Таҳти унвони «Пешво ва оини давлатсозӣ» китоби нав ба нашр расид

Октябрь 22, 2021 08:39

ДУШАНБЕ, 22.10.2021 /АМИТ «Ховар»/. Дар Душанбе таҳти унвони «Пешво ва оини давлатсозӣ» китоби доктори илмҳои ҳуқуқшиносӣ, профессор Абдураҳим Холиқзода ба нашр расид, ки ба фаъолияти созанда ва бунёдкоронаи Президенти Ҷумҳурии Тоҷикистон муҳтарам Эмомалӣ Раҳмон бахшида шудааст, хабар медиҳад АМИТ «Ховар» бо истинод ба Китобхонаи миллии Тоҷикистон.

Профессор Абдураҳим Холиқзода дар ин китоби тозанашр нақши воқеии давлатсозӣ, миллатташаккулдиҳӣ, фарҳангсозӣ ва ваҳдатофарии Пешвои миллати тоҷиконро таҷассум намудааст.

Дар сарсухани китоби мазкур Президенти Академияи миллии илмҳои Тоҷикистон, академик Фарҳод Раҳимӣ чунин навиштааст: «Асаре, ки дар дасти шумост, ба нақши Пешвои муаззами миллат дар бунёд ва таъсиси давлати миллии тоҷикон бахшида шудааст. Муаллиф дар асоси таҳлили маводи мавҷудаи сиёсӣ ва ҳуқуқӣ нақш ва саҳми Президенти Ҷумҳурии Тоҷикистон муҳтарам Эмомалӣ Раҳмонро аз давраи Раиси Шӯрои Олии Ҷумҳурии Тоҷикистон, баъдан ба ҳайси Президенти мамлакат интихоб шуданашон давра ба давра дар заминаи тағйироти мавҷудаи давлатдорӣ ва натиҷаҳои ба дастомада таҳлил намуда, дар раванди давлатсозии миллати тоҷик хулосаҳои амиқи илмӣ ироа менамояд».

Новобаста аз он ки маводи гирдовардаи муаллиф дар давраҳои мухталифи давлатсозии Пешвои миллат иншо шуда, ҷо-ҷо такрорёбии фикру андешаҳо аз ҷанбаҳои гуногун ба назар мерасад, вале дар маҷмӯъ маҳз ҳамин такрорёбиҳо имкон фароҳам меоранд, ки симои воқеии Пешвои давлатсози миллати тоҷик комилтару ҷиддитар дар ҳамбастагӣ бо ҳодисоти таърихӣ ба таври воқеӣ инъикос ва муаррифӣ гардад.

Итминони комил дорем, асар, ки саршори ғояҳои худшиносии сиёсӣ, миллӣ ва маводи таҳлилӣ- илмист, ба мафкураи сиёсӣ ва миллии хонандагон таъсири нек мерасонад.

Октябрь 22, 2021 08:39

Хабарҳои дигари ин бахш

«Маҳмуднома». Таҳти чунин унвон доир ба фаъолияти Ҳомид Маҳмудов китоб ба нашр расидааст
«ТОҶИКОН» ДАР ХОНАДОНИ МАН» . Таҳти чунин унвон дар шаҳри Турсунзода озмуни зеҳнӣ доир шуд
Шоираи Раҳимҷон дар ҷамъбасти Фестивали 5-уми адабии Авруосиёии Лиффт-2021 ҷоизаи «Занон барои сулҳ»-ро соҳиб шуд
Ба сокинони ноҳияи Синои шаҳри Душанбе китоби «Тоҷикон»-и аллома Бобочон Ғафуров тақдим мегардад
Китоби «Пешвои миллат ва сиёсати давлатии забон» ба нашр расид
Туҳфаи арзишманди Пешвои миллат — китоби «Тоҷикон» ба сокинони ноҳияи Фирдавсӣ тақдим карда шуд
Се шоири тоҷик дар Фестивали 5-уми адабии Авруосиёии Лиффт-2021 тариқи онлайн иштирок мекунанд
Доир ба осор ва рӯзгори адибу филмноманависи тоҷик Шераки Ориён китоб бо андешаҳои пажуҳишгарони ватаниву хориҷӣ ба нашр расид
Дар Душанбе даври шаҳрии озмуни «Фурӯғи субҳи доноӣ китоб аст» оғоз гардид
Имрӯз дар Суғд даври вилоятии Озмуни ҷумҳуриявии «Фурӯғи субҳи доноӣ китоб аст» оғоз гардид
Дар Хоруғ даври вилоятии Озмуни ҷумҳуриявии «Фурӯғи субҳи доноӣ китоб аст» ҷамъбаст гардид
Китоби «Тоҷикон» — туҳфаи арзишманди Пешвои миллат ба сокинони ноҳияи Исмоили Сомонии шаҳри Душанбе тақдим мегардад