Муовини котиби Шӯрои амнияти Русия доир ба таҳдидҳо аз Афғонистон ба Тоҷикистон изҳори назар намуд
ДУШАНБЕ, 22.11.2021 /АМИТ «Ховар»/. Вазъият дар Афғонистон таҳдидҳои нави миқёсӣ ба вуҷуд меорад. Дар ин бора муовини котиби Шӯрои амнияти Федератсияи Русия Александр Гребенкин дар суҳбат бо рӯзномаи ҳукуматии «Российская газета» хабар дод.
Ба гуфтаи ӯ, бад шудани вазъият дар ҷумҳурӣ дар пасманзари «камбизоат шудани аҳолӣ ва таъқиботи ғайриқонунӣ алайҳи шаҳрвандони ин кишвар» сурат мегирад.
«Ин гуна ҳолат хатари ҳақиқии афзоиш ёфтани миқёси қочоқи маводи мухаддир, аслиҳа ва муҳоҷирати назоратнашавандаро ба вуҷуд меорад», -таъкид медорад Гребенкин.
Ӯ зикр намуд, ки ин ҳолат ҳамчунин ба «шахсоне, ки идеологияи радикалӣ ва таҷрибаи амалиёти низомӣ доранд», низ дахл дорад.
Террористони афғон метавонанд ба Осиёи Марказӣ ва сипас ба ҳудуди Русия ворид шаванд, чунин меҳисобад намояндаи Шӯрои амнияти ФР.
Ба ақидаи Гребенкин, барои ба Русия ҳамла кардан ҷангҷӯён аз қитъаи сарҳади Русияву Қазоқистон истифода хоҳанд кард.
Масъалаи андешидани тадбирҳои зарурӣ барои танзими вазъияти дохилии Афғонистонро иштирокчиёни нишасти котибони Шӯрои амнияти кишварҳои узви ИДМ муфассал баррасӣ намуданд.
Гребенкин зикр намуд, ки кишварҳо баъди ба сари давлат омадани толибон вазъро хеле бодиққат пайгирӣ менамоянд.
«Мутаассифона, он (вазъият дар Афғонистон,-эзоҳи идора) имкони хушбин буданро намедиҳад», -хотима намуд ӯ.
Қаблан котиби Шӯрои амнияти ФР Николай Патрушев зикр намуда буд, ки агар ҳокимияти кунунӣ вазъиятро дар кишвар ба эътидол наорад, ба Афғонистон хатари сар задани ҷанги шаҳрвандӣ таҳдид мекунад.
АКС: photoxpress
Бо мақсади пешгирии садамаҳои нақлиётӣ бо иштироки мошинҳои боркаш Гурӯҳи кории байниидоравӣ таъсис дода шуд
ИМРӮЗ-РӮЗИ КОРМАНДОНИ МАҚОМОТИ СУДӢ. Дар Суди Олӣ Конфронси Созмони судяҳои Ҷумҳурии Тоҷикистон баргузор гардид
Оид ба такмили қонунгузорӣ дар самти муқовимат ба савдои одамон конференсия доир шуд
Дар шаҳри Ваҳдат ва ноҳияи Файзобод нақшаи даъвати ҷавонон ба хизмати ҳарбӣ пурра иҷро гардид
Дар шаҳри Панҷакент нақшаи даъвати тирамоҳии ҷавонон ба хизмати ҳарбӣ иҷро шуд
Дар Ҳисор нақшаи даъвати тирамоҳии ҷавонон ба сафи Артиши миллӣ пурра иҷро гардид
Прокурори генералии Тоҷикистон бо Сафири Давлати Кувайт дар Ҷумҳурии Тоҷикистон мулоқот намуд
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
