МАСЛИҲАТИ МУТАХАССИС. Ба деҳқонон корҳои яхобмонии замин ва буриши дарахтон фаҳмонида шуданд

Декабрь 12, 2021 08:31

ДУШАНБЕ, 12.12.2021 /АМИТ «Ховар»/. Агар дар фасли сармо замин яхоб хӯрад, дар мавсими киштукор намии муқаррарӣ пойдор мемонад, ҳашароти зараровар нобуд мешаванд ва таркиби хок аз оби захиравию сабзишӣ баҳраманд мегардад. Аз мушоҳида ва таҷрибаву дониши назариявии мутахассисон ҳам яхобмонӣ – оби захиравӣ фоидаи калон дошта, ба замини киштбобу корам қувват ато мекунад, ба хок нармиву эъҷоз мебахшад. Ин нуктаро олимони соҳаи кишоварзии мамлакат зимни баргузории ҳамоиши машваратии илмию амалӣ дар мавзӯи «Буриши ниҳол, фурӯши ниҳолҳои мевадиҳанда ва ба роҳ мондани корҳои фаҳмондадиҳӣ оид ба яхобмонии заминҳо, барқарор намудани боғҳои кӯҳна ва агротехникаи парвариши баъзе дарахтону буттаҳои ороишӣ», ки дар шаҳри Ҳисор баргузор гардид, баён доштанд, иттилоъ доданд ба АМИТ «Ховар» аз шуъбаи матбуот ва иттилооти Вазорати кишоварзии мамлакат.

Ҳадаф аз баргузории ҳамоиши илмӣ — ин татбиқ намудани сиёсати Ҳукумати Ҷумҳурии Тоҷикистон дар бахши боғу токпарварӣ, таҳлилу баррасии масоили ҳалталаби рушди соҳаи боғпарварӣ, дарёфти усулҳои нави парвариш, бурриши ниҳол, тартиби шаклдиҳии ниҳолҳо, пайвандкунӣ, фурӯши ниҳол ва омодагӣ ба кишту кори баҳорӣ ба шумор меравад. Инчунин баргузории ин машварат ба фаъолияти минбаъдаи кишоварзон таъсири мусбат расонида, метавонад ба захиракунии намӣ, нест кардани ҳашароту зараррасонҳо, баланд бардоштани ҳосилхезии замин, ба даст овардани маҳсулоти босифат ва меваҳои лазизу шаҳдбор замина гузорад.

Дар кори машварат Вазири кишоварзии Ҷумҳурии Тоҷикистон Сулаймон Зиёзода, Президенти Академияи илмҳои кишоварзии Тоҷикистон Нуралӣ Асозода, роҳбарони хоҷагиҳои деҳқонӣ ва дигар масъулон иштирок ва суханронӣ намуданд.

Ҳамчунин аз ҷониби олимон ва мутахассисони Институти боғпарварию сабзавоткории Академияи илмҳои кишоварзии Тоҷикистон, Донишгоҳи аграрии Тоҷикистон ба номи Шириншоҳ Шоҳтемур, КВД «Тоҷикниҳолпарвар» оид ба ҳолати кунунии рушди соҳаи боғу токпарварӣ, афзалияту самаранокӣ ва агротехникаи бурриш ва башаклдарории дарахтони мевадиҳанда ва ангур, парвариши баъзе дарахтону буттаҳои ороишӣ, яхобмонии заминҳо ва аҳамияти он, омода намудани кишти тухмиҳои дарахтони нодир ва парваришу нигоҳубини тухмии дарахтони ороишӣ, мубориза бар зидди касалию ҳашароти зараррасони боғҳо дар давраи тирамоҳу зимистон ва барқарор намудани боғҳои кӯҳна бо усули зина ба зина, инчунин бунёди боғҳои нав тавсияҳои илман асоснок пешниҳод гардиданд.

Ба иштирокдорон тарзу усули буруши ниҳол, яхобмонии замин  ва агротехникаи парвариши баъзе дарахтону буттаҳои ороишӣ ба таври амалӣ нишон дода шуд.

АКС: Вазорати кишоварзии ҶТ

Декабрь 12, 2021 08:31

Хабарҳои дигари ин бахш

Вазири саноати Тоҷикистон бо намояндагони ширкатҳои пешрафтаи байналмилалӣ дар соҳаи зеҳни сунъӣ мулоқот намуд
Дар Душанбе оид ба долони мултимодалии «Тоҷикистон – Узбекистон – Туркманистон – Эрон – Туркия + Чин» ҷаласа доир гардид
Дар шаҳри Гулистон форуми соҳибкорони вилоятҳои Суғд ва Минск баргузор мегардад
Деҳқонони ноҳияи Фархор аз усулҳои муосир — кишти зери плёнкагӣ ва обёрии қатрагӣ васеъ истифода мебаранд
Дар Хуҷанд рушди соҳаҳои кишоварзиро дар шароити тағйирёбии иқлим баррасӣ намуданд
Тавсеаи ҳамкории Тоҷикистон ва Чин дар соҳаи саноат баррасӣ гардид
Дар Душанбе татбиқи «Стратегияи ҳамкории БАТР бо Ҷумҳурии Тоҷикистон барои солҳои 2023-2026» баррасӣ карда шуд
Дар Тоҷикистон баҳогузории глобалии низоми омори миллӣ идома дорад
Чаро дарахтони мевадиҳанда ва ниҳолҳои навшинонида хушк мешаванд?
Агрегати якуми Неругоҳи барқи обии «Себзор» ба истифода дода мешавад
Дар Тоҷикистон беш аз 7 ҳазор тонна равғани растанӣ истеҳсол карда шудааст
Дар ноҳияи Дӯстӣ ҷамъоварии тарбуз идома дорад