Дар Роғун ду гармхонаи замонавӣ ба истифода дода шуданд
РОҒУН, 14.12.2021 /АМИТ «Ховар»/. Бахшида ба 30-солагии Истиқлолияти давлатии Ҷумҳурии Тоҷикистон дар Ҷамоати шаҳраки Оби Гарми шаҳри Роғун аз ҳисоби фонди Оғохон ба маблағи 124,4 ҳазор сомонӣ ду гармхонаи замонавӣ бо дарозии 20-метрӣ ба истифода дода шуданд, ки айни замон дар онҳо помидор, бодиринг, кашнизу шибит ва дигар намуди сабзавот парвариш ёфта истодаанд, иттилоъ дод мутахассиси шуъбаи рушди иҷтимоӣ ва робита бо ҷомеаи мақомоти иҷроияи ҳокимияти давлатии шаҳри Роғун Шоира Раҷабалиева ба хабарнигори АМИТ «Ховар».
Зикр шуд, ки дар асоси нақшаи Мақомоти иҷроияи ҳокимияти давлатии шаҳри Роғун аз 1 декабри соли 2021 ҷиҳати муайян намудани захираи маводи озуқа ва барои дар ҳаҷми зарурӣ захираву нигоҳдорӣ намудани маводи ғизоӣ, сӯзишворӣ ва таъмири кӯчаю маҳаллаҳо, хонаҳои истиқоматии шаҳрвандон барои давраи тирамоҳи солҳои 2021 ва 2022 гурӯҳи корӣ таъсис дода шудааст.
Гурӯҳи корӣ захираи маводи ғизоӣ, сӯзишворӣ, таъмири хонаю бинои аҳолии шаҳр, захираи маводи озуқаи ташкилоту муассисаҳо, анбори хоҷагиҳои деҳқонӣ ва нуқтаҳои савдоро санҷид.
Мувофиқи маълумоти гурӯҳи корӣ, имрӯзҳо дар ҳудуди шаҳри Роғун 880,4 тонна орд, 52,6 тонна равған, 50,9 тонна биринҷ, 49,2 тонна шакар, 1637,3 тонна картошка, 201,7 тонна пиёз, 161,8 тонна сабзӣ ва 205115 қуттии шартӣ консерваҳо захира гардидаанд.
Ҳамчунин барои дар сатҳи баланд гузаронидани зимистони дарпешистода сокинони ҷамоатҳои шаҳраку деҳоти шаҳр 7374,2 тонна ангишт, 11884,3 м3ҳезум ва 4501 тонна хӯроки чорво захира намудаанд.
АКСҲО: АМИТ «Ховар»
Сулҳу субот, ваҳдат ва оромӣ бо иродаи сиёсӣ ва нақши таърихии Президенти Тоҷикистон таъмин гардид
Рӯзи Истиқлолияти давлатиро дар Донишкадаи кӯҳию металлургии Тоҷикистон пуршукуҳ ҷашн гирифтанд
Дар Суди конститутсионӣ бахшида ба Истиқлоли давлатӣ ҷаласаи тантанавӣ баргузор шуд
Истиқлол мазҳари идеалу ормонҳои таърихии мардуми тоҷик аст
Дар Кӯлоб бо ҷавонон ва фаъолони ҳизб вохӯрӣ баргузор гардид
Ба ифтихори 34-солагии Истиқлоли давлатӣ дар ҷамоатҳои шаҳраку деҳоти ноҳияи Рашт барномаҳои идона доир карда шуданд
ИСТИҚЛОЛ — МАЗҲАРИ ИФТИХОР ВА САРФАРОЗИИ ТОҶИКОН. Доир ба он дар Маркази миллии патенту иттилоот ҳамоиши идона баргузор гардид
Дар бораи нақши Пешвои миллат дар таҳкими Истиқлоли давлатӣ ҳамоиши идона доир шуд
Дар Вазорати адлия Рӯзи Истиқлолияти давлатиро ҷашн гирифтанд
«МАН — НАСЛИ ИСТИҚЛОЛ». Стипендияи байналмилалии Президенти Ҷумҳурии Тоҷикистон «Дурахшандагон» имкони беҳтарин барои таҳсил аст
«ДУШАНБЕ — МУАРРИФУ ТАҲКИМБАХШИ АРЗИШҲОИ СОҲИБИСТИҚЛОЛӢ». Бардошт аз ҳамоиши илмӣ-адабӣ
