ХОНА-МУЗЕЙИ САДРИДДИН АЙНӢ КӮЧОНИДА НАМЕШАВАД. Шарҳи мақомоти иҷроияи ҳокимияти давлатии шаҳри Душанбе

Ноябрь 19, 2021 11:50

ДУШАНБЕ, 19.11.2021. /АМИТ «Ховар»/. Тибқи дастури Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ Хона-музейи адиб, олим, сардафтари адабиёти муосири тоҷик, аввалин Президенти Академияи илмҳо ва Қаҳрамони Тоҷикистон — Садриддин Айнӣ, воқеъ дар кӯчаи Ҳамза Ҳакимзодаи ноҳияи Исмоили Сомонии шаҳри Душанбе бартараф карда нашуда, нигоҳдошти минбаъдаи он таъмин карда мешавад, иттилоъ медиҳад АМИТ «Ховар» бо истинод ба шуъбаи иттилооти дастгоҳи Раиси шаҳри Душанбе.

Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо пешниҳоду дархостҳо ва ибрози андешаи як зумра олимону нависандагони кишвар дар робита ба кӯчонидани Хона-музейи Устод Айнӣ таваҷҷуҳ намуда, дастур доданд, ки хона-музей  аз байн бурда  нашавад.

Ҳамчунин ба сохторҳои дахлдор супориш додаанд, ки атрофи осорхона ободу зебо нигоҳ дошта шуда, мунтазам корҳои сабзкориву гулзоркунӣ амалӣ карда шаванд, зеро он макони таърихӣ буда,  устод Айнӣ се соли охири ҳаёти худро дар ҳамин манзил гузаронида будааст.

Ёдовар мешавем, ки Осорхонаи адабии Садриддин Айнӣ соли 1978 бахшида ба 100-солагии сардафтари адабиёти муосири тоҷик бунёд гардидааст. Осорхона аз якчанд толор ва бойгониву маҷлисгоҳ иборат буда, ҳар яке тартиб ва вазифаи хешро дорад. Инчунин дар осорхонаи мазкур осори устод Садриддин Айнӣ, ки ба 30 забони дунё тарҷума шудаанд ва асарҳои адибоне, ки ҳаёту эҷодиёти устодро таҷассум кардаанд, нигоҳ дошта мешаванд.

АКС аз бойгонии АМИТ «Ховар»

Ноябрь 19, 2021 11:50

Хабарҳои дигари ин бахш

Ғолибони Ҳафтаи илм, технология, инноватсия ва ихтироъкории наврасону ҷавонони шаҳри Душанбе ва беҳтарин сомонаҳои инноватсионӣ муайян шуданд
Дар ноҳияи Фирдавсии пойтахт корхонаи истеҳсолии «АРЧА» ва гулгашти нав ба истифода дода шуд
БАРФИ АВВАЛ ДАР ДУШАНБЕ. Тамошои бориши он аз паси оина таскинбахш буда, ҳаловати тасвирношуданӣ дорад
63 нафар ғолибони даври шаҳрии Озмуни «Фурӯғи субҳи доноӣ китоб аст» ба даври ҷумҳуриявӣ роҳхат гирифтанд
«Эмомалӣ Раҳмон – Пешвои маҳбуби тоҷикон ва Президенти сулҳофар» — бардошт аз таҷлили Рӯзи Президент дар шаҳри Душанбе
Имрӯз Ҳафтаи илм, технология, инноватсия ва ихтироъкории наврасону ҷавонони шаҳри Душанбе оғоз мешавад
ХОНА-МУЗЕИ АЙНӢ БА ҶОИ МУНОСИБ КӮЧОНИДА МЕШАВАД. Шарҳи Мақомоти иҷроияи ҳокимияти давлатии шаҳри Душанбе
Бо қарори Раиси шаҳри Душанбе Рӯзи Президент дар пойтахт дар сатҳи баланди ташкилӣ таҷлил мешавад
Нархи роҳкирои воситаҳои нақлиёти мусофиркаш дар Душанбе баланд шуд
Ҳафтаи илм, технология, инноватсия ва ихтироъкории наврасону ҷавонони шаҳри Душанбе баргузор мегардад
Ба сокинони ноҳияи Синои шаҳри Душанбе китоби «Тоҷикон»-и аллома Бобочон Ғафуров тақдим мегардад
ИМРӮЗ – РӮЗИ УМУМИҶАҲОНИИ ШАҲРСОЗӢ. Дар Душанбе муассисаҳои таълимии замонавӣ бунёд мегарданд