Ҷамила Лангарӣ дар нишасти роҳбарони хадамоти давлатии бойгонии ИДМ иштирок намуд
ДУШАНБЕ, 14.12.2021 /АМИТ «Ховар»/. 10 декабр нишасти 17-уми Шӯрои машваратии роҳбарони хадамоти давлатии бойгонии кишварҳои узви ИДМ дар шакли видеоконфронс баргузор гардид, ки дар он сардори Сарраёсати бойгонии назди Ҳукумати Ҷумҳурии Тоҷикистон Ҷамила Лангарӣ иштирок намуд.
Тавре аз маркази матбуоти Кумитаи иҷроияи ИДМ ба АМИТ «Ховар» хабар доданд, дар ҷаласа намояндагони кишварҳои узви ИДМ аз Ҷумҳурии Озарбойҷон, Ҷумҳурии Арманистон, Ҷумҳури Беларус, Қазоқистон, Қирғизистон, Русия, Тоҷикистон, Узбекистон ва намояндаи Кумитаи иҷроияи ИДМ ширкат намуданд.
Иштирокчиёни нишаст ҳолати корҳои бойгониро дар солҳои 2020-2021 дар кишварҳои узви ИДМ ва масъалаи ташкили ҳамкории хадамоти давлатии бойгонии давлатҳои узви ИДМ бо муассисаҳои таҳсилоти олӣ ва миёнаи махсусро, ки мутахассисонро дар соҳаи бойгонӣ омода мекунанд, баррасӣ карда, инчунин оид ба масъалаи ташкили махзани нигаҳдории ҳуҷҷатҳо дар бораи ҳайати шахсии давлатҳои аъзои ИДМ табодули назар намуданд.
Раиси Шӯрои машваратӣ дар давраи навбатӣ раиси Кумита оид ба корҳои бойгонӣ ва ҳуҷҷатнигории Вазорати фарҳанг ва варзиши Ҷумҳурии Қазоқистон Куат Борашев (Ҷумҳурии Қазоқистон) интихоб гардид.
АКС: Хадамоти матбуоти Кумитаи иҷроия ИДМ
РАВАНДИ ОБИ ДУШАНБЕ. Дар Конфронси чоруми байналмилалии сатҳи баланд кадом масъалаҳо баррасӣ мешаванд?
Дар шаҳри Варшава барои ҷавонони тоҷик мусобиқаи футбол ташкил карда шуд
Ҳамкорӣ байни муассисаҳои таҳсилоти олии Тоҷикистон ва Донишгоҳи давлатии иқтисодии Озарбойҷон баррасӣ гардид
Сафири Тоҷикистон бо муовини Фармондеҳи генералии Қӯшунҳои сарҳадии Лаҳистон вохӯрӣ кард
Сафари таърихии давлатӣ ба Чин. Натиҷаҳо беш аз 80 санади нави ҳамкорӣ ва ҷалби зиёда аз 8 миллиард доллари амрикоӣ сармоя ба иқтисодиёти Тоҷикистон
Сироҷиддин Муҳриддин бо роҳбари Дафтари барномаҳои САҲА дар Тоҷикистон мулоқот намуд
РАВАНДИ ОБИ ДУШАНБЕ. Дар дафтари СММ дар Арабистони Саудӣ оид ба Конфронси Душанбе чорабинӣ доир гардид
Нақши Тоҷикистон ҳамчун пешбарандаи дипломатияи об дар ҳамоиши байналмилалӣ дар Абузабӣ таъкид гардид
Дар Туркманистон бахшида ба Рӯзи ҷавонони Тоҷикистон вохӯрӣ баргузор гардид
Сафири Тоҷикистон бо муовини Вазири корҳои хориҷии Лаҳистон мулоқот намуд
Ҳамкории мутақобили судманди Тоҷикистон бо Созмони байналмилалии ҳуқуқи рушд баррасӣ гардид
