Дар шаҳри Кӯлоб ярмарка-фурӯши ангишт доир шуд
ДУШАНБЕ, 15.12. 2021 /АМИТ «Ховар»/. Имрӯз дар шаҳри Кӯлоб ярмарка-фурӯши ангишт доир шуд, хабар доданд ба АМИТ «Ховар» аз маркази матбуоти мақомоти иҷроияи ҳокимияти давлатии шаҳри Кӯлоб.
Сокинони ҷамоату деҳоти шаҳри Кӯлоб аз субҳи барвақт ба ярмарка-фурӯш омада, бо нархи дастрас ин маводи сӯхтро харидорӣ карда истодаанд.
Ангишти хушсифати ватанӣ дар ҳаҷми 300 тонна тариқи 11 нақлиёти боркаш ба шаҳри Кӯлоб дирӯз, 14 декабр бо ташаббуси Вазорати саноат ва технологияи нави Ҷумҳурии Тоҷикистон ворид гардид.
Дар ярмарка корхонаҳои истеҳсолии ангишти КФ Шахтаи «Фон-Яғноб», КФ «КА Зиддӣ», ҶСК «Ангишт», ҶСК «Ангишти Камароб», ҶДММ «Вена», ҶДММ «Тако Ресурс» ва ҶДММ «Комбинати металлургии тоҷик» маҳсулоти худро бо нархи хеле арзон- аз 50 то 80 дирам барои як килограмм пешниҳоди сокинон намуданд.
Вазорати саноат ва технологияҳои нав бо мақсади иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон оид ба таъмини талаботи аҳолии мамлакат бо ангишт дар давраи зимистони солҳои 2021-2022, инчунин ҷиҳати ба танзим даровардани нархи ин намуди маводи сӯхт дар бозори истеъмолӣ ярмарка-фурӯши ин маҳсулотро ба роҳ мондааст.
Чунин ярмаркаҳо имконият медиҳанд, ки сокинон барои сипарӣ намудани зимистони имсола миқдори зарурии маводи сӯхтро бо нархи чанд маротиба арзон харидорӣ намуда, захира намоянд.
АКС: мақомоти иҷроияи ҳокимияти давлатии шаҳри Кӯлоб
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
Дар вилояти Суғд ба фаъолони соҳаҳо мукофотҳои давлатии Ҷумҳурии Тоҷикистон супорида шуд
Имрӯз дар баъзе ноҳияҳои Тоҷикистон борони кӯтоҳмуддат меборад
ДАР ПАЙРАВӢ БА ИҚДОМИ ПЕШВОИ МИЛЛАТ. Ба хонандагони ятими шаҳри Роғун либоси мактабӣ ва лавозимоти хониш тақдим гардид
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
