Ютта Урпилайнен: Иттиҳоди Аврупо барои мардуми Афғонистон ва кишварҳои ҳамсоя 1 миллиард евро ҷудо мекунад
ДУШАНБЕ, 23.11.2021. /АМИТ «Ховар»/. Иттиҳоди Аврупо (ИА) барои мардуми Афғонистон ва кишварҳои ҳамсоя, аз ҷумла Тоҷикистон дар доираи бастаи дастгирӣ 1 миллиард евро ҷудо мекунад. Дар ин бора дирӯз дар Душанбе зимни изҳороти матбуотӣ пас аз музокирот бо Вазири корҳои хориҷии Тоҷикистон Сироҷиддин Муҳриддин Комиссари Иттиҳоди Аврупо оид ба ҳамкории байналмилалӣ Ютта Урпилайнен роҷеъ ба Афғонистон изҳор дошт, хабар медиҳад мухбири АМИТ «Ховар».
«Мо як бастаи дастгириро таҳия карда истодаем, ки 1 миллиард евроро барои мардуми Афғонистон ва кишварҳои ҳамсоя ташкил медиҳад ва ин баста аз чанд ҷузъ иборат хоҳад буд», — гуфт ӯ ба ҷамъи хабарнигорон.
Ба таъкиди номбурда, ҷузъи якум фарогири кумаки башардӯстонаест, ки 300 миллион евроро ташкил медиҳад, ҷузъи дуюм муносибати башардӯстона плюс мебошад, ки бевосита ба эҳтиёҷоти асосӣ ва воситаҳои зиндагии мардум дар Афғонистон бидуни эътироф ё қонунияти Толибон ё ҷалби сохторҳои ҳукуматӣ расидагӣ мекунад. Ҷузъи сеюм дастгирии минтақаро пешбинӣ мекунад.
Вобаста ба ҳамкории дуҷониба Ютта Урпилайнен эълон дошт, ки ба Тоҷикистон барои 4 соли оянда дар самти рушди ҳамкорӣ ё худ шарикии дуҷониба 91 миллион евро ҷудо хоҳад шуд.
«Ин маблағ бо маблағҳо барои давраи солҳои 2025-2027 пас аз тафсири миёнамуҳлат тақрибан соли 2024 ҷиҳати дастрасӣ ба пешрафт пурра карда мешавад», — зикр намуд Комиссари Иттиҳоди Аврупо оид ба ҳамкории байналмилалӣ.
Дар идома ӯ ҳамкории дуҷониба бо ҳукумат, ҷомеаи шаҳрвандӣ, бахши хусусӣ ва дигар шариконро ёдовар гардида, гуфт, ки якҷо машваратҳои зиёд анҷом дода шудаанд.
«Мо якҷоя се самти афзалиятнокро муайян кардем, ки дар давоми солҳои оянда асосан ба онҳо тамаркуз хоҳем кард, ки инҳо иқтисоди сабз ва рақамии фарогир; рушди инсон; захираҳои табиӣ, идора, самаранокӣ ва устуворӣ мебошанд», — такъид кард Ютта Урпилайнен.
Бо дахли барномаи минтақавӣ барои Осиёи Марказӣ ӯ тазаккур дод, ки илова бар ин, Тоҷикистон метавонад аз ин барнома низ судманд бошад.
«Мо барои Осиёи Марказӣ ду афзалият дорем, ки асосан ба онҳо сармоягузорӣ мекунем. Инҳо аввалан устуворӣ, фарогирии об, энергия, ҳуқуқи инсон, занон ва тавонмандӣ, волоияти қонун, ҷомеаи шаҳрвандӣ, сулҳу субот ва сониян шукуфоӣ, пайвасти рақамии ҳукумат, соҳибкорӣ, тиҷорати минтақавӣ ва рушди инсон мебошанд», — гуфт дар фарҷом Комиссари Иттиҳоди Аврупо оид ба ҳамкории байналмилалӣ.
Ёдовар мешавем, ки ноиби Президенти Комиссияи Аврупо, Намояндаи олии Иттиҳоди Аврупо оид ба сиёсати хориҷӣ ва амният Ҷозеп Боррелл ва Комиссари Иттиҳоди Аврупо оид ба ҳамкории байналмилалӣ Ютта Урпилайнен барои иштирок дар ҷаласаи 17-уми вазирони корҳои хориҷии кишварҳои Осиёи Марказӣ ва Иттиҳоди Аврупо, ки 22 ноябр дар шаҳри Душанбе баргузор гардид, ба Тоҷикистон омаданд.
АКСҲО: АМИТ «Ховар»
Тоҷикистон ва Швейтсария омодагӣ ба Конфронси ҷонибҳои аҳдкунандаи Конвенсияи Женеваро баррасӣ намуданд
Тоҷикистон барои беҳтарин манзараҳои табиат дар Осиё дар Top Asia Corporate Ball 2024 соҳиби ҷоизаи бонуфуз гардид
Тоҷикистон ва Хорватия ҳамкориро дар доираи созмонҳои байналмилалӣ матраҳ намуданд
Сарвазири Тоҷикистон бо Вазири корҳои хориҷӣ ва умури Аврупоии Ҷумҳурии Хорватия мулоқот намуд
Дар Сеул имконияти сайёҳии Тоҷикистон рӯнамоӣ гардид
ДУШАНБЕ-ШАҲРИ ДИЛБАНДИ БА ҶОН ПАЙВАНДИ МО. Суратгузориши АМИТ «Ховар» аз навсозии хиёбони Исмоили Сомонии пойтахт манзур мегардад
Сарвазири Тоҷикистон бо Вазири барномарезӣ, рушди иқтисодӣ ва ҳамкории байналмилалии Миср мулоқот намуд
Намояндагони Тоҷикистон дар шаҳри Риёз дар Саммити об иштирок намуданд
Тоҷикистон барои мусоидат ба фаъолияти минбаъдаи Созмони ҳамкории иқтисодӣ омода аст
Тоҷикистон ва Эрон робитаҳоро дар соҳаҳои гуногун тавсеа мебахшанд
Давлатҳои аъзои Созмони ҳамкории иқтисодӣ барои иштирок дар Конфронси байналмилалии ҳифзи пиряхҳо ба Душанбе даъват гардиданд
«ҶАШНИ МЕҲРГОН» ВА «САНЪАТИ СОХТУ НАВОХТАНИ РУБОБ». Тоҷикистон ин номинатсияҳои муштаракро ба Феҳристи мероси ғайримоддии башарият пешниҳод намуд
