Дар Душанбе ҷаласаи 14-уми вазирони корҳои хориҷии Форуми ҳамкории Осиёи Марказӣ ва Ҷумҳурии Корея оғоз гардид
ДУШАНБЕ, 30.11.2021 /АМИТ «Ховар»/. Имрӯз, 30 ноябр дар шаҳри Душанбе дар чаҳорчӯби раёсати Ҷумҳурии Тоҷикистон Форуми 14-уми ҳамкории кишварҳои Осиёи Марказӣ ва Ҷумҳурии Корея бо ҳузури вазирони корҳои хориҷии кишварҳои Осиёи Марказӣ ва Ҷумҳурии Корея баргузор мегардад. Дар ин бора мухбири АМИТ «Ховар» хабар медиҳад.
Дар кори Форум вазирони корҳои хориҷии Ҷумҳурии Тоҷикистон Сироҷиддин Муҳриддин, Ҷумҳурии Қирғизистон Руслан Казакбаев, Ҷумҳурии Корея Чон Ий Ён, муовини Раиси Девони вазирон, Вазири корҳои хориҷии Туркманистон Рашид Мередов, Вазири корҳои хориҷии Ҷумҳурии Узбекистон Абдулазиз Комилов, муовини Вазири корҳои хориҷии Ҷумҳурии Қазоқистон Марат Сиздиков иштирок доранд.
Интизор меравад, ки дар Форуми мазкур роҳбарони ҳайатҳо масъалаҳои ҳамкории судманди кишварҳои Осиёи Марказӣ ва Ҷумҳурии Кореяро бо дарназардошти пайомадҳои ҳамагирӣ, инчунин равандҳои минтақавӣ ва ҷаҳонӣ баррасӣ намоянд.
Ҳамчунин иштирокдорон номзадии Директори нави Котиботи Форумро тасдиқ намуда, нақшаи кории котиботро барои соли 2022 қабул менамоянд.
Дар интиҳои Форум Изҳороти муштараки вазирони корҳои хориҷии кишварҳои узви Форум қабул мешавад.
Ёдовар мешавем, ки 29 ноябр дар Душанбе нахустин Анҷумани соҳибкории кишварҳои Осиёи Марказӣ ва Ҷумҳурии Корея таҳти роҳбарии Палатаи савдо ва саноати Ҷумҳурии Тоҷикистон ва ҳузури маҷозии роҳбарони палатаҳои савдо ва саноат, доираи соҳибкорони кишварҳои иштироккунанда ҷиҳати баррасии ҳамкории иқтисодӣ, тиҷоратӣ ва ҷалби сармоя баргузор гардид.
Нишасти мазкур дар чаҳорчӯби раёсати Ҷумҳурии Тоҷикистон дар Форуми 14-уми ҳамкории кишварҳои Осиёи Марказӣ ва Ҷумҳурии Корея танзим шуд.
Иштирокдорон имконияти ҳамкории байниминтақавиро муаррифӣ намуда, дар мавриди таҳкими робитаҳои сармоягузорию татбиқи лоиҳаҳои муштарак дар соҳаҳои авлавиятнок бо истифода аз зарфияти фаровони мутақобилаи истифоданашуда табодули афкор намуданд.
Натиҷаи нахустин Анҷумани мазкур ба фаъолияти Шӯрои соҳибкорони палатаҳои савдо ва саноати кишварҳои иштирокдор (санади ҳамкорӣ аз 29 июни 2020) саҳм хоҳад гузошт.
АКС: АМИТ «Ховар»
Сафири Тоҷикистон бо донишҷӯёни тоҷик дар шаҳри Вена мулоқот намуд
Намояндаи Тоҷикистон дар чорабинии канорӣ оид ба таҳкими ҳамкорӣ барои тавонмандсозии занон дар Ню-Йорк иштирок намуд
Ҳамкории Тоҷикистону Туркия дар доираи созмонҳои байналмилалӣ ва минтақавӣ баррасӣ гардид
Сироҷиддин Муҳриддин бо Сафири Чин дар Тоҷикистон мулоқот намуд
Сафири Тоҷикистон дар Форуми иқтисодии Берлин 2026 иштирок намуд
Дурнамои рушди ҳамкории Тоҷикистон ва Хазинаи нуфус ва рушди Созмони Милали Муттаҳид баррасӣ шуд
Ҳамкорӣ байни Тоҷикистон ва Дафтари Созмони Милали Муттаҳид оид ба масоили ҳуқуқӣ баррасӣ гардид
Намояндаи доимии Тоҷикистон бо муовини Котиби кулли Созмони умумиҷаҳонии обуҳавошиносӣ мулоқот намуд
Давлатшоҳ Гулмаҳмадзода бо роҳбарони ҷамъиятҳои тоҷикон дар шимолу ғарби Русия вохӯрӣ намуд
Сафири Тоҷикистон бо Губернатори вилояти Ленингради Русия мулоқот намуд
Сафири Тоҷикистон дар Русия бо ҷавонон ва донишҷӯёни тоҷик дар шаҳри Санкт-Петербург мулоқот намуд
Дар Женева дурнамо ва рушди ҳамкорӣ байни Тоҷикистон ва Созмони умумиҷаҳонии моликияти зеҳнӣ баррасӣ шуд
