Филми коргардони тоҷик Румӣ Шоазимов дар кинофестивали «Бурҷи тиллоӣ» муаррифӣ мешавад
ДУШАНБЕ, 24.11.2021 /АМИТ «Ховар»/. Филми «Хаёлпарастони музофотӣ»-и коргардони ҷавони тоҷик Румӣ Шоазимов дар барномаи озмуни VII Фестивали байналмилалии кино «Бурҷи тиллоӣ» ширкат мекунад. Дар ин бора Румӣ Шоазимов ба мухбири АМИТ «Ховар» иттилоъ дод.
Фестивали VII байналмилалии кино “Бурҷи тиллоӣ” аз 29 ноябр то 4 декабр, пас аз танаффуси яксола бар асари пандемияи коронавирус дар соли 2020 дар Ҷумҳурии Ингушетия баргузор мешавад. Муаллифони идеяи баргузории он муовини раиси Иттифоқи кинематографистони Русия, ҳунарпешаи халқӣ Клим Лаврентев мебошад. Ҷоизаи асосии фестивал — нусхаи тиллоии майдакардаи бурҷи асримиёнагии ингушҳо мебошад”- гуфт коргардон дар суҳбат.
Филмҳое, ки дар фестивал ширкат мекунанд, бадеӣ ва ҳуҷҷатӣ мебошанд, ки дар ду жанр- кӯтоҳ ва пурра ба навор гирифта шудаанд. Ҳамчунин дар доираи фестивали кино дар вилоят намоиши анъанавии филмҳои ройгон ва филмҳои тасвирӣ барои кӯдакон баргузор мешавад.
Маросими ифтитоҳи фестивал 29 ноябр баргузор мешавад.
Ёдовар мешавем, ки нахустин фестивали кинои «Бурҷи тиллоӣ» тирамоҳи соли 2014 дар Ингушетия баргузор шуда буд. Соли 2018 дар ин фестивал беш аз 50 филм аз Русия, Қазоқистон, Беларус, Исроил, Эрон, Қирғизистон ва Узбекистон ширкат карданд.
АКС аз манбаъҳои боз
Таҳти унвони «Меандешам пас ҳастам» намоиши осори Рассоми халқии Тоҷикистон Сӯҳроб Қурбонов оғоз гардид
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
