МО БА ХИЗМАТ МЕРАВЕМ! Даъвати тирамоҳии шаҳрвандон ба хизмати ҳатмии ҳарбӣ дар Душанбе 79 фоизро ташкил дод

Октябрь 21, 2021 09:31

ДУШАНБЕ, 21.10.2021 /АМИТ «Ховар»/. Дар давоми 20 рӯзи баргузории маъракаҳои даъватӣ ноҳияи Исмоили Сомонии шаҳри Душанбе нақшаи пешбинишударо пурра ба итмом расонид. Дар комиссариатҳои ҳарбии чор ноҳияи пойтахт  иҷрои нақша 79 фоизро ташкил медиҳад.

Ёдовар мешавем, ки аз якуми октябр дар тамоми шаҳру навоҳии Тоҷикистон даъвати тирамоҳии шаҳрвандон ба хизмати ҳатмии ҳарбӣ оғоз гардида, аллакай давоми 20 рӯзи ҷараёни ин маъракаи муҳими сиёсӣ иҷрои нақша дар қаламрави ҷумҳурӣ 52 фоизро ташкил медиҳад, иброз дошт сардори маркази матбуоти Вазорати мудофиаи Тоҷикистон Фаридун Маҳмадализода зимни суҳбат ба мухбири АМИТ «Ховар».

Давоми 20 рӯзи идомаи чорабиниҳои даъватии шаҳрвандон ба хизмати ҳарбӣ миёни вилоятҳо иҷрои нақша дар ВМКБ ба 100 фоиз баробар буда, аллакай дар ин минтақа ноҳияҳои Дарвоз, Ванҷ, Рӯшон, Роштқалъа, Шуғнон, Ишкошим, Мурғоб ва шаҳри Хоруғ нақшаро пурра ба анҷом расонидаанд.

Ин маъракаи муҳими сиёсӣ дар шаҳру навоҳии вилояти Суғд низ муташаккилона идома дошта, иҷрои нақша дар ин вилоят давоми 20 рӯз  зиёда аз 41,2 фоизро ташкил медиҳад.

Аз маҷмӯи умумии 25 шаҳру навоҳии вилояти Хатлон то ин дам ноҳияҳои Шамсиддини Шоҳин ва Носири Хусрав аз иҷрои пурраи нақшаи даъват гузориш дода, нақшаи даъват дар қаламрави ин вилоят дар муддати 20 рӯз беш аз 40 фоиз иҷро шудааст.

Аз рӯзи оғози даъвати тирамоҳии шаҳрвандон ба хизмати ҳатмии ҳарбӣ то имрӯз иҷрои нақша дар шаҳру ноҳияҳои тобеи ҷумҳурӣ зиёда аз 70 фоизро ташкил дода, аллакай шаҳру навоҳии Ваҳдат, Рашт, Нуробод, Сангвор, Тоҷикобод ва Лахш  аз анҷоми нақшаи мазкур гузориш доданд.

 АКС аз сомонаи Вазорати мудофиа

Октябрь 21, 2021 09:31

Хабарҳои дигари ин бахш

Прокуратураи генералии Тоҷикистон аз Прокуратураи генералии Қирғизистон хостааст ба таҷрибаи оғоз намудани парвандаҳои беасоси ҷиноятӣ хотима бахшида шавад
Нишасти Ҳинд бо таъкид ба ташкили ҳукумати фарогир дар Афғонистон ба поён расид
ОФТОБРО БО ДОМАН ПӮШИДА НАМЕШАВАД. Неруҳои Ҷабҳа гуфтанд, ки толибон дар Афғонистон бо ДИ* ва “Ал-Қоида”* робита доранд
Патрушев шумораи террористонро дар Афғонистон эълон намуд
Шералӣ Мирзо дар ҷаласаи Шӯрои вазирони мудофиаи кишварҳои узви ИДМ иштирок намуд
ВАЗЪИЯТ ДАР САРҲАДИ АФҒОНИСТОН ВА ТОҶИКИСТОН МУРАККАБ БОҚӢ МЕМОНАД. Дар ин бора имрӯз котиби Шӯрои амнияти Тоҷикистон зимни нишаст дар Деҳлии Нав изҳори назар намуд
Қазоқистон нақша дорад ба Тоҷикистон ба таври ройгон техникаҳои низомӣ диҳад
Дар Афғонистон бар зидди толибон* ҷанги партизанӣ оғоз шуд
Милитсияи тоҷик қодир аст аз ҳама гуна амалҳои носавобу душманонаи дилхоҳ гурӯҳҳои ҷиноятпеша ҷилавгирӣ намояд
МИЛИТСИЯИ ТОҶИК — ҶАСУР, ФИДОКОР, ҶОННИСОР! Президенти Тоҷикистон зимни Паёми шодбошӣ кормандони ин ниҳодро ҳомиёни шараф ва обрӯи халқу давлат номиданд
Дар полки таъйинотӣ ва идоракунии Вазорати мудофиаи Тоҷикистон 200 нафар савганди ҳарбӣ ёд намуданд
Дар Театри мусиқӣ-мазҳакавии Хоруғ бахшида ба Рӯзи милитсияи тоҷик ҳамоиши тантанавӣ ва барномаи мусиқӣ доир шуд