«Мушкилиҳои ҷорӣ намудани IT-аудит дар ҷараёни гузариш ба иқтисодиёти рақамӣ». Таҳти чунин унвон дар Палатаи ҳисоб конфронси ҷумҳуриявӣ доир шуд
ДУШАНБЕ, 20.10.2021 /АМИТ «Ховар»/. 19 октябр дар Палатаи ҳисоби Ҷумҳурии Тоҷикистон дар мавзӯи «Мушкилиҳои ҷорӣ намудани IT – аудит дар ҷараёни гузариш ба иқтисодиёти рақамӣ» Конфронси ҷумҳуриявии илмӣ-амалӣ баргузор шуд, хабар доданд ба АМИТ «Ховар» аз Палатаи ҳисоб.
Дар конфронс намояндагони ширкати «Кейсистемс»-и Федератсияи Русия, намояндагони вазорату идораҳо, донишгоҳҳои мамлакат ва кормандони Палатаи ҳисоб иштирок намуданд.
Муовини раиси Палатаи ҳисоб Файзалӣ Аҳмадзода зикр намуд, ки мақомоти Палатаи ҳисоб кӯшиш ба харҷ дода истодааст то барномаи электронии аудитро ҷорӣ намояд, ки он то охири сол пурра амалӣ мегардад.
Ҳадаф аз ин тасмим минбаъд мутобиқ кардани фаъолияти Палатаи ҳисоб ба стандартҳои байналмилалӣ мебошад.
Файзалӣ Аҳмадзода ҳамчунин зикр намуд, ки Палатаи ҳисоб дар Доираи лоиҳаи дуюми «Мукаммалгардонии идоракунии молияи давлатӣ» бо мақсади ҷорӣ намудани унсурҳои ҳукумати электронӣ якчанд корҳоро иҷро намудааст, ки намунаи он таҳияи барномаи электронии аудит ва ҳуҷҷатгузории электронии дохилиидоравӣ аст. Барномаи электронии аудит аз ҷониби ширкати байналмилалии «Кейсистемс»-и Федератсияи Русия дар доираи маблағгузории лоиҳаи мазкур омода шудааст.
Бо ҷорӣ шудани барномаи мазкур Палатаи ҳисоб бо барномаҳои электронии Вазорати молияи Ҷумҳурии Тоҷикистон, Кумитаи андози назди Ҳукумати Ҷумҳурии Тоҷикистон, Хадамоти гумруки назди Ҳукумати Ҷумҳурии Тоҷикистон ва дигар масъулони асосии қисми даромади буҷети давлатӣ ва тақсимкунандагони асосии маблағҳои буҷетӣ пайваст мегардад.
Бо пайваст шудан ба барномаҳои электронии мақомоти марбута гузаронидани чорабиниҳои аудиторӣ осон гардида, қисми зиёдашон ба таври автоматӣ роҳандозӣ мегарданд.
Дар идомаи конфронс директори генералии ширкати «Кейсистемс» Алексей Матросов доир ба фаъолияти ширкат маълумот дод. Ӯ аз ҳамкории мутақобилан судманд изҳори қаноатмандӣ намуда, иброз дошт, ки дар оянда низ ҳамкориро идома дода, барои беҳтар намудани раванди кор дар ин самт ва гузаштан ба иқтисодиёти рақамӣ талош мекунанд.
Инчунин намояндагони вазорату идораҳо ва донишгоҳҳо оид ба бартарияти гузаштан ба ҳукумати электронӣ, самаранокӣ ва ҷавобгӯ будан ба талаботи стандартӣ сухан гуфтанд.
АКС: Палатаи ҳисоби Ҷумҳурии Тоҷикистон
Байни Тоҷикистон ва Русия дар самти амнияти иттилоотӣ ва коммуникатсионӣ Ёддошти тафоҳум ба имзо расид
Вазирони рушди иқтисоди Тоҷикистон ва Русия амалисозии Харитаи роҳ оид ба густариши ҳамкории тиҷоратию иқтисодиро зарур шумориданд
Доир ба тақвияти ҳамкории Тоҷикистон ва Русия дар соҳаи нақлиёт санади нави ҳамкорӣ ба имзо расид
Агентии инноватсия ва технологияҳои рақамии назди Президенти Тоҷикистон барои рушди зеҳни сунъӣ тадбирҳои амалӣ меандешад
Сарвари давлат Эмомалӣ Раҳмон: «Шумораи сайёҳон аз Русия ба Тоҷикистон афзоиш ёфтааст»
Таҳкими ҳамкорӣ байни Тоҷикистон ва Комиссияи иқтисодии СММ барои Аврупо дар самтҳои рақамикунонии соҳаи сохтмон баррасӣ гардид
Таҳкими ҳамкории Тоҷикистон ва Русия дар соҳаи инноватсия ва технологияҳои рақамӣ баррасӣ гардид
Аз Тоҷикистон ба Русия беш аз 29 ҳазор тонна маҳсулоти кишоварзӣ содирот карда шудааст
Дар ҷаласаи 86-уми Кумита оид ба рушди шаҳрсозӣ, манзил ва идоракунии замин стратегияи рушди соҳаи сохтмони Тоҷикистон муаррифӣ шуд
Ҳамкории кишварҳои Иттиҳоди Давлатҳои Мустақил дар соҳаи нақлиёт густариш меёбад
ИМРӮЗ — РӮЗИ ҶАҲОНИИ ПОЧТА. «Почтаи Тоҷикистон» дар шакли муосир хизмат мерасонад
Дурнамои ҳамкории Тоҷикистон ва БАТР дар соҳаи энергетика баррасӣ шуд
