Миёни академияҳои ВКД Тоҷикистон, Узбекистон ва Беларус ҳамкорӣ тақвият меёбад
ДУШАНБЕ, 24.12.2021 /АМИТ «Ховар»/. 23 декабр вохӯрии Вазири корҳои дохилии Ҷумҳурии Тоҷикистон, генерал-полковники милитсия Рамазон Раҳимзода бо роҳбари Академияи ВКД Ҷумҳурии Узбекистон, полковники милитсия Рустам Ҳотамов ва сардори Академияи ВКД Ҷумҳурии Беларус, генерал-майори милитсия Александр Василев доир гардид, хабар медиҳад АМИТ «Ховар» бо истинод ба Вазорати корҳои дохилии Ҷумҳурии Тоҷикистон.
Вазири корҳои дохилӣ Рамазон Раҳимзода зимни вохӯрӣ иброз намуд, ки тайи солҳои охир равобиту ҳамкории дуҷониба ва бисёрҷонибаи мақомоти корҳои дохилии Ҷумҳурии Тоҷикистон бо ҳампешагони хориҷӣ тақвият ёфта истодааст.
Рамазон Раҳимзода зикр кард, ки ҷумҳуриҳои мо чӣ дар сатҳи олӣ ва чӣ миёни роҳбарони вазоратҳои корҳои дохилӣ муносибатҳои хуби корӣ ва дӯстона доранд. Дар ин замина бояд дигар сохторҳо, хусусан академияҳо заминаи хуби ҳамкорӣ ба роҳ монда, дар самти омода намудани кадрҳои баландихтисос мубодилаи доимии назариявӣ ва амалӣ дошта бошанд.
«Дар замони ҷаҳонишавӣ ва ба миён омадани хатарҳои нави глобалӣ моро зарур аст, ки аз пештара дида бо ҳамдигар ҳамкорӣ намоем ва бо ин таҳдиду хатарҳо дар якҷоягӣ роҳҳои нави мубориза бо ҷинояту ҷинояткориро пайдо намоем»,-гуфт Вазири корҳои дохилии Тоҷикистон.
Дар хотимаи вохӯрӣ меҳмонон барои пазироии гарму самимӣ ба роҳбарияти Вазорати корҳои дохилии Ҷумҳурии Тоҷикистон сипос гуфта, изҳори боварӣ намуданд, ки ҳамкории минбаъда миёни академияҳо боз ҳам густариш хоҳад ёфт.
АКСҲО: ВКД ҶТ
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
Ҳабибулло Воҳидзода бо аъзои иттиҳодияи ҷамъиятии «Пайравони Пешвои миллат» вохӯрӣ намуд
