Намояндагони корхонаҳои нассоҷӣ ва дӯзандагии Тоҷикистон ба Туркия сафар карданд
ДУШАНБЕ, 01.11.20212 /АМИТ «Ховар»/. Имрӯз намояндагони корхонаҳои нассоҷӣ ва дӯзандагии Тоҷикистон барои омӯзиши таҷриба, барқарор кардани робитаҳои нави тиҷоратӣ дар минтақа ва роҳандозии ҳамкорӣ ба Туркия сафар намуданд, хабар доданд ба АМИТ «Ховар» аз Маркази тиҷорати байналмилалӣ дар Тоҷикистон.
Сафари мазкур бо ибтикор ва пешбурди Маркази тиҷорати байналмилалӣ дар чаҳорчӯбаи Барномаи ҷаҳонии нассоҷӣ ва дӯзандагӣ (GTEX) созмон дода шудааст. Туркия яке аз истеҳсолкунанда ва содироткунандаи бузургтарини маҳсулоти нассоҷӣ дар ҷаҳон бо таърихи куҳани соҳа маҳсуб мешавад.
Ҳайати Тоҷикистон аз роҳбарон ва намояндагони 12 корхонаи нассоҷӣ ва дӯзандагӣ, ду ширкати консалтингӣ, Иттифоқи рушди бахши хусусии Тоҷикистон ва Вазорати саноат ва технологияҳои нави Ҷумҳурии Тоҷикистон иборат буда, ҳадаф аз сафар шиносоии намояндагони соҳаи нассоҷӣ ва дӯзандагии Тоҷикистон бо занҷираи арзиши иловашудаи соҳаи нассоҷӣ дар минтақаҳои Истанбул ва Бурса мебошад.
Интизор меравад, ки роҳбарони ширкатҳои тоҷик бо ҳамтоёни турк робитаҳои нави тиҷоратӣ барқарор намуда, бозори ашёи хому фазои фурӯшгоҳҳои чаканаи маҳсулоти соҳаро меомӯзанд. Онҳо ҳамчунин доир ба масъалаҳо ва сиёсатгузориҳои соҳавӣ дар Туркия, ба мисли молиёт ва андоз, тартиби содироту воридот, дастрасӣ ба маблағгузорӣ ва пуштибонии давлат аз соҳа маълумот мегиранд. Вохӯриҳо бо иттиҳодияҳои соҳавӣ барои эҷоди ҳамкорӣ дар оянда замина фароҳам хоҳад овард.
Илова бар ин, ҳайати Тоҷикистон аз ширкатҳои истеҳсолии Туркия боздид ба амал оварда, бо технология ва равандҳои истеҳсолии ин корхонаҳо шинос мешавад ва таҷрибаи онҳоро меомӯзад. Боздид ва шиносоӣ бо марказҳои тиҷоратӣ ва фурӯшгоҳҳои чакана низ дар нақша аст.
Ҳамчунин ба роҳ мондани ҳамкорӣ миёни иттиҳодияҳо ва ниҳодҳои хизматрасони тиҷоратии Тоҷикистон ва Туркия баррасӣ мешавад.
Инчунин соҳибкорони ду кишвар дар дидорҳои дуҷонибаи тиҷоратӣ (B2B) ҳамкорӣ дар масъалаҳои гуногун, аз ҷумла эҳтимоли бунёди ширкатҳои муштаракро баррасӣ хоҳанд кард.
Сафари омӯзишии намояндагони корхонаҳои нассоҷӣ ва дӯзандагии Тоҷикистон то 6 ноябр идома меёбад.
Акс аз бойгонии АМИТ «Ховар»
Самтҳои стратегии Маркази ҳамкории бисёрҷониба оид ба маблағгузории рушд барои солҳои 2027-2031 муаррифӣ гардид
ТАҲКИМИ БЕХАТАРИИ САНОАТӢ ВА РУШДИ УСТУВОР. Эҳдо ба 35-солагии Истиқлоли давлатии Тоҷикистон
Кишоварзони Тоҷикистон имсол кишти такрориро аз нақша барзиёд иҷро намуданд
Дар Тоҷикистон ҷамъоварии пахта бо маром идома дорад
Дар Корея рушди инноватсия ва технологияҳои рақамӣ дар Тоҷикистон муаррифӣ карда шуд
Дар Сеул байни КВД «Роҳи оҳани Тоҷикистон» ва Корпоратсияи роҳи оҳани Корея Шартномаи ҳамкорӣ ба имзо расонида шуд
35 СОЛИ ИСТИҚЛОЛ — 35 СОЛИ ШУКУФОӢ БО НЕРУГОҲИ БАРҚИ ОБИИ «РОҒУН». Таҳти чунин унвон чорабинии тантанавӣ баргузор гардид
Оид ба дастовардҳои соҳаи энергетикаи Тоҷикистон филми мустанад ба навор гирифта шуд
35 СОЛИ ИСТИҚЛОЛ. Дар Тоҷикистон беш аз 100 ҳазор гектар замин ба аҳолии мамлакат тақсим карда шуд
Дар Сеул байни вазоратҳои саноати Тоҷикистон ва Ҷумҳурии Корея Ёддошти тафоҳум ба имзо расонида шуд
Ширкати «LONGi»-и Чин барои бунёди неругоҳҳои офтобӣ дар Тоҷикистон сармоягузорӣ менамояд
Байни Вазорати молияи Тоҷикистон ва Бонки аврупоии таҷдид ва рушд Ёддошти тафоҳум ба имзо расонида шуд
