Ҳаҷми сармоягузорӣ ба фонди асосӣ дар Тоҷикистон 28% афзоиш ёфт

ДУШАНБЕ, 29.11.2021 /АМИТ «Ховар»/. Дар даҳ моҳи соли ҷорӣ дар Тоҷикистон аз тамоми манбаъҳои молӣ беш аз 11,3 миллиард сомонӣ (зиёда аз 1 миллиард доллар) сармоягузорӣ ба фондҳои асосӣ истифода шудааст, ки нисбат ба ҳамин давраи соли гузашта 28% бештар аст. Дар ин бора хабаргузории avesta.tj хабар медиҳад.

Дар гузориш бо истинод ба маълумоти Агентии омори назди Ҳукумати Ҷумҳурии Тоҷикистон гуфта мешавад, ки дар тӯли ин муддат барои бунёди иншооти истеҳсолӣ ба маблағи беш аз 5,7 миллиард сомонӣ ё 50,6% сармояҳо аз худ карда шудаанд.

Дар объектҳои ғайриистеҳсолӣ ба маблағи зиёда аз 56 млрд сомонӣ ё ин ки 49,4% аз ҳаҷми умумии сармояҳо дар кишвар аз худ карда  шудааст.

Дар сохтмони объектҳои энергетикӣ зиёда аз 3,2 миллиард сомонӣ аз худ карда шудааст. Ҳаҷми сармоягузорӣ дар сохтмони иншооти энергетикӣ нисбат ба моҳҳои январ-октябри соли 2020 8,4 фоиз кам гардидааст.

Дар самти нақлиёт ва алоқа зиёда аз 1,2 миллиард сомонӣ сармоя аз фонди асосӣ аз худ карда шудааст.

АКС аз манбаъҳои боз