Миссияи нозирони ИДМ: Интихоботи президентӣ дар Узбекистон демократӣ ва шаффоф гузашт

Октябрь 25, 2021 15:30

ДУШАНБЕ, 25.10.2021 / АМИТ «Ховар» /. Мо ба хулосае омадем, ки интихобот дар Узбекистон ошкоро, демократӣ ва шаффоф баргузор шуд, — гуфт муовини аввали Раиси Маҷлиси намояндагон, Ҳамоҳангсози гурӯҳи мониторинг аз АБ ИДМ Маҳмадалӣ Ватанзода имрӯз зимни нишасти матбуотии миссияи нозирони Ассамблеяи Байнипарлумонии кишварҳои узви Иттиҳоди Давлатҳои Мустақил дар интихоботи Президенти Ҷумҳурии Узбекистон, ки дар он натиҷаҳои мониторинги байналмилалии маъракаи интихобот ҷамъбаст карда шуд, иттилоъ дод котиби матбуоти Маҷлиси намояндагон Муҳаммадато Султонов ба АМИТ «Ховар».

Ҳамоҳангсози гурӯҳи мониторинг аз АБ ИДМ Маҳмадалӣ Ватанзода иброз намуд, ки дар ҷараёни мониторинги дарозмуддат қонунгузории интихоботи ҷумҳурӣ таҳлил карда шуд — коршиносон ба хулосае омаданд, ки он ба стандартҳои байналмилалӣ ҷавобгӯ аст. Маҳмадалӣ Ватанзода сатҳи баланди омодагии раисон ва аъзои комиссияҳои интихоботро шарҳ дода, иброз намуд, ки «онҳо ба ҳама саволҳои мо фавран ҷавоб доданд. Ин аз он шаҳодат медиҳад, ки Комиссияи марказии интихобот дар ин самт кори бузурге кардааст»

Мавсуф ҳамзамон иброздошт, ки омодагӣ ба интихобот ба таври муташаккилона ва дар сатҳи баланд сурат гирифт.

Ҳамоҳангсоз аҳамияти мусбати тағйиротеро, ки ба қонунгузории интихоботи Узбекистон «мувофиқи замон ва тавсияҳои нозирони байналмилалӣ» ворид шудааст, зикр кард. Ӯ инчунин таваҷҷуҳро ба навовариҳое ҷалб кард, ки интихоботро боз ҳам ошкоро ва демократӣ кардаанд. Дар байни онҳо таъсиси рӯйхати ягонаи электронии овоздиҳандагон хеле мусбат арзёбӣ гардид.

Дар чорабинии сиёсӣ роҳбари ҳайати нозирони ИДМ, раиси Кумитаи иҷроия — котиби иҷроияи ИДМ Сергей Лебедев, муовини аввали раиси МН МО ҶТ Маҳмадалӣ Ватанзода, дабири кулли Шӯрои АБ  ИДМ Дмитрий Кобитский, вакилон ва намояндагони комиссияҳои марказии интихоботии кишварҳои ИДМ иштирок доштанд.

Нозирон ба таҷҳизоти техникӣ, дастгирии иттилоотии интихобот, инчунин инъикоси васеи маъракаи интихобот дар ВАО баҳои баланд доданд.

Сергей Лебедев таъкид кард, ки барои ҳайати нозирони ИДМ тамоми имконоту шароит фароҳам оварда шудааст: «Ҳама дарҳо ба рӯи мо боз буданд, мо ҳама маълумоти заруриро гирифтем»,- изҳор дошт ӯ.

Иштироки панҷ номзад дар интихобот аз рақобатпазирии интихоботи президентии Узбекистон шаҳодат медиҳад, хулоса карданд нозирони ИДМ.  Дар баробари ин маърака оромона гузашт. «Мо набудани «пиари сиёҳ» ва рақобатпазирии солимро қайд мекунем», — таъкид кард роҳбари намояндагии ИДМ.

Нозирон ба хулосае омаданд, ки маъракаи интихоботӣ дар Узбекистон ҳуқуқи шаҳрвандони Узбекистонро барои озодии иродаи худ таъмин кардааст. Интихобот комилан мувофики конунгузории ҷумҳурӣ ва мувофики принсипҳои аз тарафи умум эътирофшудаи демократӣ гузашт.

Сергей Лебедев ба расонаҳо хабар дод, ки хулосаи нозирони байналмилалӣ пас аз эълони расмии натиҷаҳои интихоботи Президентии Узбекистон нашр хоҳад шуд.

Ба гуфтаи нозирони АБ ИДМ, барои ҳамаи номзадҳо дар интихоботи президентии Узбекистон ҳам аз ҷиҳати маблағгузорӣ ва ҳам аз ҷиҳати фароҳам овардани имконот барои пешбурди маъракаи пешазинтихоботӣ ва дигар масъалаҳо шароити баробар фароҳам оварда шудааст.

АКС: МН МО ҶТ

Октябрь 25, 2021 15:30

Хабарҳои дигари ин бахш

Тадбирҳои мубориза бо муҳоҷирати ғайриқонунӣ дар давлатҳои аъзои Созмони Аҳдномаи амнияти дастҷамъӣ пешниҳод гардиданд
Дар Душанбе вазъ ва дурнамои ҳамкории байнипарлумонии Тоҷикистон ва Гурҷистон баррасӣ шуд
Рустами Эмомалӣ ба Валентина Матвиенко ва Вячеслав Володин барқияи изҳори тасаллӣ ирсол намуданд
БАР ЗИДДИ ИФРОТГАРОИВУ ТЕРРОРИЗМ САРҶАМЪОНА МУБОРИЗА БАРЕМ. Андешаҳо дар ҳошияи мулоқоти Президенти Тоҷикистон бо намояндагони ҷомеа ва ходимони дин
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
САРМОЯИ ИНСОНӢ. Рушд ва самаранокии истифодаи сармояи инсонӣ барои давлату Ҳукумат аҳамияти аввалиндараҷа дорад
Дар Маҷлиси намояндагони Маҷлиси Олии Ҷумҳурии Тоҷикистон Рӯзи Модар пуршукуҳ таҷлил гардид
НАҚШИ ЗАНОН ДАР ПАРЛУМОНИ ТОҶИКИСТОН. 8 зан аъзои Маҷлиси миллӣ ва 16 нафар вакили Маҷлиси намояндагон мебошанд
Дар Душанбе бахшида ба Соли маърифати ҳуқуқӣ ҳамоиш баргузор гардид
Имрӯз дар шаҳри Душанбе иҷлосияи ҳабдаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
Дар Душанбе ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор гардид