Ифтитоҳи Муассисаи таҳсилоти миёнаи умумии № 48 ва шиносоӣ бо лоиҳаи сохтмони бинои нави иловагӣ дар ноҳияи Ховалинг
ДУШАНБЕ, 03.10.2021. /АМИТ «Ховар»/. 3 октябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маҳалаи навбунёди Тутаки ноҳияи Ховалинг Муассисаи таҳсилоти миёнаи умумии рақами 48-ро мавриди истифода қарор доданд.
Иншооти мазкур бо ҷонибдорӣ аз сиёсати маорифпарваронаи Пешвои муаззами миллат муҳтарам Эмомалӣ Раҳмон дар доираи эълон гардидани солҳои 2019 — 2021, ҳамчун “Солҳои рушди деҳот, сайёҳӣ ва ҳунарҳои мардумӣ” мувофиқ ба талаботи замони муосир бунёд гардидааст.
Бинои таълимӣ аз 11 синфхона ва 2 ҳуҷраи корӣ барои омӯзгорон иборат буда, барои 480 хонанда дар ду баст пешбинӣ гардидааст.
Масоҳати умумии бинои Муассисаи таҳсилоти миёнаи умумии рақами 48 дар деҳоти Тутаки ноҳияи Ховалинг беш аз 2 гектарро дар бар мегирад. Худи бинои таълимии ду ошёна иборат аз синфхонаҳои биология, математика, физика, химия ва дигар иншооти ёрирасон, дар масоҳати 1 гектару 27 садяк замин бунёд гардидааст.
Дар муассисаи тозабунёд 28 омӯзгори ботаҷрибаи соҳавӣ ба хонандагон дарс мегӯяд.
Раванди таълим дар мактаб бо 3 забон, аз ҷумла русӣ ва англисӣ ба роҳ монда шудааст.
Дар назди муассисаи нави таълимӣ 2 майдончаи бозии футбол, волейбол сохта шуда, дигар шароити ҷалби хонандагон ба намудҳои гуногуни варзиш муҳайё мебошад.
Дар ҳаминҷо Президенти Ҷумҳурии Тоҷикистон муҳтарам Эмомалӣ Раҳмон бо лоиҳаи боз як бинои нави иловагии дуошёнаи Муассисаи таҳсилоти миёнаи умумии рақами 48 шинос гардиданд.
Бинои нави иншооти соҳаи маориф дар асоси дастуру супоришҳои Роҳбарияти давлат ва Ҳукумати мамлакат дар масоҳати 1 гектару 27 садяк замин сохта мешавад.
Бинои бунёдшаванда 2 — ошёна буда, барои 1 ҳазору 500 нафар хонанда дар ду баст пешбинӣ гардидааст.
Тибқи лоиҳа оянда дар он 12 синфхона, маҷлисгоҳ бо 200 ҷойи нишаст, толорҳои варзишӣ, китобхона ва ошхона барои 60 нафар сохта мешавад.
Ҳангоми шиносоӣ бо лоиҳаи бинои нави муассисаи мазкур Пешвои муаззами миллат ба масъулон ҷиҳати анҷоми босифати корҳои бунёдӣ ва фароҳам овардани беҳтарин шароити донишомӯзӣ ба насли ояндасози миллат дастуру маслиҳатҳои мушаххас дода, таъкид намуданд, ки насли наврас бояд аз имкониятҳои фароҳамоварда самаранок истифода баранд, донишҳои муосирро аз худ намоянд ва барои пешрафти Тоҷикистони соҳибистиқлол саҳми арзанда гузоранд.
Сарвари давлат Эмомалӣ Раҳмон дар сохторҳои қудратӣ тағйироти кадрӣ анҷом доданд
Дар шаҳри Турсунзода бинои нави Шабакаи кумаки аввалияи тиббию санитарӣ ба истифода дода шуд
Дар Душанбе рӯзҳои фарҳангии шаҳру ноҳияҳои Тоҷикистон баргузор мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Истиқлол сохтмони марҳилаи дуюми корхонаи металлургӣ идома дорад
ДУШАНБЕ — ШАҲРИ САБЗ. Дар ноҳияи Исмоили Сомонӣ маъракаи ниҳолшинонӣ баргузор шуд
Тавзеҳот ба Фармони Президенти Ҷумҳурии Тоҷикистон
Фармони Президенти Ҷумҳурии Тоҷикистон
35-СОЛАГИИ ИСТИҚЛОЛИ ДАВЛАТӢ. Дар Ёвон корҳои созандагию ободкорӣ вусъат меёбанд
Дар озмуни вилоятӣ Хуҷанд дар соли 2025 шаҳри беҳтарин дониста шуд
Балаҷон Ёқубов бо 15 ҳазор сомонӣ мушкилии даҳсолаи чорводорону сокинони минтақаи кӯҳиро дар ноҳияи Лахш бартараф намуд
Кӯлоб «Шаҳри беҳтарин» ва Данғара «Ноҳияи беҳтарин»-и соли 2025 дар вилояти Хатлон муайян гардиданд
Ёвон дар номинатсияи «Ноҳияи беҳтарин» дар вилояти Хатлон сазовори ҷойи дуюм гардид
