Маҳмадтоир Зокирзода ва Виктор Денисенко оид ба рушди ҳамкории мутақобила суҳбат намуданд

Декабрь 23, 2021 10:01

ДУШАНБЕ, 23.12.2021 /АМИТ «Ховар»/. Имрӯз Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода бо Сафири Фавқулода ва Мухтори Ҷумҳурии Беларус дар Ҷумҳурии Тоҷикистон Виктор Денисенко мулоқот намуд, хабар дод котиби матбуоти Маҷлиси намояндагон Муҳаммадато Султонов ба  АМИТ «Ховар».

 Раиси Парлумони касбии мамлакат Маҳмадтоир Зокирзода иброз намуд, ки бо шарофати иродаи қавии сиёсӣ ва муносибатҳои бародаронаи Сарони ду давлат- Эмомалӣ Раҳмон ва Александр Лукашенко барои рушди ҳамкории мутақобила заминаи мустаҳками ҳуқуқӣ фароҳам оварда шудааст.

«Миёни Ҷумҳурии Тоҷикистон ва Ҷумҳурии Беларус зиёда аз 90 шартномаю созишномаҳо ба имзо расидаанд, ки имкон медиҳанд ҳамкории судманд дар соҳаҳои сиёсӣ, тиҷоратӣ, иқтисодӣ, фарҳангӣ ва гуманитариро бомуваффақият инкишоф диҳанд»,-афзуд Раиси Парлумон.

Ҳамзамон Маҳмадтоир Зокирзода афзуд, ки ҳуҷҷатҳои бунёдие, ки принсипҳои асосии муносибатҳои дуҷонибаро муайян мекунанд, Шартномаи дӯстӣ ва ҳамкории байни ду давлат, ки 5 апрели соли 2000 ба имзо расидааст ва Созишномаи шарикии стратегӣ байни Ҷумҳурии Тоҷикистон ва Ҷумҳурии Беларус аз 27 июни соли 2000 ба ҳисоб мераванд.

Маҳмадтоир Зокирзода ҳамчунин гуфт, ки «эътимоди мутақобилаи сиёсӣ ва ҳамкории мутақобилан судманди Тоҷикистону Беларус ба сатҳи баланди бесобиқа расидааст. Мисоли ин ҳамкории бошиддат ривоҷёбандаи байниминтақавӣ байни вилоятҳо, шаҳрҳо ва ноҳияҳои ду кишвар шуда метавонад. Созишномаҳо оид ба ҳамкории тиҷоратию иқтисодӣ, илмию техникӣ ва фарҳангӣ миёни вилоятҳои Витебск ва Суғд, Минск ва Суғд, Гомелу Хатлон, Минск ва Душанбе, ноҳияҳои Ёвон ва Узден, Созишномаи ҳамкорӣ байни вилоятҳои Могилев ва Суғд, ки ба имзо расидаанд, нишонаи олии ҳамкории ду кишвар мебошад. Имконияти бастани чунин созишномаҳо миёни дигар субъектҳои ҳудудии Беларус ва Тоҷикистон баррасӣ мешавад».

АКС: Маҷлиси намояндагон

Декабрь 23, 2021 10:01

Хабарҳои дигари ин бахш

Шартнома миёни Ҷумҳурии Тоҷикистон ва Федератсияи Русия оид ба ҳамкорӣ дар соҳаи таъмини нафақа. Шарҳи АМИТ «Ховар» дар ин мавзӯъ
Ҳиндустон ба Тоҷикистон барои татбиқи лоиҳаҳо дар соҳаи иҷтимоӣ кумаки грантӣ мерасонад
Дар ҷаласаи навбатии иҷлосияи сеюми Маҷлиси намояндагон ба якчанд қонун тағйиру иловаҳо ворид гардиданд
Муҳаммадраҳим Юсуфӣ дар муколамаи вакилони парлумонҳои кишварҳои Осиёи Марказӣ оид ба тағйирёбии иқлим иштирок намуд
Насиба Содиқӣ бори дуюм муовини раиси Комиссияи доимии Ассамблеяи Байнипарлумонии ИДМ оид ба илм ва маориф интихоб гардид
Вакили Маҷлиси намояндагон Зоир Раҳмонзода дар ҷаласаи Комиссияи доимии АБ ИДМ иштирок намуд
Ҷаласаи комиссияи доимии Ассамблеяи Байнипарлумонии ИДМ оид ба масъалаҳои ҳуқуқӣ, амният, илм ва маориф баргузор гардид
Дар Маҷлиси намояндагон Шартнома миёни Тоҷикистон ва Русия оид ба ҳамкорӣ дар соҳаи таъмини нафақа баррасӣ шуд
Доир ба «Стратегияи миллии рушди Ҷумҳурии Тоҷикистон барои давраи то соли 2030» машварати илмӣ-назариявӣ доир шуд
Ҷаласаи Шӯрои коршиносон оид ба илм ва маорифи назди АБ ИДМ баргузор шуд
Саидмурод Фаттоҳзода ва Тзи Шумин дурнамои ҳамкории мутақобилан судманди Тоҷикистон ва Чинро баррасӣ намуданд
Дар Маҷлиси намояндагон оид ба таҳлил ва омӯзиши санадҳои меъёрии ҳуқуқӣ машварат доир гардид