ФУТЗАЛ. Пагоҳ дастаҳои «Соро компания»-и Душанбе ва «Сипар»-и Хуҷанд бо ҳам рақобат мекунанд

Октябрь 15, 2021 08:21

ДУШАНБЕ, 15.10.2021 /АМИТ «Ховар»/. 16-17 октябр ду бозии аввали силсилаи ниҳоии Лигаи касбии футзали Тоҷикистон-2021 миёни дастаҳои «Соро компания»-и  шаҳри  Душанбе ва «Сипар»-и шаҳри  Хуҷанд баргузор мешаванд, иттилоъ дод  шореҳи варзиши АМИТ «Ховар» Меҳрони Қурбон  бо истинод ба Федератсияи футболи Тоҷикистон.

Дастаи футзали  «Соро компания»-и шаҳри Душанбе  ба ҳайси ғолиби марҳилаи аввали чемпионат ду бозии аввали даври ниҳоиро дар майдони худ мегузаронад. Рақобати дастаҳо дар Маҷмааи варзишии Кумитаи андози пойтахт соати 18:00 оғоз мегардад. Бар асоси низомномаи лига, бозиҳои финалии Лигаи касбии футзали Тоҷикистон аз силсила то се ғалабаи яке аз дастаҳо баргузор мешаванд. Дар марҳилаи аввали мусобиқа дастаҳо ду вохӯрӣ баргузор намуданд, ки яке мусовӣ ва дуюм ба суди дастаи футзали  «Соро компания»-и шаҳри Душанбе  ба анҷом расида буд.

Дастаи «Соро компания»-и шаҳри Душанбе  зери роҳбарии Пайрав Воҳидов талош дорад, то маротибаи сеюм чемпиони Тоҷикистон гардад. Дастаи  футзали   «Сипар»-и шаҳри Хуҷанд  ба ҳайси чемпиони феълии мусобиқа барои ҳимояи унвони хеш талош мекунад. Айни ҳол дастаи футзали  «Сипар»-и шаҳри Хуҷанд дар шаҳри Душанбе қарор дорад.

Ёдовар мешавем, ки дастаи ғолиб дар баробари унвони  чемпиони  Тоҷикистон ба даст овардан  инчунин соҳиби роҳхат ба Лигаи қаҳрамонҳои футзали Осиё дар соли 2022 мегардад.

                                       АКС аз Федератсияи футболи Тоҷикистон

Октябрь 15, 2021 08:21

Хабарҳои дигари ин бахш

ФУТБОЛ. Шоми имрӯз бозии дӯстонаи дастаҳои мунтахаби Тоҷикистон ва Қазоқистон баргузор мешавад
27-28 ноябр бозиҳои ҷавобии даври нимфинали Ҷоми Тоҷикистон-2021 оид ба футбол баргузор мегарданд
Бозии дӯстонаи дастаҳои мунтахаби Тоҷикистон ва Қазоқистон дар шаҳри Нур-Султон баргузор мешавад
ФУТБОЛ. Дастаи Тоҷикистон омодагиашро барои бозӣ бо дастаи мунтахаби Қазоқистон оғоз кард
ФУТЗАЛ. Дастаи «Соро компания» барандаи Ҷоми Тоҷикистон-2021 оид ба футзал гардид
ФУТБОЛ. Мубин Эргашев муваққатан сармураббии дастаи мунтахаби футболи Тоҷикистон интихоб шуд
«Истиқлол» ва «Хуҷанд» дар бозиҳои аввали нимфинали Ҷоми Тоҷикистон-2021 бар ҳарифонашон ғолиб омаданд
Ҳимоятгарони дастаи миллии футболи Тоҷикистон фаъолияташонро дар дастаи «Персеполис»-и Эрон идома медиҳанд
Ғолибони бозиҳои даври 24-уми Чемпионати Тоҷикистон оид ба футбол миёни дастаҳои Лигаи олӣ муайян шуданд
«Истиқлол», «Хатлон» ва «Хуҷанд» дар Чемпионати Тоҷикистон миёни дастаҳои Лигаи олӣ ғолиб омаданд
ФУТБОЛ. Имрӯз бозиҳои даври 23-юми Чемпионати Тоҷикистон миёни дастаҳои Лигаи олӣ оғоз мегарданд
МУБОРАК БОД! Дастаи мунтахаби олимпии Тоҷикистон (U-23) ба финали Ҷоми Осиё-2022 оид ба футбол роҳ ёфт