«КОБАЛТ-2021». Дар пойгоҳи саҳроии «Фахробод» машқҳои тактикӣ оғоз ёфтанд

Ноябрь 18, 2021 16:00

ДУШАНБЕ, 18.11.2021 /АМИТ «Ховар»/. 17 ноябр дар машқгоҳи саҳроии «Фахробод»-и ноҳияи Хуросон маросими кушодашавии машқҳои тактикӣ зери унвони «Кобалт-2021» дар мавзӯи «Банақшагирӣ ва гузаронидани амалиёти махсус барои нест кардани гурӯҳҳои мусаллаҳи ғайриқонунӣ» бо иштироки воҳидҳои таъйиноти махсуси Вазорати корҳои дохилӣ ва қувваҳои зудамали фаврии  давлатҳои Созмони Аҳдномаи амнияти дастҷамъӣ баргузор гардид, хабар медиҳад АМИТ «Ховар» бо истинод ба Вазорати корҳои дохилӣ.

Дар маросими ифтитоҳи машқҳои махсуси тактикии «Кобалт-2021» муовини Вазири корҳои дохилии Ҷумҳурии Тоҷикистон, генерал-майори хизмати дохилӣ Нозим Иброҳимзода иброз дошт, ки мақсад аз баргузори ин гуна тамринҳои мақсаднок вобаста ба пешгирии амалҳои ҷинояткорона дар ҳудуди кишварҳои аъзо, инчунин дар ҳамкории зич қарор гирифтани мақомоти қудратии кишварҳо мебошад. Зикр кардан ба маврид аст, ки дар ин гуна тамринҳо миёни иштирокчиёни табодули таҷриба гузаронида мешавад.

Дар машқҳои мазкур намояндагони ҷумҳуриҳои Тоҷикистон, Арманистон, Беларус, Қазоқистон, Қирғизистон, Федератсияи Русия ва намояндагони аъзои СААД иштирок доранд.

Пас аз садо додани сурудҳои миллии кишварҳои аъзо гузашти низомӣ сурат гирифт.

Мавриди зикр аст, ки машқҳои мазкур дар машқгоҳи саҳроии «Фахробод» то 19 ноябр идома ёфта, аз ҷараёни он иловатан иттилоъ дода мешавад.

АКСҲО: ВКД ҶТ

Ноябрь 18, 2021 16:00

Хабарҳои дигари ин бахш

САФ КАШЕМ АЗ ҲАМА ҶО БАҲРИ ДИФОЯТ, МЕҲАН. Эҳдо ба Рўзи Қувваҳои Мусаллаҳи Тоҷикистон
31 СОЛИ ПУР АЗ МАТОНАТУ ҶОННИСОРӢ. Хизматчиёни ҳарбии Қувваҳои Мусаллаҳи Тоҷикистон рисолати хешро дар назди давлат ва миллат сарбаландона иҷро мекунанд
АФСАРОНУ САРБОЗОНИ БОНАНГУ НОМУСИ ВАТАН –ИФТИХОРИ МО! Ҳифзи сарзамини аҷдодӣ вазифаи муқаддас аст
Дар Бадахшон занон-модарон ба дидорбинии фарзандон – сарбозони Ватан рафтанд
«ВАТАНПАРВАР». Дар Хатлон озмуни ҳарбӣ-ватандӯстӣ ҷамъбаст гардид
Дар ноҳияи Исмоили Сомонии пойтахт бахшида ба Рўзи Қувваҳои Мусаллаҳи Тоҷикистон ҳамоиши идона доир шуд
СИПОС БА МУҲОФИЗОНИ ВАТАН. Дар Донишкадаи давлатии фарҳанг ва санъати Тоҷикистон бахшида ба Рӯзи Қувваҳои Мусаллаҳ барномаи фарҳангӣ доир шуд
31-СОЛАГИИ ТАЪСИСИ ҚУВВАҲОИ МУСАЛЛАҲ. Сарбозони Ватан баҳри ҳифзу дифои ҳар пора замину ҳар зарра хоки Тоҷикистон ҷони худро дареғ намедоранд
Бахшида ба 31-солагии Қувваҳои Мусаллаҳи Тоҷикистон байни кормандони вазорату идораҳо мусобиқаҳои варзишӣ оғоз шуданд
Дар шаҳри Гулистон бахшида ба 31-солагии Қувваҳои Мусаллаҳ конференсияи илмӣ-амалӣ баргузор шуд
«ВАТАНПАРВАР». Дар Файзобод даври сеюми озмуни минтақавӣ гузаронида шуд
Бахшида ба Рӯзи Қувваҳои Мусаллаҳи Тоҷикистон бо афсарзанон ҳамоиш доир гардид