Коллеҷи тиббии шаҳри Кӯлоб бо таҷҳизоти муосири соҳавӣ таъмин гардид
КӮЛОБ, 12.10.2021 /АМИТ «Ховар»/. Бо дастгирии Ҳукумати Ҷумҳурии Тоҷикистон, Вазорати маориф ва илми Ҷумҳурии Тоҷикистон, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон давоми солҳои охир ба Муассисаи давлатии «Коллеҷи тиббии шаҳри Кӯлоб ба номи Раҳматулло Раҳмонзода» таҷҳизоти муосири соҳавӣ ворид гардида, биноҳои он аз таъмири асосӣ бароварда шуданд, хабар дод директори коллеҷ Зубайдулло Азиззода ба мухбири минтақавии АМИТ «Ховар».
Зикр шуд, ки барои омода сохтани мутахассисони ба бозори меҳнат рақобатпазир ба коллеҷ омӯзгорони беҳтарин ҷалб карда шуда, бо муассисаҳои тандурустии минтақаи Кӯлоб баҳри гузаронидани таҷрибаомӯзӣ шартнома баста шуд. Сохтмони бинои баландошёнаи хобгоҳ барои донишҷӯёни коллеҷ идома дошта, баъди ба истифода супоридани он мушкилоти донишҷӯён дар ин самт бартараф мегардад.
Муассисаи давлатии «Коллеҷи тиббии шаҳри Кӯлоб ба номи Раҳматулло Раҳмонзода» яке аз муассисаҳои бонуфуз дар минтақаи Кӯлоб ба ҳисоб рафта, ҳамасола дар он садҳо нафар мутахассисони соҳибтаҷриба омода ва ба муассисаҳои тиббӣ сафарбар карда мешаванд. Имсол низ тариқи Маркази миллии тестӣ довталабон ба муассисаи мазкур дохил шуданд.
Директори коллеҷ Зубайдулло Азиззода эълон доштааст, ки донишҷӯёне, ки ба таври аъло мехонанд ва интизоми намунавӣ доранд, баъди санҷиш бо идрорпулии иловагӣ таъмин мегарданд.
АКСҲО аз Коллеҷи тиббии шаҳри Кӯлоб
«ҲУНАРМАНДИ СОЛ». Дар Тоҷикистон озмуни ҷумҳуриявии ҳунармандӣ баргузор мегардад
Гуфтори «Ман аввал тоҷикам, баъд мусулмон» заминаи ваҳдати миллӣ ва фарҳанги ҳамзистиро муҳайё месозад
АЗ СЕ ЯК ҲИССАИ УМРИ ИНСОН ДАР ҶОИ КОР МЕГУЗАРАД. Ва ё ба кормандон муҳайё намудани шароити хуби меҳнат зарур аст
АВВАЛ ҲУВИЯТИ МИЛЛӢ, БАЪДАН ҲУВИЯТИ ДИНӢ. Тоҷик касест, ки худро вориси тамаддуни ниёгон медонад
ТАНИ СОЛИМ МАҲСУЛИ АҚЛИ СОЛИМ АСТ. Ва ё чаро баъзе доруҳо ба саломатии инсон зарари ҷиддӣ мерасонанд?
Дар қаламрави Тоҷикистон заминларза ба амал омад
ПАСТ КАРДАНИ ХАВФИ ОФАТҲОИ ТАБИӢ. Соли 2025 аъзои 174 хоҷагӣ ба ҷойҳои бехатар кӯчонида шуданд
Ифлосшавии ҳавои атмосферӣ ба саломатии инсон чӣ таъсир мерасонад?
Президенти Тоҷикистон ба хонаводаи афсари ҷонфидои миллат хонаи истиқоматӣ тақдим намуданд
Дар Тоҷикистон ҳавои моҳи январ чӣ гуна мешавад?
«МАҚОМИ ЗАН ДАР МЕҲВАРИ ПАЁМ». Дар ноҳияи Ёвон ҳамоиши занону духтарон баргузор гардид
Намнокии баланди ҳаво сабаби пайдоиши туман мегардад
