Соҳибкорони Суғд ва Красноярск хостори таъсиси корхонаҳои муштараки коркарди маҳсулоти кишоварзӣ шуданд

Ноябрь 25, 2021 15:02

ДУШАНБЕ, 25.11.2021. /АМИТ «Ховар»/. Дар вилояти Суғд қариб 700 корхонаи саноатӣ фаъолият дошта, дар ин корхонаҳо 200 номгӯй маҳсулот истеҳсол мегарданд. Ин нукта дар вохӯрии Раиси вилояти Суғд Раҷаббой Аҳмадзода бо Президенти Палатаи савдо ва саноати Сибири Марказӣ Рафаел Шагиев ва гурӯҳи соҳибкорон аз кишвари Красноярски Федератсияи Русия баён гардид, иттилоъ доданд аз Хадамоти матбуоти Раиси вилояти Суғд ба АМИТ «Ховар».

Зимни вохӯрӣ зикр шуд, ки дар соҳаи кишоварзӣ низ имконият барои тавсеаи ҳамкорӣ фаровон буда, ҳарду тараф метавонанд бо ташкили корхонаҳои муштарак коркарди маҳсулоти хоҷагии қишлоқро ба роҳ монанд.

Ҳамчунин таъкид гардид, ки бо сиёсати пешгирифтаи сарони давлатҳо Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи Русия муҳтарам Владимир Путин равобит миёни минтақаҳои ҳарду кишвар дар ҳоли рушд буда, вилояти Суғд дар асоси созишномаҳои дуҷониба бо якчанд минтақаҳои Русия, аз ҷумла Оренбург, Саратов, Астрахан, Иваново, Свердловск, Нижегород, Алтай ва Ҷумҳурии Доғистон ҳамкории пурсамар дорад.

Тазаккур дода шуд, ки маҳсулоти тару тозаи Тоҷикистон дар Русия серхаридор аст ва доираҳои соҳибкории ҳарду минтақа метавонанд барои содироти меваи хушку тар, маҳсулоти пахтагин, консерва, обҳои нӯшокӣ тарҳҳои нав амалӣ созанд. Вилояти Суғд барои воридсозии чӯбу тахта, ғалла ва дигар маҳсулот ҳавасманд аст.

Рафаел Шагиев аз истиқболи самимӣ изҳори сипос карда, иброз дошт, ки дар ин сафар ӯро гурӯҳи соҳибкорон ҳамроҳӣ доранд. Соҳибкорони рус давоми чанд рӯз аз корхонаҳои саноатии вилояти Суғд боздид карда, барои густариши робитаҳо аз имконияти мавҷуда истифода хоҳанд кард.

Ёдовар мешавем, ки пас аз мулоқот дар меҳмонхонаи «Суғдиён» ҳамоиши доираҳои соҳибкории вилояти Суғд ва кишвари Красноярск оғоз ёфт. Тоҷирон доир ба имконияти мавҷуда ва роҳҳои рушди ҳамкорӣ миёни ҳам гуфтугӯ менамоянд.

Аксҳо аз Хадамоти матбуоти Раиси вилояти Суғд

Ноябрь 25, 2021 15:02

Хабарҳои дигари ин бахш

Дар Душанбе рушди ҳамкорӣ дар соҳаи сайёҳӣ бо Созмони озуқаворӣ ва кишоварзии СММ баррасӣ гардид
Оид ба идоракунии зиддибуҳронӣ ва ҷустуҷӯи механизмҳои бартарафсозии он конференсияи байналмилалӣ баргузор шуд
Дар ҳамоиши байналмилалии илмӣ-амалӣ дар Душанбе олимон ҳолати кунунии пиряхҳоро дар шароити баландшавии ҳарорат баррасӣ намуданд
Ҳайати доираҳои тиҷоратии Ҷумҳурии Корея ба вилояти Хатлон сафар намуд
Бонки ҷаҳонӣ барои ҷалби маблағҳои иловагӣ дар соҳаи тандурустии Тоҷикистон тадбирҳоро амалӣ менамояд
Масъалаҳои муҳими марбут ба таҳкими ҳамкории тиҷоратию иқтисодӣ дар доираи СПЕКА баррасӣ шуданд
Ҳайати 60-нафараи доираҳои сармоягузории Корея ба Тоҷикистон омад
БАТР барои ташкилотҳои қарзии молиявии Тоҷикистон барномаи омӯзишии «Gender Intellingence» ба роҳ мемонад
НБО «Помир-1»-и ноҳияи Шуғнон ба давраи зимистон пурра омода мебошад
Озмуни «Маҳсулот ва хизматрасонии беҳтарин дар Ҷумҳурии Тоҷикистон» ҷамъбаст гардид
Дар Тоҷикистон беш аз 393 ҳазор тонна пахта ҷамъоварӣ гардидааст
Вазирони энергетикаи Тоҷикистон ва Русия масъалаи содироти маҳсулоти нафту газро баррасӣ намуданд