Зимистони метеорологӣ чист? Дар моҳи ноябр Тоҷикистонро чӣ гуна ҳаво интизор аст?
ДУШАНБЕ, 10.11.2021 /АМИТ «Ховар»/. Ҳангоме, ки ҳарорати миёнаи шабонарӯзӣ ба 0 баробар ва аз 0 пасттар мегардад, онро зимистони метеорологӣ меноманд.
Тавре дар сӯҳбат ба хабарнигори АМИТ «Ховар» муовини директори Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон Ҷамила Байдуллоева гуфт: «зимистони метеорологӣ» истилоҳи марбут ба илми метеорология буда, ин мафҳумро мутахассисони бахши обуҳавошиносӣ дар фаъолияташон истифода менамоянд. Дар мавсими сармо вақте ки ҳарорати миёнаи шабонарӯзӣ ба 0 баробар ва аз 0 пасттар мегардад, онро зимистони метеорологӣ ва ҳангоме, ки ҳарорати миёнаи шабонарӯзӣ аз 0 баланд шавад, онро тобистони метеорологӣ меноманд.
Зимистон дар Тоҷикистон ҳанӯз моҳи октябр дар кӯфта буд
Дар иртибот ба саволи мо ки зимистони метеорологӣ кай ба Тоҷикистон мерасад, Ҷамила Байдуллоева гуфт, ки зимистони метеорологӣ дар минтақаҳои Тоҷикистон ба таври гуногун фаро мерасад. Ҳоло дар баъзе минтақаҳои шимол ва шарқи Тоҷикистон -Бадахшон, аз ҷумла Мурғоб, инчунин Лахш, Сангвор, ағбаҳои қисмати шимоли Тоҷикистон — Анзоб, Шаҳристон ва дар маҷмӯъ, дар баландиҳои беш аз 2000 метр аз сатҳи баҳр мавсими сардӣ ҳукмфармо буда, дар ин минтақаҳои баландкӯҳ ҳанӯз моҳи октябр барф борида буд ва ҳарорати ҳаво -7, -12 ва то -20 дараҷа сард гардид. Аз ин гуфтаҳо бармеояд, ки зимистони метеорологӣ дар минтақаҳои гуногуни Тоҷикистон вобаста ба иқлим ва ҷойгиршавии ҷуғрофӣ дар вақтҳои гуногун меояд.
Моҳи ноябр Тоҷикистонро чӣ гуна ҳаво интизор аст?
Метеорологи тоҷик зикр намуд, ки ҳавои моҳи ноябр дар Тоҷикистон мутобиқи меъёр пешгӯӣ карда мешавад. Дар кӯҳҳо вазъи миёнаи ҳаво аз 1 то 3 дараҷа гарм шуда, дар баландкӯҳҳо боридани барф пешгӯӣ гардида, аз 5 то 10 дараҷа сард мешавад, дар водиҳо борон пешгӯӣ шуда, ҳаво аз 5 то 10 дараҷа гарм мешавад, инчунин дар баъзе қисматҳои кӯҳии водиҳо боридани барф пешгӯӣ мегардад.
Моҳи ноябр дар минтақаҳои баландкӯҳи аз 2500 то 3 000 метр аз сатҳи баҳр баланд, назири Мурғоб, Булункӯл, Сангвор, инчунин ағбаҳои Анзоб ва Шаҳристон, воқеъ дар шимоли Тоҷикистон барф меборад.
Аксҳо АМИТ «Ховар» ва манбаъҳои боз
Ҳамкории Тоҷикистон ва Иттиҳоди Аврупо дар самти ҳуқуқи инсон тақвият меёбад
СОЛИ ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ. Доир ба масоили ҳувияти миллӣ ва амнияти давлат ҳамоиши илмӣ баргузор шуд
Оид ба татбиқи нақшаи амали Стратегияи миллии фаъолгардонии нақши занон дар Тоҷикистон конференсия доир шуд
Дар Институти геология, сохтмони ба заминҷунбӣ тобовар ва сейсмология Маркази мониторинги сейсмикӣ ба истифода дода шуд
Намояндагони Сафорати Тоҷикистон дар Федератсияи Русия бо донишҷӯёни тоҷик вохӯрӣ намуданд
Дар Душанбе масъалаи ифлосшавии ҳавои атмосферӣ дар мамлакат баррасӣ гардид
Дар Тоҷикистон барои беҳтар намудани хизматрасонии тиббӣ иқдоми нав амалӣ мегардад
Тоҷикистону Чин дар бахши тандурустӣ Ёддошти ҳамкории сеҷониба ба имзо расониданд
«БАҲОРИ ҶАВОНӢ — НАВРӮЗИ ҶАҲОНӢ». Дар вилояти Суғд Фестивали ҷумҳуриявии дӯстии ҷавонон оғоз гардид
МАСЪУЛИЯТ БАРОИ ТАЪЛИМУ ТАРБИЯИ КӮДАК. Судяҳои ноҳияи Фирдавсӣ бо волидону хонандагон вохӯрӣ намуданд
Дар Душанбе оид ба нақши занон дар эҳёи суннатҳои наврӯзӣ форуми байналмилалӣ баргузор гардид
Байни Тоҷикистон ва Узбекистон дар соҳаи таҳсилоти касбӣ Ёддошти тафоҳум ба имзо расонида шуд
