳои ҳамгироӣ, ҷустуҷӯи фаъолонаи шаклҳо ва механизмҳои нави ҳамкории кишварҳои узви ИДМ дар соҳаи маориф мусоидат менамояд.

АКС аз Вазорати маориф ва илми ҶТ

Октябрь 26, 2021 14:02

Хабарҳои дигари ин бахш

ХАБАРИ ХУШ! Номинаҳои 2500-солагии шаҳраки қадимаи Тахти Сангин ва 1050-солагии Абурайҳони Берунӣ ба Феҳристи ҷашнвораҳои ЮНЕСКО барои солҳои 2022-2023 шомил гардиданд
ТАСС: Вазорати маориф ва илми Тоҷикистон ба Русия пешниҳод намудааст, ки китобҳои дарсии забони русиро ба мактабҳо мутобиқ созад
«Пешвои миллат ва таҳкими нуфузи байналмилалии Тоҷикистон», — шарҳи матбуоти даврии Тоҷикистон
ЁДГОРИИ МЕЪМОРИИ МАНСУБ БА ДАВРАИ АНТИҚА. Бостоншиносони Тоҷикистон ва Фаронса аз пойсутун ва ҷузъи сутуни деҳаи Пушинги Данғара дидан намуданд
Гулчеҳра Қоҳирова: Астероиди 4660 Nereus барои Замин ягон хатар надорад
РУСИЯ ҚОИДАҲОИ НАВИ ИМЛОИ ЗАБОНИ РУСИРО ТАҲИЯ НАМУД. Қаблан ба қоидаҳои имлои забони тоҷикӣ низ тағйирот ворид шуда буд
Мактаб-интернати ҷумҳуриявии кӯдакони ятим дар шаҳри Кӯлоб ба давраи зимистон омода мебошад
Рустам Ҷабборов барои таҳия ва эҷоди филмномаи «Ҷомӣ ва Навоӣ» ба Душанбе омад
39 хонандаи шаҳри Душанбе дар Олимпиадаи байналмилалии Анталия соҳиби ҷойҳои ифтихорӣ шуданд
Китоби «Пешвои миллат ва сиёсати давлатии забон» ба нашр расид
Даври ниҳоии Озмуни ҷумҳуриявии «Тоҷикистон — Ватани азизи ман» оғоз гардид
7 НОЯБР- РӮЗИ ТЕАТРИ ТОҶИК. «Барномаи давлатии рушди театри Чумҳурии Тоҷикистон барои солҳои 2023-2028» таҳия мегардад