Сарвари давлат Эмомалӣ Раҳмон аз Филармонияи мардумии ба номи Одина Ҳошим дар ноҳияи Мир Сайид Алии Ҳамадонӣ баъд аз таъмиру навсозӣ боздид намуданд
ДУШАНБЕ, 01.10.2021 /АМИТ «Ховар»/. 1 октябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳраки Москваи ноҳияи Мир Сайид Алии Ҳамадонӣ аз Филармонияи мардумии ба номи Одина Ҳошим, ки пурра таъмиру навсозӣ гардидааст, боздид намуданд.
Муассисаи фарҳангӣ дар асоси нақшаи чорабиниҳои мақомоти иҷроияи ҳокимияти давлатии ноҳияи Мир Сайид Алии Ҳамадонӣ ба муносибати таҷлили бошукӯҳи ҷашни 30-солагии Истиқлолияти давлатӣ бо саҳми соҳибкорони ватанӣ ва шахсони саховатпеша, бо санъати баланди меъмории миллӣ таъмиру навсозӣ гардидааст.
Бо мақсади арҷгузорӣ ба хизматҳои арзишманди Ҳофизи халқии Тоҷикистон шодравон Одина Ҳошим дар рушду нумӯи санъату фарҳанги миллӣ ва эҳтирому қадршиносӣ аз ин шахсияти шинохта бо дастури бевоситаи Пешвои миллат муҳтарам Эмомалӣ Раҳмон Филармонияи мардумӣ ба номи ӯ гузошта шуд.
Бинои муҳташам бо саҳнаи барҳавову курсиҳои бароҳат, ҳуҷраҳои корию ёрирасон барои ҳунармандон ва долони мунаққаш қомат афрохта, ба ҳусни ноҳия зебоии хосса зам кардааст.
Дар як гӯшаи бинои Филармонияи мардумӣ осорхона таъсис ёфта, дар он маҳсули офаридаҳои ҳунарманди зиндаёд Одина Ҳошим, созҳои мусиқӣ, аксҳо аз сафарҳои ҳунарӣ ва либосҳои ӯ ҷамъоварӣ ва ба намоиш гузошта шудаанд. Ҳар нафаре, ки ба ин бино ворид мегардад, нахуст аз осорхона дидан карда, баъдан аз тамошои барномаҳои ҷолибу хотирмони фарҳангӣ ғизои маънавӣ мегирад.
Президенти мамлакат муҳтарам Эмомалӣ Раҳмон ба корҳои анҷомёфта ва шароити муосири фароҳамгардида дар Филармонияи мардумӣ баҳои баланд дода, саҳм ва нақши фарҳангро дар рушди маънавиёт ва ахлоқи ҷомеа, хусусан наврасону ҷавонон бузург арзёбӣ намуданд.
Толори калони бино 210 ҷойи нишаст дошта, дар он барои баргузор кардани барномаҳои гуногуни консертӣ ва маҳфилҳои бошукӯҳи фарҳангӣ шароити арзанда фароҳам оварда шудааст. Минбаъд аҳли санъату фарҳанги ноҳия чорабиниҳои фарҳангиро дар бинои зебою замонавӣ барпо менамоянд.
Айни замон дар Филармонияи мардумии ба номи Одина Ҳошими ноҳияи Мир Сайид Алии Ҳамадонӣ 26 нафар фаъолият доранд, ки бештари онҳо ҳунармандони касбӣ ва ҷавонони боистеъдод мебошанд. Гурӯҳи ҳунармандони Филармонияи мардумӣ аз эҷодиёти устоди санъати тоҷик Одина Ҳошим барномаи рангини консертӣ пешниҳод намуд.
Дар ҳудуди шаҳри Гулистон сохтмони меҳмонхона ва осоишгоҳу марказҳои солимгардонӣ идома доранд
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Пешвои миллат Эмомалӣ Раҳмон пас аз анҷоми сафари корӣ дар Вилояти Мухтори Кӯҳистони Бадахшон ба шаҳри Душанбе баргаштанд
Дар ВМКБ беш аз 1000 иншоот ба истиқболи 35-солагии Истиқлоли давлатӣ мавриди истифода қарор гирифт
Президенти Ҷумҳурии Тоҷикистон Эмомалӣ Раҳмон бо роҳбарон ва фаъолони Вилояти Мухтори Кӯҳистони Бадахшон мулоқот намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ дар тантанаҳои идона ба ифтихори 28-солагии Рӯзи ваҳдати миллӣ иштирок намуданд
Суханронии Президенти Ҷумҳурии Тоҷикистон, Пешвои миллат Эмомалӣ Раҳмон ба ифтихори 28-солагии Рӯзи ваҳдати миллӣ
Сарвари давлат Эмомалӣ Раҳмон дар шаҳри Хоруғ бинои нави истиқоматии 5-ошёна барои хизматчиёни давлатиро мавриди истифода қарор доданд
Пешвои миллат Эмомалӣ Раҳмон дар ҳудуди Парки технологии шаҳри Хоруғ коргоҳҳои истеҳсолии маҳсулоти гӯштӣ ва обҳои табиии ташнашиканро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бо лоиҳаҳои биноҳои истиқоматӣ бо маркази хизматрасонию тиҷоратӣ, таваққуфгоҳи нақлиётӣ, меҳмонхона ва майдончаи варзишии кӯдакон шинос шуданд
Сарвари давлат Эмомалӣ Раҳмон дар шаҳри Хоруғ китобхонаи кӯдаконаи вилоятӣ, китобхонаи шаҳрии ба номи Ҳофизи Шерозӣ ва Маркази рушди зеҳни сунъиро ифтитоҳ намуданд
