Прокуратураи генералӣ: Давлятовҳо ба ҳабс гирифта шуданд
ДУШАНБЕ, 02.11.2021. /АМИТ «Ховар»/. Прокуратураи генералии Ҷумҳурии Тоҷикистон Давлятова Азиза Турсуновнаро бо ҷурми суиқасди одамкушӣ ва Давлятов Лутфулло Давляталиевичро бо гуноҳи азобу уқубат ба ҳабс гирифт. Дар ин бора аз Прокуратураи генералӣ ба АМИТ «Ховар» хабар доданд.
Прокуратураи генералӣ муроҷиати шаҳрванд Алимова Зулфияро оид ба бо ҷароҳати вазнини ҷисмонӣ ба Муассисаи давлатии «Шифобахш»-и шаҳри Душанбе (Қарияи боло) бистарӣ шудани духтараш Мамаҷонова Мадина Амоновна, ки тавассути воситаҳои ахбори омма ба Президенти Ҷумҳурии Тоҷикистон, Раиси Маҷлиси миллии Маҷлиси Олии Ҷумҳурии Тоҷикистон ва Прокурори генералии Ҷумҳурии Тоҷикистон пешниҳод шуда буд, мавриди баррасӣ қарор дод.
Тибқи иттилои манбаъ, маводи қаблан санҷидашуда аз воҳиди тафтишотии мақомоти ҳифзи ҳуқуқ талаб карда, омӯхта, ба пешбурди Раёсати тафтиши парвандаҳои ҷиноятии махсусан муҳими Прокуратураи генералӣ қабул карда шуд. Аз натиҷаи он нисбат ба Давлятова Азиза Турсуновна бо қисми 3, моддаи 32, қисми 1 моддаи 104 (суиқасди одамкушӣ) КҶ Ҷумҳурии Тоҷикистон ва шавҳараш Давлятов Лутфулло Давляталиевич бо банди “в” қисми 2, моддаи 117 (азобу уқубат) КҶ Ҷумҳурии Тоҷикистон парвандаи ҷиноятӣ оғоз гардида, номбурдагон ба ҳабс гирифта шуданд.
Зикр карда шуд, ки айни ҳол тафтиши парвандаи ҷиноятӣ идома дорад.
Ёдовар мешавем, ки дирӯз Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо роҳбарони мақомоти ҳифзи ҳуқуқи шаҳр ва бо иштироки Раиси Суди шаҳри Душанбе ҷаласа доир намуданд. Дар он масъалаи рафти тафтишоти пешакӣ ва корҳои анҷомдодашуда аз рӯи ҳодисаи ҷароҳати ҷисмонӣ бардоштани шаҳрванд Мадина Мамадҷонова баррасӣ гардид.
Раиси шаҳр ба мақомоти ҳифзи ҳуқуқ дастур доданд, ки барои тафтиши ҳаматарафаю шаффофи парвандаи ҷиноятӣ тадбир андешанд.
АКС аз бойгонии АМИТ «Ховар»
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
