Дар полки таъйинотӣ ва идоракунии Вазорати мудофиаи Тоҷикистон 200 нафар савганди ҳарбӣ ёд намуданд
ДУШАНБЕ, 09.11.2021 /АМИТ «Ховар»/. Гурӯҳи беш аз 200-нафараи наваскароне, ки зимни даъвати тирамоҳӣ ба ҳайати ҷузъу томи низомии қӯшунҳои мусаллаҳ шомил гардиданд, пас аз омӯзиши курси кӯтоҳмуддати наваскарӣ, аз худ намудани тартибу низом ва талаботу қоидаҳои рӯзмараи хизмати ҳарбӣ дар полки таъйинотӣ ва идоракунии Вазорати мудофиа савганди ҳарбӣ ёд намуданд.
Дар ҷамъомад чун оини ҳарвақтаи низомиён нахуст байрақи ҷангии қисми низомӣ вориди майдон гардида, сипас Суруди миллии Ҷумҳурии Тоҷикистон, ки ваҳдату якдилӣ ва осоиштагии миллатро дар худ таҷассум мекунад, садо дод.
Ҳайати шахсии наваскарони дар саф буда ҳар як ба назди афсарони масъули ҷузъу томҳои қисмҳои ҳарбӣ баромада, барои садоқат ба халқу ватан ва баҳри муҳофизати ҳар порча хоки марзу буми аҷдодӣ савганди ҳарбӣ ёд намуданд.
Дар ҷараёни баргузории ҳамоиш масъулин аз Вазорати мудофиа, роҳбарияти қисми низомӣ ва падару модарон наваскаронро бо ин рӯзи фаромӯшнашавандаи ҳаёташон табрик намуда, ба онҳо баҳри хизмати софдилона ба ватани азизу маҳбуб муваффақият таманно намуданд. Наваскарон дар назди ҳозирин бо аҳди ҷавонмардона иброз доштанд, ки софдилонаву содиқона ба халқу ватан хизмат намуда, дастоварду музаффарияти даврони 30 соли соҳибистиқлолии Тоҷикистони азизро муҳофизат менамоянд.
Ҳайати шахсии сарбозони Ротаи қаравули фахрии Полки таъминотӣ ва идоракунии Вазорати мудофиа дар доираи як самти фаъолият ва уҳдаориҳои ҳарбии хеш платс консерт ва ҳаракатҳои мавзуни низомӣ намоиш дода, ба чорабинии идонаи наваскарони қисми ҳарбӣ шукӯҳи дигаре зам карданд.
Шаҳлои САДРИДДИН,
Тоҳирҷон САИД,
АМИТ «Ховар»
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
