Масъалаҳои таъмини ҳифзи сирри давлатӣ дар ҷаласаи Комиссияи байниидоравӣ баррасӣ шуданд
ДУШАНБЕ, 04.11.2021. /АМИТ «Ховар»/. Имрӯз дар шаҳри Душанбе ҷаласаи Комиссияи байниидоравӣ оид ба масъалаҳои ҳифзи сирри давлатӣ дар Ҷумҳурии Тоҷикистон баргузор гардид, хабар медиҳад АМИТ «Ховар» бо истинод ба Саридораи ҳифзи сирри давлатии назди Ҳукумати Ҷумҳурии Тоҷикистон.
Ҷаласаи мазкур бо ташаббуси Саридораи ҳифзи сирри давлатӣ ҷиҳати иҷрои Фармони Президенти Ҷумҳурии Тоҷикистон аз 25 августи соли 2020 доир карда шуд.
Комиссияи мазкур бо мақсади роҳадозӣ намудани иқдомҳои якҷоя ва ташкили фаъолияти ҳамоҳанги вазорату идораҳо дар самти ҳифзи сирри давлатӣ ва ҳифзи техникии иттилоот таъсис дода шудааст.
Дар ҷаласаи Комиссия муовинони якум ва муовинони роҳбарони вазорату идораҳо, ки ба ҳайати Комиссияи байниидоравӣ оид ба масъалаҳои ҳифзи сирри давлатӣ шомиланд, иштирок намуда, паҳлуҳои гуногуни назариявӣ ва илмию амалии таъмини ҳифзи сирри давлатӣ ва ҳифзи техникии иттилоотро дар замони муосир мавриди таҳлилу баррасӣ қарор доданд.
Бо дарназардошти муҳимияти пешгирии ифшои сирри давлатӣ дар матбуоти даврӣ ва дигар воситаҳои ахбори омма иҷрои Қонуни Ҷумҳурии Тоҷикистон аз 26 декабри соли 2011 «Дар бораи нусхаи ҳатмии ҳуҷҷатҳо» ва Қарори Ҳукумати Ҷумҳурии Тоҷикистон аз 31 августи соли 2012 «Дар бораи номгўйи гирандагони нусхаҳои ҳатмии ройгони ҳуҷҷатҳо» аз ҷониби аъзои Комиссия мавриди баррасӣ қарор гирифт.
Дар ҷараёни баргузории ҷаласаи Комиссия якчанд лоиҳаи санадҳои меъёрии ҳуқуқӣ, ки ҷиҳати танзими ҳуқуқии масъалаҳои мухталифи соҳаи сирри давлатӣ ва ҳифзи техникии иттилоот равона гардидаанд, мавриди муҳокима қарор дода шуданд.
Ҳамзамон доир ба масъалаҳои омода кардани кадрҳои соҳа, такмили савияи касбии кормандон, таъминоти моддию техникӣ ва методии соҳа бо дарназардошти таҷрибаи байналмилалӣ табодули афкор сурат гирифт.
Аз натиҷаи баргузории ҷаласаи Комиссия дар самтҳои сирри давлатӣ ва ҳифзи техникии иттилоот таклифу пешниҳодҳои мушаххас манзур гардиданд, ки дар фаъолияти амалии мақомоти давлатӣ ва ташкилот мавриди истифода қарор мегиранд.
АКСҲО: Саридораи ҳифзи сирри давлатӣ
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
НИШАСТИ МАТБУОТӢ. Дар шаш моҳи соли 2026 сатҳи ҷинояткорӣ байни ноболиғон ва ҷавонон зиёд шудааст
