Пешвои миллат Эмомалӣ Раҳмон Муассисаи таҳсилоти миёнаи умумии рақами 16-ро дар шаҳри Бохтар ифтитоҳ намуданд

Октябрь 27, 2021 09:45

ДУШАНБЕ, 27.10.2021 /АМИТ «Ховар»/. 27 октябр дар маркази вилояти Хатлон — шаҳри Бохтар Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бинои наву замонавии Муассисаи таҳсилоти миёнаи умумии рақами 16-ро ифтитоҳ намуданд.

Муассисаи нави таълимӣ дар доираи дастуру супоришҳои бевоситаи Сарвари давлат муҳтарам Эмомалӣ Раҳмон ва маблағгузории ширкати чинии “Синохидро Тоҷикистон” бо харҷи зиёда аз 10 миллион сомонӣ бунёд карда шуда, аз лиҳози меъморию сохтмонӣ ва имконияти мусоиди таълиму тарбия дар шаҳри Бохтар камназир аст.

Зимни шиносоӣ бо шароити таълиму тарбия ба Президенти мамлакат муҳтарам Эмомалӣ Раҳмон иттилоъ дода шуд, ки мактаби мазкур барои 640 хонанда дар ду баст пешбинӣ гардидааст.

Корҳои сохтмониро коргарону мутахассисони Ҷамъияти дорои масъулияти маҳдуди “Диаман-К” ва “Сарҳадсоз” дар асоси лоиҳа ва тарҳу услуби хоси сохтмонию меъморӣ бо сатҳу сифати баланд ба анҷом расонидаанд.

Бинои асосии мактаб, ки аз се ошёна иборат аст, дорои 32 синфхонаи муҷаҳҳази фаннӣ ва ҳуҷраҳои корӣ барои омӯзгорон мебошад.

Ҳамаи синфхонаҳои мактаб, аз ҷумла синфхонаи химия, биология, асосҳои кор бо компютер, физика, математика, омӯзиши забонҳои хориҷӣ, омодагии ибтидоии ҳарбӣ ва ҳунаромӯзӣ бо пешрафтатарин технология ва воситаҳои муосири илмомӯзӣ, ба монанди тахтаҳои электронӣ ва компютерҳо муҷаҳҳаз гардидааст ва дар ин баробар ҷиҳати сайқал додани дониши хонандагон 3 озмоишгоҳ амал мекунад,  ки истифодаи онҳо дар раванди таълим аз таҷрибаи самаровар дар соҳаи маориф ба ҳисоб меравад.

Мактаб ҳамчунин дорои бунгоҳи тиббӣ, ошхона барои 100 нафар, маҷлисгоҳ бо 320 ҷойи нишаст ва толори васею барҳавои варзишӣ мебошад.

Толори варзишӣ, ки барои машқу тамрини намудҳои гуногун пешбинӣ шудааст, пеш аз ҳама, дар тарғиби тарзи ҳаёти солим байни хонандагон ва омода намудани варзишгарони оянда нақши асосӣ хоҳад дошт.

Дар мактаб ҳамчунин як буғхонаи дорои таҷҳизоти муосири бо ангишт фаъолияткунанда ба истифода дода шудааст, ки дар мавсими сармо тамоми синфхонаҳо бо гармӣ таъмин карда мешаванд.

Дар ҳудуди муассисаи таҳсилоти миёнаи умумии рақами 16, ки 2 гектарро ташкил медиҳад, ҳамзамон дар фазои кушод майдончаҳои муосири варзишӣ, аз қабили футболи хурд, баскетбол, волейбол ва теннис бунёд гардида, барои гузаронидани дарсҳои амалии омодагии ҳарбӣ майдончаи замонавӣ низ сохта шудааст.

Ифтитоҳи бинои Муассисаи таҳсилоти миёнаи умумии рақами 16 дар шаҳри Бохтар 27.10.2021

Октябрь 27, 2021 09:45

Хабарҳои дигари ин бахш

Дар шаҳри Хоруғ корхонаи истеҳсоли ҳасиб бунёд мегардад
ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
35-СОЛАГИИ ИСТИҚЛОЛИ ДАВЛАТӢ. Имсол дар ноҳияи Шамсиддини Шоҳин 41 иншоот ба истифода дода мешавад
Ҳангоми истифодаи хабару маводи сомона истинод ба www.khovar.tj ҳатмӣ аст!
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Дар шаҳри Ҳисор бо иштироки муовини Сарвазири Тоҷикистон иншооти гуногуни ҷашнӣ ба истифода дода шуд
Бахшида ба 35-солагии Истиқлоли давлатӣ дар Кушониён синфхонаҳои иловагӣ ба истифода дода шуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
Дар ноҳияи Шаҳринав бинои нави шуъбаи рентгенӣ ба истифода дода шуд
Тандиси биринҷии чеҳраи Пешвои миллат ба Сарвари давлат Эмомалӣ Раҳмон тақдим гардид
Сарвари давлат Эмомалӣ Раҳмон дар шаҳри Душанбе дар ҳамоиши наврӯзӣ – «Корвони шодӣ» иштирок намуданд
Суханронии Пешвои миллат Эмомалӣ Раҳмон дар маросими баргузории карнавали наврӯзии «Корвони шодӣ» дар шаҳри Душанбе