Дар Душанбе Намоишгоҳи байналмилалии универсалии «Тоҷикистон-2021. Тирамоҳ» доир мегардад
ДУШАНБЕ, 11.10.2021 /АМИТ «Ховар»/. Аз 13 то 15 октябр дар Маҷмааи варзишии «Манеж» дар шаҳри Душанбе намоишгоҳи байналмилалии универсалии «Тоҷикистон-2021. Тирамоҳ» доир мегардад. Дар ин бора аз Палатаи савдо ва саноати Тоҷикистон хабар доданд.
Намоишгоҳ бо дастгирии Ҳукумати Ҷумҳурии Тоҷикистон дар доираи Форуми байналхалқии сармоягузории «Душанбе-Инвест 2021» аз ҷониби Палатаи савдо ва саноат гузаронида мешавад.
Дар он истеҳсолкунандагони ватанӣ ва хориҷӣ маҳсулоти худро ба маърази тамошо хоҳанд гузошт.
Сокинон ва меҳмонон метавонанд аз намоишгоҳ дидан карда, маҳсулоти ғизоӣ, масолеҳи саноати сабук ва косибиро бо нархҳои дастрас харидорӣ намоянд.
Дар Намоишгоҳи байналмилалии универсалии «Тоҷикистон-2021. Тирамоҳ» одатан намояндагони ташкилоту корхонаҳо аз Русия, Беларус, Узбекистон, Чин, Покистон, Афғонистон, Кореяи ҷанубӣ, Индонезия иштирок менамуданд. Аммо соли равон бинобар паҳн гардидани бемории COVID-19 шумораи иштирокчиён аз манотиқи кишварҳои болозикр тасдиқ нагардидааст.
АКС аз бойгонии АМИТ «Ховар»
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
Роҳи мошингарди «Айнӣ – Кӯҳистони Мастчоҳ» навсозӣ мешавад
Лоиҳаи Барномаи нави саноатикунонии босуръати Тоҷикистон барои солҳои 2026-2030 таҳия мегардад
