Ёвари Мудири кулли ЮНЕСКО ба нақши Тоҷикистон ҳамчун кишвари ташаббускор дар масъалаҳои глобалии об баҳои баланд дод
ДУШАНБЕ, 12.11.2021 /АМИТ «Ховар»/. 11 ноябр дар шаҳри Париж дар ҳошияи иҷлосияи 41-уми Конфронси генералии Созмони Милали Муттаҳид оид ба масъалаҳои маориф, илм ва фарҳанг (ЮНЕСКО) вохӯрии Вазири корҳои хориҷии Ҷумҳурии Тоҷикистон, Раиси Комиссияи миллии Ҷумҳурии Тоҷикистон оид ба корҳои ЮНЕСКО Сироҷиддин Муҳриддин бо Ёвари Мудири кулли ЮНЕСКО оид ба илмҳои табиӣ хонум Шамила Наир-Бедуэлле доир гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар ҷараёни мулоқот мавзӯъҳои умдаи рӯзномаи ҷаҳонӣ роҷеъ ба об ва иқлим баррасӣ шуда, Сироҷиддин Муҳриддин бо изҳори сипос ҳамкории судманди ЮНЕСКО-ро дар ин бахшҳо зикр кард. Ҷониби Тоҷикистон ҳамзамон аз намояндаи ЮНЕСКО ҷиҳати ҳамкории Созмон дар баргузории Конфронси байналмилалии сатҳи баланд оид ба татбиқи Даҳсолаи байналмилалии амал “Об барои рушди устувор, 2018-2028” дар соли 2022 дар шаҳри Душанбе ва пайгирии ташаббусҳои Президенти Ҷумҳурии Тоҷикистон нисбат ба масъалаи обшавии пиряхҳо даъват ба амал овард.
Дар навбати худ хонум Шамила Наир-Бедуэлле аз ҳамкориои самаранок бо Тоҷикистон изҳори миннатдорӣ намуда, нақши Тоҷикистонро ҳамчун кишвари ташаббускор дар масъалаҳои глобалии об баҳои баланд дод.
Намояндаи ЮНЕСКО омодагии ин ниҳоди бонуфузро барои дастгирии минбаъдаи ҳамаи чорабиниҳои ба нақша гирифташуда дар масъалаҳои глобалии вобаста ба об, ки бо ташаббуси Тоҷикистон гузаронида мешаванд, иброз дошт.
АКС: ВКХ ҶТ
Дар Душанбе намоишгоҳи хайриявӣ баргузор гардид
Ҳайати Тоҷикистон дар иҷлосияи 68-уми Комиссияи Созмони Милали Муттаҳид оид ба маводи мухаддир иштирок намуд
Ҳамкории Тоҷикистон дар доираи Машварати ҳамкорӣ ва тадбирҳои боварӣ дар Осиё баррасӣ шуд
Дар Вена дурнамои рушди ҳамкории Тоҷикистону Австрия дар соҳаҳои сиёсӣ баррасӣ гардид
Сироҷиддин Муҳриддин бо дабири кулли Созмони амният ва ҳамкорӣ дар Аврупо Фаридун Синирлиоғлу мулоқот намуд
Дар Вена масъалаҳои рушди ҳамкории Тоҷикистону Гурҷистон баррасӣ гардиданд
Ҳамкории Тоҷикистон ва Созмони озуқаворӣ ва кишоварзии Созмони Милали Муттаҳид баррасӣ гардид
Тоҷикистон ва Маҷористон Ёддошти тафоҳум оид ба бурсияҳои солҳои 2026–2028-ро ба имзо расониданд
Вазирони корҳои хориҷии Тоҷикистон ва Финляндия мулоқот намуданд
Сироҷиддин Муҳриддин дар мулоқоти вазирони корҳои хориҷии кишварҳои Осиёи Марказӣ ва Аврупои Шимолӣ иштирок намуд
Масоили рушди робитаҳои дуҷонибаи Тоҷикистон ва Швейтсария баррасӣ гардид
Сироҷиддин Муҳриддин дар нишасти 32-юми Шурои вазирони корҳои хориҷии САҲА иштирок намуд
