ИМА ба Вазорати мудофиаи Тоҷикистон 20 мошини Jeeps J8 супорид
ДУШАНБЕ, 07.10.2021 /АМИТ «Ховар/. ИМА дар доираи мустаҳкамгардонии сарҳад ба Вазорати мудофиаи Тоҷикистон 20 адад мошини кӯҳгард супорид. Дар ин бора АМИТ «Ховар» бо истинод ба Сафорати ИМА дар Душанбе хабар медиҳад.
Мошинҳо дорои арзиши 1,4 миллион доллар буда, ба неруҳои махсуси Вазорати дифоъ имкон медиҳанд, ки дар манотиқи душворгузари марз амалиёт анҷом диҳанд, омадааст дар сомонаи сафорат.
Дар маросими тақдими мошинҳо муовини Вазири мудофиаи Тоҷикистон оид ба техника ва таъминоти он, генерал-майор Хусрав Бобозода ва Сафири ИМА дар Тоҷикистон Ҷон Марк Поммершайм ҳузур доштанд.
«Ин кумаки бебозгаште, ки мо ба Тоҷикистон расонидем, намунаи дастгириҳои мо баҳри таъмини бехатарии сарҳад мебошад. Мо аз Тоҷикистон баҳри ҳамкории судманд дар самти бехатарии сарҳад хушнудем ва ифтихор аз дастовардҳои дуҷониба дорем. Мо дар самти мубориза бо терроризм, мубодилаи ғайриқонунии маводи мухаддир ва паҳнкунии силоҳи ядроӣ ҳамчун шарик боқӣ мемонем. Мо замоне пурқувват ҳастем, ки дар якҷоягӣ амал мекунем»,- зикр намуд сафир дар ҷамъомад.
Шурӯъ аз соли 1992 Иёлоти Муттаҳидаи Амрико ба Тоҷикистон ба маблағи умумии 330 миллион доллар кумаки низомӣ расонидааст. Дар доираи ин кумакҳо ба сохторҳои қудратии Тоҷикистон 358 адад воситаи нақлиёт ба маблағи 10,5 млн доллар дода шудааст.
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
НИШАСТИ МАТБУОТӢ. Дар шаш моҳи соли 2026 сатҳи ҷинояткорӣ байни ноболиғон ва ҷавонон зиёд шудааст
