ФУТБОЛ. Имрӯз дастаҳои мунтахаби наврасони Тоҷикистон ва Узбекистон рақобат мекунанд
ДУШАНБЕ, 23.11.2021 /АМИТ «Ховар»/. Имрӯз дар Варзишгоҳи марказии ҷумҳуриявии шаҳри Душанбе, соати 15:00 бозии дастаи мунтахаби Тоҷикистон бо ҳамсолонашон аз Узбекистон дар даври ҷамъбастии Чемпионати Ассотсиатсияи футболи Осиёи Марказӣ миёни наврасони то 15-сола баргузор мегардад, иттилоъ медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Дар даври дуюми Чемпионати Ассотсиатсияи футболи Осиёи Марказӣ дастаи мунтахаби наврасони то 15-солаи Тоҷикистон бо ҳамсолонашон аз Эрон бо ҳисоби 1:1 мусовӣ бозӣ карданд. Ба голи задаи Алӣ Раҳмоннажоди эронӣ футболбози дастаи мунтахаби наврасони Тоҷикистон Абубакр Сулаймонов бо гол ҷавоб дод.
Бозии дигари давр миёни дастаҳои мунтахаби наврасони Қирғизистон ва Тоҷикистон низ бо ҳисоби 2:2 мусовӣ анҷом ёфт буд. Баъд аз натиҷагирии ду даври чемпионат дастаҳои мунтахаби наврасони Тоҷикистон ва Эрон бо 4-холӣ пешсафанд.
Ёдовар мешавем, ки Чемпионати Ассотсиатсияи футболи Осиёи Марказӣ миёни наврасони то 15-сола тибқи системаи даврӣ дар як давр баргузор мешавад. Дастае, ки холҳои бештар ба даст меорад, ғолиб мегардад.
Чемпионати CAFA-2021 миёни дастаҳои мунтахаби наврасон (U-15)
Даври 1-ум
ТОҶИКИСТОН – Қирғизистон – 5:0
Голҳо: Абубакр Сулаймонов, 5 (1:0). Абубакр Сулаймонов, 11 (2:0). Амирхон Ҷалолов, 47 – аз пеналтӣ (3:0). Азиз Зарифӣ, 70 (4:0). Билол Бобоев, 78 (5:0).
Узбекистон – Эрон – 2:3
Даври 2-юм
Эрон – ТОҶИКИСТОН – 1:1
Голҳо: Алӣ Раҳмоннажод, 7 (1:0). Абубакр Сулаймонов, 17 – аз пеналтӣ (1:1).
Қирғизистон – Узбекистон – 2:2
| Б | Ғ | М | Б | Т-Т | Х | ||
| 1 | ТОҶИКИСТОН | 2 | 1 | 1 | 0 | 6-1 | 4 |
| 2 | Эрон | 2 | 1 | 1 | 0 | 4-3 | 4 |
| 3 | Узбекистон | 2 | 0 | 1 | 1 | 4-5 | 1 |
| 4 | Қирғизистон | 2 | 0 | 1 | 1 | 2-7 | 1 |
Даври 3-юм
23 ноябр (сешанбе)
12:00. Эрон – Қирғизистон
15:00. ТОҶИКИСТОН – Узбекистон
АКС: ФФТ
Оид ба арзёбии таъсири маҳфузгоҳҳои партовҳои уранӣ ба муҳити зист конфронс доир шуд
Намояндагони Китобхонаи миллии Тоҷикистон дар конфронси байналмилалии онлайнӣ иштирок намуданд
Ҳайати Шурои байнидавлатии ҳолатҳои фавқулода бо Маҷмааи «Кохи Наврӯз» ва Осорхонаи миллии Тоҷикистон шинос шуд
Бахшида ба 80-солагии Шоири халқии Тоҷикистон Гулназар Келдӣ маҳфили адабӣ баргузор гардид
Байни АМИТ «Ховар» ва Донишгоҳи миллии Тоҷикистон шартномаи ҳамкорӣ ба имзо расид
Дар ноҳияи Рӯдакӣ даври минтақавии Озмуни ҷумҳуриявии «Илм-фурӯғи маърифат» оғоз ёфт
Сокинони ноҳияи Шаҳринав соҳиби туҳфаи Президенти Тоҷикистон-«Шоҳнома»-и Абулқосим Фирдавсӣ мегарданд
МАХЗАНИ ДОНИШ ДАР ҲАР ХОНАДОН. Ба 63 ҳазор оилаи ноҳияи Рӯдакӣ асари безавол — «Шоҳнома» тақдим мегардад
Ҳайати фарҳангии ИДМ бо ёдгориҳои нодири таърихии миллати тоҷик шинос шуд
Ҳайати парлумонии Иттиҳоди Аврупо дар Осорхонаи миллии Тоҷикистон бо тамаддуни қадимии тоҷикон шинос шуд
Байни Тоҷикистон ва Қазоқистон ҳамкории илмӣ дар соҳаҳои фалсафа, сиёсатшиносӣ, ҳуқуқ ва дин баррасӣ гардид
Дар Душанбе ҷаласаи XXXX Шурои ҳамкории фарҳангии Иттиҳоди Давлатҳои Мустақил баргузор гардид
