Дар ҷаласаи Шӯрои Маҷлиси намояндагон Қонуни Ҷумҳурии Тоҷикистон «Дар бораи парандапарварӣ» баррасӣ гардид
ДУШАНБЕ, 22.11.2021 /АМИТ «Ховар»/. Имрӯз таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода ҷаласаи навбатии Шӯрои Маҷлиси намояндагон баргузор гардид, ки дар он лоиҳаи Қонуни Ҷумҳурии Тоҷикистон «Дар бораи парандапарварӣ» мавриди баррасӣ қарор гирифт, иттилоъ медиҳад АМИТ «Ховар» бо истинод ба маълумоти котиби матбуоти Маҷлиси намояндагон Муҳаммадато Султонов.
Зимни баррасии масъалаи мазкур раиси кумитаи Маҷлиси намояндагон оид ба масъалаҳои аграрӣ, захираҳои об ва замин Рустам Латифзода иброз намуд, ки дар доираи амалисозии барномаҳои давлатии рушди соҳаи парандапарварӣ ва додани имтиёзҳо миқдори корхонаҳои парандапарварӣ соли 2021 дар кишвар ба 194 адад расида, дар онҳо зиёда аз 10,5 млн сар паранда парвариш карда мешаванд. Дастгирии давлатии соҳа имконият дод, ки парандапарварӣ ба яке аз соҳаи асосӣ ва афзалиятнок дар таъмини амнияти озуқавории кишвар табдил ёфта, дар ҳалли масъалаҳои иҷтимоию иқтисодии деҳот саҳми калон гузорад.
Бо дарназардошти дар раванди такмили қонуни амалкунанда мушаххас кардани мафҳумҳо, бартараф кардани мухолифат дар таълифи меъёрҳо, принсипҳо, объект ва субъектҳои соҳаи парандапарварӣ, дастгирии давлатии соҳа, ваколатҳои мақомоти ваколатдори давлатӣ дар соҳаи парандапарварӣ ва самтҳои фаъолияти он аз нисф зиёд ворид намудани тағйиру иловаҳо Қонуни Ҷумҳурии Тоҷикистон «Дар бораи парандапарварӣ» дар таҳрири нав пешниҳод шудааст.
Лоиҳаи Қонун аз 4 боб ва 17 модда иборат мебошад. Мақсади лоиҳаи қонун мутобиқгардонии фаъолияти соҳа ба талаботи қонунгузории навини Ҷумҳурии Тоҷикистон ва аз байн бардоштани монеаҳо дар танзими фаъолияти устувори соҳа мебошад.
Лоиҳаи Қонуни мазкур ба талаботи моддаҳои 12 ва 13-и Конститутсияи Ҷумҳурии Тоҷикистон, моддаҳои 31, 34, 38 ва 42-и Қонуни Ҷумҳурии Тоҷикистон «Дар бораи санадҳои меъёрии ҳуқуқии Ҷумҳурии Тоҷикистон» мухолифат надошта, амалӣ намудани он аз буҷети давлатӣ маблағгузории иловагӣ талаб наменамояд.
Дар ҷаласаи Шӯро ҳамчунин лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи таҳсилоти иловагӣ» мавриди баррасӣ қарор гирифт.
АКС: МН МО ҶТ
Ба Қонуни Ҷумҳурии Тоҷикистон «Дар бораи Бонки миллии Тоҷикистон» тағйироту илова ворид гардид
Раиси Маҷлиси намояндагони Маҷлиси Олии Ҷумҳурии Тоҷикистон бо Президенти Ҷумҳурии Узбекистон мулоқот намуд
Вакилони Маҷлиси намояндагони Тоҷикистон дар ҷаласаи муштараки комиссияҳои доимии Ассамблеяи байнипарлумонии ИДМ иштирок намуданд
Ба Қонуни Ҷумҳурии Тоҷикистон «Дар бораи пешгирии зӯроварӣ дар оила» тағйиру иловаҳо ворид карда шуд
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
Муовини Раиси Маҷлиси намояндагон бо Роҳбари Хазинаи кӯдакони Созмони Милали Муттаҳид дар Тоҷикистон мулоқот намуд
Дар Душанбе мулоқоти вакилони Парлумони Тоҷикистон бо намояндагони Туркманистон баргузор шуд
Вакили Парлумон дар ҷаласаи комиссияи назоратию буҷетии Ассамблеяи байнипарлумонии Иттиҳоди Давлатҳои Мустақил ба таври фосилавӣ иштирок намуд
Раиси Маҷлиси намояндагони Маҷлиси Олии Ҷумҳурии Тоҷикистон бо Пешвои миллии халқи туркман-Раиси Халқ Маслиҳатии Туркманистон мулоқот анҷом дод
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Пешвои миллии халқи туркман, Раиси Халқ Маслиҳатии Туркманистон Гурбонгулӣ Бердимуҳамедов мулоқот намуданд
Ҷаласаи Шурои коршиносон оид ба экология ва идоракунии захираҳои табиӣ дар Ассамблеяи байнипарлумонии мамлакатҳои Иттиҳоди Давлатҳои Мустақил доир шуд
ҲАМОВОЗӢ. Дар Парлумон оид ба мулоқоти Президенти Тоҷикистон бо фаъолон, намояндагони ҷомеа ва ходимони дин ҳамоиш доир гардид
