Дар Душанбе зимни 30 амалиёти экологӣ соҳили дарёву каналҳо тоза карда шуданд

ДУШАНБЕ, 11.10.2021 /АМИТ «Ховар»/. Зарфи нуҳ моҳи соли  равон дар ҳудуди ноҳияҳои Фирдавсӣ, Исмоили Сомонӣ, Сино ва Шоҳмансури шаҳри Душанбе қариб 30 амалиёти экологии «Тозагии соҳил» гузаронида шуда, дар ҷараёни он ҳудуди  соҳили дарё ва каналҳо дар масофаи 20364,23 километр  тоза карда шуда, дар ҳаҷми 721 метри мураббаъ партов  ҷамъоварӣ ва ба партовгоҳи шаҳрӣ бароварда шуд, иттилоъ доданд ба АМИТ «Ховар» аз Кумитаи ҳифзи муҳити зисти назди Ҳукумати ҷумҳурӣ.

Дар ин давра дар асоси маълумоти Муассисаи давлатии  «Раёсати обёрӣ»-и шаҳри Душанбе аз дохили каналу селпартоҳои ноҳияҳои пойтахт ба таври механикӣ 18736,05 метри   мураббаъ,  ба таври  дастӣ 1078,2 метри  мураббаъ корҳои тозакунӣ ба анҷом расонида шуда, дар маҷмӯъ ба миқдори 29368,56 тонна лойқа ва партовҳо бароварда шуданд.

Зимни баргузории корҳои соҳилтозакунӣ дар  дарёву каналҳо бо сокинони шаҳраку маҳаллаҳо вобаста ба риояи муқаррароти Қоидаҳои тартиботи ҷамъиятӣ, ободонӣ ва санитарӣ дар шаҳри Душанбе ва талаботи қонунгузорӣ дар самти нигоҳдории муҳити зист, махсусан  тоза нигоҳ доштани соҳили дарёву манбаъҳои обӣ, муносибати оқилона бо сарватҳои табиӣ, аз ҷумла оби нӯшокӣ суҳбату вохӯриҳои судманд  гузарониа шуданд.

 Акс аз манбаъҳои боз