ФУТЗАЛ. Дастаи «Соро компания» барандаи Ҷоми Тоҷикистон-2021 оид ба футзал гардид

Ноябрь 9, 2021 11:15

ДУШАНБЕ, 09.11.2021 /АМИТ «Ховар»/. Дастаи «Соро компания»-и шаҳри  Душанбе барандаи Ҷоми Тоҷикистон-2021 оид ба футзал гардид. Ин даста дар бозии ниҳоӣ дастаи футзали «Сипар»-и  шаҳри Хуҷандро бо ҳисоби 4:2 мағлуб кард, иттилоъ медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.   

Бозии ниҳоии дастаҳо  дар маҷмааи варзиши Кумитаи андози Тоҷикистон дар шаҳри Душанбе бо ҳузури 1000 тамошобин  ҷолиб баргузор гардид. Ду голи Файзалӣ Сардоров, инчунин голҳои Бахтиёр Солиев ва Муҳаммад Шарипов ба дастаи  «Соро компания»-и шаҳри Душанбе дар бозии ҳалкунандаи Ҷоми Тоҷикистон-2021 пирӯзӣ оварданд. Ба ин тартиб, дастаи  футзали «Соро компания»-и шаҳри Душанбе  бо роҳбарии сармураббӣ Пайрав Воҳидов дар мавсими имсола ҳамаи се мукофотро соҳиб шуд. Пеш аз Ҷоми Тоҷикистон ин даста Суперҷом ё Ҷоми олии кишвар ва Ҷоми Лигаи касбии футзалро соҳиб шуда буд.

Дар маросими ҷоизасупорӣ ба дастаи ғолиб ва финалисти Ҷоми Тоҷикистон-2021 инчунин ба беҳтаринҳо ҷоизаҳо тақдим гардиданд. Фирӯз Бекмуродов аз дастаи «Сипар»  беҳтарин дарвозабон, Сиёвуш Қаюмов аз дастаи «Вавилон» беҳтарин нишонзан ва Муҳаммад Шарипов аз дастаи «Соро компания»  беҳтарин бозингар дониста шуданд.

Ҷоми Тоҷикистон-2021 оид ба футзал

Финал

«Сипар» – «Соро компания» – 2:4

Голҳо: Умед Кузиев, 4 (1:0). Файзалӣ Сардоров, 8 (1:1). Рустам Ҳамидов, 22 (2:1). Бахтиёр Солиев, 28 (2:2). Муҳаммад Шарипов, 31 (2:3), Файзалӣ Сардоров, 40 (2:4).

                                                            АКС: Федератсияи футболи Тоҷикистон

Ноябрь 9, 2021 11:15

Хабарҳои дигари ин бахш

ФУТБОЛ. Тоҷикистон дар марҳилаи интихобии қуръакашии Ҷоми Осиё-2023 иштирок мекунад
Дастаи «Хуҷанд» бо медалҳои нуқраи Лигаи олии Тоҷикистон-2021 сарфароз гардонида шуд
ФУТБОЛ. Нозим Бобоҷонов ва Нуриддин Давронов ба дастаҳои «Ал-Аҳлӣ»-и Баҳрайн ва «Персита»-и Индонезия гузариш намуданд
АҲСАН! Алишер, Файзалӣ, Далер, Лайло ва Эҳсон — беҳтарин бозингарони соли 2021 эътироф гардиданд
Дар қуръакашии Ҷоми Осиё-2022 мунтахаби Тоҷикистон (U-23) шомили сабади чорум шуд
ФУТБОЛ. Беҳтаринҳои Лигаи олӣ дар соли 2021 соҳиби ҷоиза мегарданд
АҲСАН! Дастаи «Соро компания» бо медалҳои тилло қадрдонӣ гардид
Дар Душанбе Конгресси шашуми КАФА баргузор гардид
Бозингарони дастаи «Хуҷанд» пас аз ғалаба бар дастаи «Истиқлол» Ҷоми Тоҷикистон-2021-ро болои сар бардоштанд
ФУТБОЛ. Имрӯз дастаҳои «Истиқлол» ва «Хуҷанд» дар даври ниҳоии Ҷоми Тоҷикистон-2021 рақобат мекунанд
ФУТБОЛ. Имрӯз дар Хуҷанд пеш аз бозии финалии Ҷоми Тоҷикистон-2021 нишасти хабарӣ доир шуд
Пагоҳ бозии финалии Ҷоми Тоҷикистон-2021 миёни дастаҳои «Истиқлол»-и Душанбе ва «Хуҷанд»-и Хуҷанд доир мешавад